LESON 02
Labib Donn Ou enn Lespwar
Partou dan lemond, bann dimounn gagn bann problem ki rann zot tris, fer zot strese, ek mem soufer. Eski ou finn deza ena sa bann santiman-la? Kitfwa ou pe soufer akoz enn maladi ouswa parski enn kikenn ki ou kontan inn mor. Kitfwa ou pe demann oumem, ‘Eski sa pou fini enn zour?’ Repons ki Labib done pou sa kestion-la bien ankourazan.
1. Ki lespwar Labib donn nou?
Labib explik nou kifer ena sa kantite problem-la, me li osi dir nou ki biento tou sa bann problem-la pou disparet. Seki Labib promet pou lavenir donn nou enn lespwar. (Lir Zeremi 29:11, 12.) Sa bann promes-la ed nou pou fer fas ar bann problem ki nou gagne azordi, pou res pozitif, ek pou vremem ere.
2. Ki kalite lavenir Labib promet nou?
Labib dir ki dan lavenir “pa pou ena ni lamor, ni dey, ni lamantasion, ni douler.” (Lir Revelasion 21:4) Bann kitsoz ki pe rann lavi bann dimounn amer azordi, kouma par exanp povrete, linzistis, maladi, ek lamor pou nepli existe. Labib promet nou ki bann dimounn pou viv ere pou touletan lor later ki pou vinn enn Paradi.
3. Kouma ou kapav sir ki bann promes ki ena dan Labib pou realize?
Boukou dimounn ena lespwar ki enn zour sitiasion dan lemond pou ameliore, me zot pena okenn garanti ki sa pou realize. Parkont, nou kapav sir ki bann promes ki ena dan Labib pou realize. Me kouma nou kapav ena sa kalite konfians-la dan Labib? Se kan nou “examinn bann Lekritir an profonder.” (Zistwar Bann Apot 17:11, NW) Amezir ki ou etidie Labib, ou pou trouve si ou kapav fer konfians seki Labib dir lor lavenir.
ANOU GET INPE PLIS
Anou gete kouma lavi pou ete kan bann promes ki ena dan Labib pou realize, ek kouma lespwar ki Labib done kapav ed nou depi asterla mem.
4. Labib promet nou ki nou pou viv pou touletan dan enn lemond parfe
Anou get ansam sertin promes ki ena dan Labib. Lekel ou pli kontan? Ek kifer?
Lir bann verse Labib ki’nn mansione akote sa bann promes-la, ek apre sa, get sa bann kestion-la ansam:
-
Eski sa bann verse-la donn ou enn lespwar? Eski ou panse ki sa bann verse-la kapav osi donn ou fami ek ou bann kamarad enn lespwar?
Imazinn ou pe viv dan enn lemond kot
|
PERSONN PA POU . . . |
TOU DIMOUNN POU . . . |
|---|---|
|
|
|
|
|
|
|
|
|
|
5. Bann promes ki ena dan Labib kapav ed ou depi asterla mem
Boukou dimounn dekouraze ouswa mem ankoler kan zot trouv bann problem ki ena otour zot. Alor, sertin lager pou ki bann kitsoz ameliore. Anou gete kouma promes ki Labib fer konsernan lavenir pe ed bann dimounn depi asterla mem. Zwe VIDEO-la, ek apre sa, get sa bann kestion-la ansam:
-
Ki linzistis ti pe fatig Rafika?
-
Mem si linzistis ki li ti trouve pa’nn disparet, kouma Labib finn ed li?
Labib promet nou ki enn pli bon lavenir pe atann nou, ek sa ed nou kan nou dekouraze ouswa kan nou ena bann problem. Lir Proverb 17:22 ek Romin 12:12, NW, ek apre sa, get sa bann kestion-la ansam:
-
Eski ou panse ki bann promes ki ena dan Labib konsernan lavenir kapav amelior ou lavi depi asterla mem? Kifer ou pans koumsa?
SERTIN DIMOUNN DIR: “Bann promes ki ena dan Labib konsernan lavenir, se zis bann rev.”
-
Kifer li inportan ki ou verifie par oumem ki bann promes ki ena dan Labib pou vremem realize?
SEKI NOU’NN APRANN
Labib promet nou ki dan lavenir nou pou vremem ere, ek sa ed nou pou fer fas ar bann difikilte ki nou pe gagne.
Eski Ou Rapel?
-
Kifer nou tou nou bizin enn lespwar?
-
Ki Labib dir konsernan lavenir?
-
Kouma promes ki ena dan Labib konsernan lavenir kapav ed ou depi asterla mem?
DEKOUVER
Gete kouma lespwar kapav ed ou kan ou ena bann problem.
« L’espoir : où le trouver ? » (Leve!, 22 Avril 2004, an Franse)
Gete kouma lespwar konsernan lavenir kapav ed bann dimounn ki ena enn maladi kronik.
“Eski Labib Kapav Ed Mwa si Mo Ena enn Maladi Kronik?” (Lartik lor jw.org)
Amezir ki ou get sa klip-la, imazinn ou ek ou fami pe profit bann promes ki ena dan Labib konsernan Paradi.
Gete kouma bann promes ki ena dan Labib finn ed enn dimounn ki ti anvi amenn bann sanzman.
« Je ne pense plus devoir changer le monde » (Latour Degard, 1e Ziliet 2013, an Franse)
Ena Osi
KESTION KI POZE SOUVAN
Ki sa Inplike Etidie Labib Avek Bann Temwin Zeova?
Bann Temwin Zeova ofer bann letid Labib gratis, ek ou kapav servi ninport ki version Labib ki ou anvi. Santi ou lib pou invit bann manb ou fami ouswa bann kamarad ki ou anvi.
