Zaburi 43:1-5
43 A Nyasaye, ng’adna bura kare,+Yal bucha+ mondo ikwedgo oganda ma ok oluori.
Resa e lwet jo ma wuondore kod jo ma timbegi richo.
2 Nimar in e Nyasacha ma apondo kuome.+
Ang’o momiyo isewita?
Ang’o momiyo asiko ka akuyo mana nikech jasika sanda?+
3 Or ler mari kod adierani,+
Mondo otelna.+Yie mondo gitaya nyaka e godi maler kendo e hekalu mari.+
4 Eka anadhi e kendo mar misango,+Ir Nyasaye ma miya mor.
Abiro paki gi nyatiti,+ A Nyasacha.
5 Ang’o momiyo chunya chandore?
Ang’o momiyo chunya parore?
Gen kuom Nyasaye,+Nikech pod abiro pake kaka Jawarna kendo Nyasacha.+
