“Asi vanahana kara dika tauna baine puki; . . . A manau taudia ese tano bae abia; maino ena harihari-bada idia ese bae moalelaia.”​—SALAMO 37:10, 11.

I BE uramu una peroveta herevana baine momokani ba itaia, a? A dibamu, oi na o uramu una na baine momokani. Badi namodia daidiai baita abia dae vaitani, una hereva na kahirakahira be momokanimu.

Atikol idauidau ai Baibul ena peroveta herevadia haida tame duahi neganai, tame laloparara, ita na “dina gabedia” lalodiai ta nohomu. (2 Timoteo 3:​1-5) Dirava ese ena lauma helaḡa amo Baibul e torea taudia e rohedia unu ḡau e perovetalai, unu amo ita na mai eda helaro. (Roma 15:4) Unu peroveta herevadia e ḡuḡurumu karana ese e hadibadamu, ta davarimu hekwakwanaidia iboudiai na be oremu.

Dina gabedia murinai dahaka be varamu? Dirava ena Basileia ese taunimanima iboudiai be lohiadiamu. (Mataio 6:9) Mani Baibul ese e gwaurai gaudia, tanobada ai una negai be varamu ḡaudia aita herevalai:

● Basita hitolomu. “Aniani reidia na tano ai bae vara momomomo, ororo doridia reidia bae helado.”​—Salamo 72:16.

● Basita goreremu. “Hanua tauna ta basineto ‘E goreregumu.’”​—Isaia 33:24.

● Tanobada na be matamata loumu. “Tano ḡaḡaena bona tano kaukauna bae moale; tano ḡaḡaena baine moale, bona baine burea; vahuvahu [eiava saffron] na heto.”​—Isaia 35:1.

Unu bona kahirakahira be ḡuḡurumu Baibul ena peroveta herevadia amo goada ta abimu. Reana Iehova ena Witnes taudia ba nanadaidia, unu amo oi bae hadibamu dahaka dainai idia ese e abia daemu, vaira negana ai mauri na be namo hereamu, ani?