Zaburi 149:1-9
149 Pakuru Jah!*
Werneuru Jehova wer manyien;+Pakeuru e chokruok mar jo momakore kode.+
2 Jo-Israel mondo obed mamor gi Jachuechgi Maduong’,+Nyithind Sayun mondo obed mamor gi Ruodhgi.
3 Onego gipak nyinge ka gimiel,+Kendo giwerne wende mamit ka gigoyo oyieke gi nyatiti.+
4 Nimar Jehova ohero joge.+
Obidho jo mamuol gi warruok.+
5 Jo momakore kode mondo obed moil nikech duong’ne;Gikog gi mor e otandagi.+
6 Wende mag pako Nyasaye mondo obed e dhogi,Kendo giting’ ligangla ma dhoge ariyo e lwetgi,
7 Mondo gichulgo kuor ne ogendniKendo gikum ji,
8 Gitue ruodhigi gi nyorocheKod jotendgi gi opingo,
9 Kendo ging’adnegi bura ma ne ondiknegi.+
Mano e duong’ momiyo jo ma omakore kode.
Pakuru Jah!*
Weche Moler Piny
^ Kata, “Haleluyah!” “Yah” kata “Jah” en nying Jehova e yo machuok.
^ Kata, “Haleluyah!” “Yah” kata “Jah” en nying Jehova e yo machuok.
