Dan enn Lemond ki Anba-Lao—Ki Ou Kapav Fer?
Eski ou ena linpresion ki bann problem ki ena dan lemond, zot afekte ou ankor plis azordi? Kitfwa enn parmi sa bann kitsoz-la pe arive dan ou landrwa ouswa ou pei:
bann lager
bann lepidemi
bann katastrof natirel
lamizer
prezize
bann krim
Kan enn move kitsoz arive, souvan bann viktim pas dan enn sok ek zot nepli ena okenn lespwar. Parkont, ena sertin dimounn ki pena okenn reaksion kan zot fer fas ar bann problem. An realite, sa sok ki zot inn gagne la, se koumadir zot inn paralize lor plan emosionel. Me bien souvan, dan toulede ka, sa zis rann sitiasion-la pli pir ankor.
Kan ena bann problem koumsa, li bien inportan ki ou protez bann ki ou kontan, ki ou pran swin ou lasante, ki ou zer bien ou kas, ek ki ou fer zefor pou res zwaye.
Ki ou kapav fer pou ki tou seki pe pase otour ou pa afekte ou tro boukou?
