Zaburi 121:1-8
Wend Jo ma Idho.
121 Ating’o wang’a karango gode.+
Konyruokna biro wuok kanye?
2 Konyruokna biro a kuom Jehova,+Jal ma nochueyo piny gi polo.
3 Ok obi yie mondo ikier.+
Ng’at ma riti ok nonur ngang’.
4 Adier, Jal ma rito Israel+Ok bi nur kendo nindo ok notere ngang’.
5 Jehova e ma riti.
Jehova e tipo mari,+ kendo en e badi ma korachwich.+
6 Chieng’ ok nochami godiechieng’,+Kendo dwe ok notimni gimoro gotieno.+
7 Jehova biro geng’oni masiche duto.+
Ee, obiro rito ngimani.+
8 Jehova biro riti kiwuok kendo kiduogo;Chakre sani kendo nyaka chieng’.
