Misy fomba tsotra sy mahomby ampiasain’ny Vavolombelon’i Jehovah mba hampianarana ny olona an’izay lazain’ny Baiboly. Afaka manampy anao ilay fianarana mba:

•   Ho sambatra eo amin’ny fiainana

•   Ho lasa naman’Andriamanitra

•   Hahafantatra an’izay ampanantenain’ny Baiboly

Ho hitanao ato hoe:

•  Ahoana no atao rehefa mianatra Baiboly?

•  Andoavam-bola ve ilay fianarana?

•  Maharitra hafiriana ilay fianarana?

•  Ahoana no hataoko raha te hianatra aho?

•  Afaka manandrana fotsiny ve aho amin’ny voalohany?

•  Hoterena ho lasa Vavolombelon’i Jehovah ve aho raha manaiky hianatra?

•  Afaka mampiasa ny Baiboliko ve aho?

•  Afaka manasa olon-kafa ve aho amin’ilay fianarana?

•  Mbola afaka miverina mianatra ve aho raha efa nianatra Baiboly tamin’ny Vavolombelon’i Jehovah taloha?

•  Misy fomba fianarana hafa tsy miaraka amin’ny mpampianatra ve?

 Hisy mpampianatra iray hanampy anao hahafantatra an’izay lazain’ny Baiboly, ary alefa isaky ny foto-kevitra ilay izy. Rehefa mampiasa an’ilay boky hoe Ankafizo Mandrakizay ny Fiainana! ianareo, dia ho hainao tsikelikely hoe inona no lazain’ny Baiboly ary nahoana izy io no mahasoa anao. Raha mila fanazavana fanampiny, dia jereo ity video ity.

 Tsia. Manaraka an’ity toromarik’i Jesosy ity ny Vavolombelon’i Jehovah: “Nahazo maimaim-poana ianareo, ka manomeza maimaim-poana.” (Matio 10:8) Tsy vidina koa ireo fitaovana fianarana, anisan’izany ny Baiboly sy ilay boky hoe Ankafizo Mandrakizay ny Fiainana!

 Lesona 60 no ianarana, amin’ny fitambarany. Miankina aminao ihany ny fotoana hamitana an’ireo. Betsaka no mamita lesona iray na mihoatra an’izay, isan-kerinandro.

1.  1. Fenoy ilay fangatahana ao amin’ny Internet. Tsy ampiasainay amin-javatra hafa ny mombamomba anao fa amin’ny fikarakarana an’izay nangatahinao ihany, dia ny hoe mba hisy Vavolombelon’i Jehovah hifandray aminao.

2.  2. Hisy mpampianatra iray hifandray aminao. Hohazavainy aminao hoe hoatran’ny ahoana ny fandehan’ilay fianarana. Afaka mamaly ny fanontanianao koa izy.

3.  3. Hodinihinareo ny fomba hanaovana an’ilay fianarana. Azo atao mivantana ilay izy, nefa koa azo atao an-telefaonina, amin’ny alalan’ny vidéoconférence, taratasy, na e-mail. Maharitra adiny iray ilay izy amin’ny ankapobeny, fa azo hafohezina na halavaina arakaraka ny fandaharam-potoananao.

 Ie. Fenoy ilay fangatahana ao amin’ny Internet. Rehefa misy mpampianatra Baiboly miresaka aminao avy eo, dia teneno izy hoe te hanandrana fotsiny aloha ianao mba hahitana hoe tianao ve ilay fianarana. Hampiasa an’ilay bokikely hoe Ankafizo Mandrakizay ny Fiainana! izy. Misy lesona fampidirana telo ao amin’izy io. Ho hitanao, amin’izay, raha tianao ilay fianarana na tsia.

 Tsia. Tia mampianatra ny olona momba ny Baiboly izahay Vavolombelon’i Jehovah, nefa tsy manery na iza na iza hanaraka ny fivavahanay. Manaja ny olona izahay rehefa mampahafantatra azy ireo an’izay lazain’ny Baiboly. (1 Petera 3:15) Ekenay mantsy hoe manana zo hifidy an’izay zavatra tiany hinoana ny tsirairay.

 Ie, afaka mampiasa an’izay fandikan-tenin’ny Baiboly tianao ianao. Tianay ny mampiasa Ny Soratra Masina​—Fandikan-tenin’ny Tontolo Vaovao satria mazava sy marina tsara izy io. Ekenay koa anefa hoe aleon’ny olona maro mampiasa ny fandikan-teny efa mahazatra azy.

 Ie, ohatra hoe ny fianakavianao manontolo, na izay namana mba tianao hasaina.

 Ie. Mety ho tianao kokoa aza ilay fianarana amin’izao satria efa nampifanarahina amin’izay ilain’ny olona. Betsaka kokoa mantsy ny sary sy video amin’ilay izy, sady hoatran’ny resadresaka ilay fianarana.

 Ie. Marina aloha hoe rehefa misy mpampianatra ny ankamaroan’ny olona no tena mandray soa. Misy ihany anefa te hianatra irery amin’ny voalohany. Azonao jerena ilay pejy hoe Fitaovana Fianarana Baiboly. Misy fitaovana isan-karazany maimaim-poana afaka manampy anao hianatra Baiboly ao, ary anisan’izany ireto:

•   Video Ara-baiboly. Manazava fampianarana fototra ao amin’ny Baiboly ireo video fohy ao.

•   Valin’ireo Fanontaniana Ara-baiboly. Mamaly fanontaniana ara-baiboly be dia be ny lahatsoratra ao.

•   Fanazavana Andinin-teny. Ho hitanao ao ny dikan’ny andinin-teny sy teny mahazatra ny olona ao amin’ny Baiboly.