Enn parmi bann meyer fason ki bann paran kapav ed zot bann zanfan pou gagn sazes ki sorti kot Bondie, se kan zot ed zot zanfan pou tir maximum profi ar bann renion Kretien. Seki bann zanfan trouve, tande, ek dir dan zot bann repons dan renion, kapav ed zot pou aprann konn Zeova ek vinn so kamarad. (Dt 31:​12, 13) Si to enn paran, kouma to kapav ed to zanfan pou tir maximum profi ar bann renion?

• Fer to best pou asiste bann renion an personn dan Lasal Renion.—Ps 22:22

• Pran letan pou koz avek bann frer ek ser avan ouswa apre renion.—Eb 10:25

• Fer sir ki sak manb lafami ena enn kopi piblikasion ki pe etidie dan renion, ki li version papie ouswa elektronik

• Ed to zanfan pou prepar enn komanter dan so prop mo. —Mt 21:​15, 16

• Koz dan enn fason pozitif lor bann renion ek lor bann linstriksion ki nou gagne

• Ed to bann zanfan pou partisip dan bann laktivite kouma netwayaz Lasal ek osi pou koz avek bann frer ek ser aze dan lasanble

Sa demann boukou zefor pou ed to zanfan pou vinn pros ar Zeova, ek parfwa, sa kapav mem paret difisil. Me selman, to kapav sir ki Zeova pou ed twa.—Iz 40:29.

GET VIDEO PARAN, KONT LOR ZEOVA EK SO LAFORS, EK APRE SA, REPONN SA BANN KESTION-LA:

• Ki lefe fatig ti ena lor Zack ek Leah?

  To repons

• Kifer bann paran bizin kont lor Zeova pou gagn lafors?

  To repons

• Dan ki fason Zack ek Leah inn kont lor Zeova pou gagn so led?

  To repons