4. Yo ntee dya kja sʼiyaji o familia

”Yo ntee [. . .] ra sʼiyatsjɇji, dya ra sʼiyaji yo in minteji.” (2 TIMOTEO 3:1-3)

● A norte a Gales, e Chris pɇpji nu ja ñanaji yo pⱥrⱥji kja o ngumꞹji, angeze mama: “Na paa o e̱je̱ na ndinxu kʼꞹ me ko mbⱥrⱥji ni xi mi pa̱rgø kjo mi ngeje xo ba e̱ji kʼo dyaja ndinxu kʼo me sadʼꞹji i me zichʼi kja o mꞹbʼꞹji ñe soji ke dya pje baleji ni xi nee ra jñꞹsʼꞹji o jmiji.”

¿PJE NGE KʼO YA BO KJOGU? Kja na país a África, na punkjꞹ bʼɇjña o bʼꞹbʼꞹ kjo go penchʼi ñe o tsjapꞹ ro obʼꞹbi a juerza ma kja mi tsʼixutʼiji. Kja kʼe país o tsjapꞹji tʼønꞹ yo bʼɇzo i na punkjꞹ mamaji ke dya na sʼoo ma ɇji o suji, pe dya ngextjo yo bʼɇjña nge kʼo supjreji kja o ngumꞹji. A Canadá na punkjꞹ bʼɇjña pⱥrⱥji o xiraji.

KʼO MANJI YO NTEE Ndizi mi jingua asta yo padya a bʼꞹbʼꞹ bʼɇzo ne bʼɇjña kʼꞹ ɇji o suji o nu xiraji. Pe nudya mazi kjapꞹji nguenda.

¿NA KJUANA KʼO MANJI YO NTEE? Zø bʼꞹbʼꞹdya ntee kʼo pjøsʼꞹji nukʼo pⱥrⱥji kja o ngumꞹji pe dya bʼe ngꞹsʼꞹji ne ndumꞹ. Pama pama mazi bʼꞹbʼꞹ ntee ke dya kja neji o familia.

¿PJE I MANGE? ¿Kjo na kjogꞹdya kʼo mama kja 2 Timoteo 3:1-3?, ¿Na kjuana ka̱ra̱ ntee ke axi sʼiyaji o pjamilia?

Ra nuji pje mama nu Biblia kʼo kjaa yo ntee ngekʼua na sʼodʼꞹdya ne Xoñijomꞹ. Nge na tsichʼa profecía kʼꞹ na kjogꞹdya.

[Jñaa]

”Yo pⱥrⱥji kja o ngumꞹji dya paa køsʼꞹji kja yo autoridad. Na bʼɇjña ixi sɇchi na punkjꞹ bes kʼꞹ ɇji ante ke ra maa køsʼꞹ o xira ko yo policía.” (PORTAVOZ DEL SERVICIO DE AYUDA CONTRA EL MALTRATO DOMÉSTICO DE GALES)