Muma opong’ gi rieko mabeyo ma nyalo konyowa dak maber. Ka isomo Muma pile kendo iparo matut kuom gik ma isomo, kae to itiyo gi weche ma ipuonjorigo e ngimani, “yoreni duto biro dhi maber.” (Joshua 1:8; Zaburi 1:1-3) Bende, ibiro ng’eyo Nyasaye kod Yesu wuode, to mano biro miyo iyud resruok.​—Johana 17:3.

Inyalo chako somo Muma gi kanye? Nitie yore minyalo yiero chako tiyogo. Chenro moket kaeni nyalo konyi somo Muma kichako gi somo buge ma ni e Muma kaka giluwore, kata kaka opoggi e kidienje. Kuom ranyisi, inyalo yiero somo buge ma wuoyo e wi sigand Jo-Israel kod kaka Nyasaye notayogi. Bende, inyalo yiero somo buge ma wuoyo e wi kaka kanyakla mar Jokristo mokwongo nochakore kod kaka kanyaklago nodongo. Ka isomo sula moket kanyachiel odiechieng’ ka odiechieng’, to ibiro somo Muma duto kuom higa achiel.

Bed ni idwaro chenro ma nyalo konyi somo Muma pile, somo Muma kuom higa achiel, kata somo Muma mosmos, chenroni nyalo konyi. Inyalo download PDF mar chenro mar somo Muma minyalo goyo e otas, mondo ichak tiyo kode kawuono.