“Nge e Satanás kʼꞹ dya joo kʼꞹ manda [kja ne Xoñijomꞹ].” (1 Juan 5:19, Nu O̱ Jñaa Mizhocjimi nu mama ja ga cja e Jesucristo, ro junsʼꞹ kʼua jaga opjꞹjidya.)

“Kʼꞹ bi ñe̱je̱ o Trʼii Mizhokjimi, nge kʼꞹ o juapkʼꞹ o bʼɇpji e Satanás kʼꞹ dya joo.” (1 Juan 3:8.)

Ga kjanu ra pa̱ra̱ji pjekja ri kjogꞹji na punkjꞹ nrrumꞹ (Apocalipsis 12:12).

Ga kjanu ra unꞹji nguenrra ke dya kja ra mezhe kʼe paa ke ra ka̱ra̱ji na joo kja ne Xoñijomꞹ (1 Juan 2:17, Traducción del Nuevo Mundo).

Ja̱a̱, jñanrra kʼo mamaba:

• Dya kja ra mezhe na punkjꞹ ma dya kja ra manda e Satanás. Dya kja ra mezhe ma e Jeoba ra chjotꞹ e Satanás, ga kjanu dya kja ra manda kja ne Xoñijomꞹ. E Jeoba mama ra jokꞹ kʼo na sʼoo ke na kjaa e Satanás kja ne Xoñijomꞹ (Hebreos 2:14, Traducción del Nuevo Mundo).

• E Mizhokjimi a juajnꞹ e Jesús ngekʼua ra manda. E Jesús dya kjaa nzakja e Satanás kʼꞹ mandadya kja ne Xoñijomꞹ, e Jesús me nee ra mbøsʼꞹ yo ntee, dya nee ke ra tsjapꞹji ra supjreji. Kja ne Biblia, e Mizhokjimi mama ke ma ra manda e Cristo kja ne Xoñijomꞹ ra juentsʼe yo ntee kʼꞹ dya pje pɇsʼiji, xo ra kjuatꞹ texe kʼo na sʼoo (Salmo 72:13, 14.)

• E Mizhokjimi dya mama bʼechjine. Ne Biblia mama ke “Mizhokjimi, dya mbʼechjinekʼꞹ” (Tito 1:2). Ngekʼua, texe kʼo mama e Jeoba ke ra tsjaa, akjanu ra kjogꞹ (Isaías 55:10, 11). Angeze go mama ke ra pjongꞹ atrjii “kʼꞹ dya joo kʼꞹ manda kja ne Xoñijomꞹ” (Juan 12:31).