TUNDL 01

Nle i g Biibl bu fid g tod’a ni?

CENŊ

T kul bual t kua buali t binbem n ninŋ. Siɛnyoug, t tu kpaan tin bann yal po te g cicagm yen kuum be lann i kaa yal bu baal wonn po. Liel youg mɔ, t tu kpaan tin bu tien nand g fid g nya maba n ninŋ yen tin bu tien nand tinm yen t ŋaag n yab ń gii be pamann n ninŋ. Biibl n ninŋ i g niib bonciɛnn la l buali kul ŋmiɛni g biɛ la cegli nba tod’b b binbem n ninŋ. Biibl bu fid g tod a mɔ.

1. N liɛ buali nba g Biibl tien l ŋmiɛni i?

Biibl tien buali nba ne ŋmiɛni: Ŋmaa n tag miɛl i? Bɛ po n te k t be tinŋ po ne i? Bɛ po i g niib cagn ni? Nil gii kpe bɛ n tu baal’o i? Bɛ po i g nil kul kpaan yanduam ama g tɔb yen yabd ŋanduna n ninŋ i? Bɛ n bu baal tinŋ i? Biibl ŋɔn k l mɔn k tin kpaan g la l buali ŋmiɛni. Niib bonciɛnn la l buali ŋmiɛni Biibl n ninŋ k b pala sɔnŋ.

2. Nle i g Biibl bu fid g tod’ti tin gii laad pamann t binbem n ninŋ i?

Biibl n tien cegli nba mɔg todl paaa. A bu fid g la Biibl n ninŋ cegli nba bu tod fin yen a ŋaag n yab yin gii be pamann n ninŋ yen cegli nba bu tod’a youg nba k a be mabl n ninŋ. A biɛ bu fid g la Biibl n ninŋ cegli nba bu tod’a ŋan gii laad pamann a tuonn n ninŋ. Kadaaɔg ne bu tod’a ŋan la l cegli kul Biibl n ninŋ. T pinpaaɔg n ninŋ, a biɛ bu banŋ bona bonciɛnn g pugn. Fin mɔno bu la k l tie mɔni i g “Yendu kadaaɔg n diɛni kul ŋan.”—2 Timote 3:16.

Kadaaɔg ne g gaal Biibl yiɛl kaa, ama l bu tod’a ŋan lii Biibl g bann lan tund yal. L po n te k t miɛd’a k a tu gii pund Biibl lanma n be naan ŋan pɔbd Biibl g lii. L puol po ŋan diid g liɛ ŋan lii yal Biibl n ninŋ yen ŋan banŋ yal kadaaɔg ne ninŋ taa bii l g taa i?

BANŊ BONA G PUGN

Diid nand nba g Biibl tod siɛb b binbem n ninŋ yen ŋan bu tien nand nba Biibl liinu ń gii man a po. Biɛ diid yal po te k l mɔn k ŋan yabl g la todl g gbad Biibl n tund yal nba niimn.

3. Biibl bu fid gii ŋmagd’ti t binbem n ninŋ

Biibl tie nyan fidl nyan i, l bu fid g ŋmagd’ti tin jag jaga nba ŋan, g biɛ tod’ti tin bann yal bu baal wonn po.

Lii man Biɛyani 119:105, l puol po yin pag buali nba ne po:

Daan nba bo diɛn lanbona nba k a lii ne bo mali bɛ i Biibl po i?
K fin i, a mali bɛ i Biibl po i?

4. Biibl bu fid g te’ti buali nba k t bual t kua ŋmiɛni

Puo nne bo la buali nba k u bo tu bual u kua nyan ŋmiɛni Biibl n ninŋ i. Diid man FIIDIO, l puol po yin pag buali nba ne po.

FIIDIO: Daa ban g nyɔl! (1:48)

Fiidio ne ninŋ, n liɛ buali nba g puo ne bo tu bual u kua i?
Nle i g Biibl tundl bo tod’o i?

Biibl ŋɔn k l mɔn k tin gii bual buali. Lii man Matieog 7:7, l puol po yin pag buali nba ne po:

N liɛ buali nba k a tu bual a kua g bua ŋan la l ŋmiɛni Biibl n ninŋ i?

5. Biibl liinu bu fid gii man a po

Niib bonciɛnn pala man Biibl liinu po g dugn ban lii yal tod’b b binbem n ninŋ. Diid man FIIDIO, l puol po yin pag buali nba ne po.

FIIDIO: Biibl liinu (2:05)

Nipaaɔnŋ nba g fiidio ne maad b maam nyan bo mali bɛ i liid po i?
Bɛ po i k b ji bua Biibl liid i?

A gii lii Biibl, l bu fid g paan a pal g biɛ te’a dindann. Lii man Rom Kristo-yab 15:4, l puol po yin pag buali nba ne po:

A mɔ bua ŋan la Biibl n tien papaal yen dindann nba aa?

6. Lieb bu fid g tod’ti tin gbad Biibl n tund yal nba niimn

Niib bonciɛnn bua Biibl liinu, ama b maad k b gii pag yen lieb ban lii yal nba po, l tu ŋanm g tod’b ban gbad l niimn. Lii man Tuona 8:26-31, l puol po yin pag buali nba ne po:

T gii lii Biibl, t bu tien nle i g gbad l niimn ni?—Diid lanmbid 30 yen 31.

B bo tod Etiyopi jua k u gbad Biibl n tund yal nba niimn. Dinne mɔ, niib bonciɛnn maad k b gii pag yen lieb ban lii yal nba po, l tu ŋanm g tod’b ban gbad l niimn

SIƐB TU MAAD G: “Gii gaan Biibl tundl tie yaanbiɛndug u.”