“E yo ma kamano, chwo onego oher mondegi kaka gihero ringregi giwegi. Ng’at mohero chiege oherore owuon, nikech onge ng’at ma osin gi dende owuon, to opidhe kendo orite ahinya . . . Ng’ato ka ng’ato kuomu nyaka her chiege kaka oherore owuon.”

Jo-Efeso 5:28, 29, 33

“Wuone, kik ubed ka uchwanyo chuny nyithindu, to dhiuru nyime pidhogi ka urieyogi kendo kupuonjogi kaka Jehova dwaro.”

Jo-Efeso 6:4

“Dhako . . . onego omi chwore luor matut.”

Jo-Efeso 5:33

“Un mon, bolreuru ne chwou, nimar en gima owinjore kuom Ruoth.”

Jo-Kolosai 3:18

“Un nyithindo winjuru jonyuolu, nikech timo kamano en gima kare kuom Ruoth. ‘Luor wuoru gi meru,’ mano e chik mokwongo ma nigi singo: ‘Mondo weche odhini maber, kendo idag e piny aming’a.’ ”

Jo-Efeso 6:1-3

“Un nyithindo, winjuru jonyuolu e gik moko duto, nimar mano en gima ber ne Ruoth.”

Jo-Kolosai 3:20