Isaya 62:1-12
-
Nying manyien mar Sayun (1-12)
62 Nikech ahero Sayun ahinya, ok abi ling’,+Nikech ahero Jerusalem ahinya, ok abi yueyoNyaka chieng’ ma timne makare biro golo ler ma rieny+Kendo resruokne oliel kaka taya.+
2 “Ogendni biro neno timni makare, A Jerusalem,*+Kendo ruodhi duto none duong’ mosemiyi.+
Ibiro luongi gi nying manyien,+Nying ma dho Jehova owuon biro wacho.
3 Inibed kaka osimbo maber e lwet Jehova,Kilemba mar ruoth e lwet Nyasachi.
4 Ok nochak oluongi kendo ni dhako mojwang’,+Kendo pinyi ok noluong kendo ni piny mowe.+
To ibiro luongi ni Dhako ma Ahero,+Kendo pinyi ibiro luong ni Dhako Mosekendi.
Nimar Jehova biro heri ahinya,Kendo pinyi biro chalo kaka dhako mosekendi.
5 Mana kaka wuoyi kendo nyako ma silili,E kaka jo modak e pinyi* biro kendi.
Mana kaka wuon kisera mor koyudo miaha,E kaka Nyasachi biro mor koyudi.+
6 A Jerusalem, aseketo jorit e wi ohinga magi.
Ok onego giling’ odiechieng’ gotieno duto.
Un jo ma luongo nying JehovaKik uyue,
7 Kendo kik uwe oyue nyaka chop ogur Jerusalem motegno,Adier, nyaka chop omi piny duto opake.”+
8 Jehova osekuong’ore gi bade ma korachwich, lwete ma nigi teko:
“Ok anachak ami wasiki chambi mondo gicham,Bende, ok anawe jo moa e pinje mamoko omadh divai mari manyien ma isetiyone matek.+
9 To jo mosekeyo e ma biro chamo chambgi, kendo ginipak Jehova;Jo mosepono mzabibu biro madho divaigi e laruna maler.”+
10 Kadhuru, kadhuru e dho rangeye.
Losuru ne ji yo.+
Buguru, buguru lowo e ndara.
Goluru kite.+
Ting’uru bendera mondo ji one.+
11 Ne! Jehova oselando nyaka e tung’ piny niya:
“Wach ne nyar Sayun,‘Ne! Resruokni chiegni.+
Ne! Enobi gi pok,Kendo gik mobiro chulo ji nie nyime.’”+
12 Ibiro luonggi ni oganda maler, jo ma Jehova osewaro,+Kendo ibiro luongi ni Ng’at ma Ji Dwaro, Dala ma Ok Ojwang’.+
