Zaburi 57:1-11
Ne jatend wer. Onego owere gi dwol mar “Kik Ikel Kethruok.” Zaburi mar Daudi. Miktam.* Ka ne Daudi oringo Saulo mopondo e rogo.+
57 Yaye Nyasaye, yie ikecha,Nikech in e kar buokna,+Kendo apondo e tipo mar buombeni nyaka chandruogena duto rum.+
2 Aywak ne Nyasaye Mamalo Chutho,Nyasaye madier ma tiekona chandruogena.
3 Obiro orona kony koa e polo, kendo enoresa.+
Obiro kwero jo ma dwaro ngama. (Sela)
Nyasaye biro bedo ja adiera, kendo obiro nyisa herane mosiko.+
4 An e dier sibuoche;+Anindo e dier jo ma dwaro ngama,Ma lekegi chal gi tonge gi aserni,Kendo lewgi bith ka ligangla.+
5 Yaye Nyasaye, nyis tekoni gie kor polo;Mad duong’ni obed e wi piny duto.+
6 Ne gichikona obadho mondo omak tienda;+Omiyo, chunya chandore.+
Ne gikunyo bugo e yora,To gin giwegi e ma giselwar e iye.+ (Sela)
7 A Nyasaye, chunya otegno,+Adier, chunya otegno.
Anawerni kendo analosni wer.
8 Yaye chunya, chiew!
Chiew, A in gir thum migwelo; A nyatiti, in bende chiew.
Abiro chiew kogwen.+
9 A Jehova, abiro paki e kind ji,+Abiro werni e dier ogendni.+
10 Nimar herani mosiko duong’ kendo ochopo nyaka e polo,+Kendo adierani chopo nyaka e kor polo.
11 Yaye Nyasaye, nyis tekoni gie kor polo;Mad duong’ni obed e wi piny duto.+
Weche Moler Piny
^ Som Tiend Weche.
