Mika 5:1-15
5 “Koro itong’ori iwuon,Yaye nyako mosemonji;Osedinnwa koni gi koni.+
Gigoyo lemb+ jang’ad bura mar Israel gi luth.
2 To in Bethlehem Efratha,+In e ma itinie moloyo e kind dhoudi* mag Juda,Kuomi e ma ng’at ma noloch e Israel nowuogie,+Ng’at ma kar chakruokne osebedoe nyaka nene, ee, chakre ndalo machon.
3 E momiyo obiro jwang’ogiNyaka chop kinde ma dhako ma yach biro nyuolie.
Eka owetene modong’ biro dok ir Jo-Israel.
4 Obiro chung’ kendo kwayo kuedhe kuom teko mar Jehova,+Kuom duong’ mar nying Jehova Nyasache.
Ginidag gi kuwe,+Nikech koro duong’ne biro chopo e tung’ piny duto.+
5 Obiro kelo kuwe.+
Kendo ka Jo-Asuria omonjo pinywa mi onyono ohinga magwa mochiel motegno,+Wabiro chungone jokwath abiriyo, ee, jotelo aboro mondo oked kode.
6 Gibiro ketho* piny Asuria gi ligangla,+Kod piny Nimrod+ gi kuondene midonjogo.
Obiro resowa e lwet Ja-Asuria,+Ka omonjo pinywa kendo nyono karwa.
7 Joka Jakobo modong’ nobed e kind ogendni mang’enyMana ka tho moa kuom Jehova,Ka koth ma chue e lumMa ok gen dhanoKata rito yawuot dhano.
8 Joka Jakobo modong’ nobed e kind ogendni,E kind ji mang’eny,Mana ka sibuor e kind le mag bungu,Kendo ka sibuor matin e kind rombe,Ma kalo e diergi ka kidhogi matindo tindo;Kendo onge ng’at ma diresgi.
9 Ibiro rieyo badi e wi jo ma mon kodi,Kendo jowasiki duto ibiro tieki.”
10 “E odiechiengno,” Jehova owacho,“Anatiek fareseni kendo anaketh gecheni.
11 Abiro ketho mier madongo manie pinyiKendo muko ohinga magi mochiel motegno.
12 Abiro tieko timbeni duto mag juok,Onge ajuoga moro amora ma biro dong’ e kindu.+
13 Abiro ketho sanamu magu mopa kod sirni magu,Kendo ok unuchak ukulru ne gik ma uloso gi lwetu.+
14 Abiro pudho sirniu mag yien*+Kendo anaketh miechu madongo.
15 Abiro chulo kuor ka an gi mirima kod ich-wang’Ne ogendni ma otamore winjo wach.”
