Ngeche 21:1-31
21 Chuny ruoth chalo gi aoche mag pi e lwet Jehova.+
Ochike kaka odwaro.+
2 Dhano paro ni yorene duto ni kare,+To Jehova e ma nono chuny.+
3 Timo gima kare kendo mowinjoreBer e wang’ Jehova moloyo misango.+
4 Wang’ ma sungore kod chuny ma ng’awore—Richo e taya ma chiko jo ma timbegi richo.+
5 Chenro mag jakinda kelo ohala,+To ji duto ma rikni bedo modhier.+
6 Mwandu ma lep mariambo keloChalo gi ong’ueng’o ma lal piyo, en obadho mar tho.*+
7 Timbe mahundu mag joricho biro yweyogi,+Nimar gidagi timo gima kare.
8 Yor jaricho ogondore,To timbe mag ng’at maler oriere tir.+
9 Ber dak e kona mar tadoMoloyo dak gi dhako ma ralep.+
10 Chuny ng’at marach gombo richo;+Ok odew nyawadgi.+
11 Ka ikumo ja ajara, ng’at ma riekone tin yudo rieko,Kendo ka ng’at mariek opuonjore, omedo ng’eyone.+
12 Ng’at Makare ng’iyo od jaricho;Otero ng’at marach e kethruok.+
13 Ng’at ma dino ite ne ywak mar jachanEn bende koywak, ok bi dwoke.+
14 Mich mochiw ling’ling’ kueyo mirima,+To asoya mopand e kor, kueyo ich-wang’.
15 Ng’ado bura kare miyo ng’at makare mor,+To obwogo jo ma timo richo.
16 Ng’at ma weyo yor riekoBiro yueyo gi oganda mar jo motho.+
17 Ng’at mohero raha biro bedo jachan;+Ng’at mohero divai kod mo ok nobed jamwandu.
18 Jaricho e ma iwarogo ng’at makare,To ja andhoga ibiro kaw kar ng’at matir.+
19 Ber dak e thimMoloyo dak gi dhako ma ralep, kendo ma iye wang’ piyo.+
20 Mwandu ma nengogi tek kod mo yudore e od ng’at mariek,+To ng’at mofuwo chamo mwandune duto.+
21 Ng’at ma luwo tim makare kod hera madierBiro yudo ngima, tim makare, kod duong’.+
22 Ng’at mariek nyalo loyo dala mar jo rotekeKendo ketho gima ne gigeno.+
23 Ng’at ma rito dhoge gi leweGeng’o chandruok.+
24 Ng’at ma hedhore, ma jasunga, e nying mowinjore giNg’at ma muomore kendo ma ok dew gimoro amora.+
25 Gima jasamuoyo gombo e ma nonege,Nikech lwetene odagi tich.+
26 Odiechieng’ duto ogombo gik mathoth,To ng’at makare chiwo gike ma ok otuono ng’ato gimoro.+
27 Misango mar jaricho ok ber.+
To mano kaka orach kochiwe gi paro marach!
28 Janeno ma jamiriambo biro tho,+To ng’at ma chiko ite biro chiwo neno maber.
29 Jaricho wang’e tek,+To ng’at matir chiko yorene maber.+
30 Onge rieko, kata pogo weche, kata paro ma ji ng’ado, ma nyalo geng’o Jehova.+
31 Faras iiko ne odiechieng lweny,+To Jehova e ma kelo warruok.+
Weche Moler Piny
^ Kata nyalo bedo, “en obadho ne jo ma manyo tho.”
