Salamo 135:1-21
135 Derao i Jah!*
Derao ny anaran’i Jehovah;Derao izy, ry mpanompon’i Jehovah,+
2 Izay mijoro ao an-tranon’i JehovahSy ao an-tokotanin’ny tranon’Andriamanitsika.+
3 Derao i Jah, fa tsara i Jehovah.+
Manaova hira fiderana* ho an’ny anarany, fa mahafinaritra izany.
4 Fa nofidin’i Jah ho azy i Jakoba,Nofidiny ho fananany manokana*+ i Israely.
5 Fantatro tsara mantsy fa tena miavaka i Jehovah;Ambony noho ny andriamanitra rehetra ny Tompontsika.+
6 Ataon’i Jehovah daholo izay tiany,+Na any an-danitra na etỳ an-tany, na any an-dranomasina na any amin’ny rano lalina rehetra.
7 Mampiakatra rahona* avy any amin’ny faran’ny tany izy,Sady manao tselatra* ho an’ny orana;Avoakany avy ao amin’ny trano fitehirizany azy ny rivotra.+
8 Novonoiny ho faty ny lahy teraka voalohany tany Ejipta,Na olona na biby.+
9 Nandefa famantarana sy nanao fahagagana teo aminao izy, ry Ejipta ô,+Mba hamelezana an’i Farao sy ny mpanompony rehetra.+
10 Naharesy firenena maro izy,+Ary nandripaka mpanjaka mahery,+
11 Dia i Sihona mpanjakan’ny Amorita+Sy Oga mpanjakan’i Basana+Ary ny fanjakana rehetra tao Kanana.
12 Nomeny ho lova ny tanin’izy ireo,Ho lovan’ny Israely vahoakany.+
13 Jehovah ô, maharitra mandrakizay ny anaranao!
Jehovah ô, maharitra hatramin’ny taranaka fara aman-dimby ny lazanao!*+
14 Fa hiaro ny vahoakany* i Jehovah,+Ary hangoraka* an’ireo mpanompony.+
15 Volafotsy sy volamena ny sampin’ireo firenenaSady asa tanan’olombelona.+
16 Manam-bava ireny sampy ireny, fa tsy miteny;+Mana-maso, fa tsy mahita;
17 Manan-tsofina, fa tsy maheno.
Tsy misy fofonaina eo am-bavan’izy ireny.+
18 Ho lasa hoatr’ireny ny olona manao azy,+Sy izay rehetra matoky azy.+
19 Derao i Jehovah, ry taranak’Israely ô!
Derao i Jehovah, ry taranak’i Arona ô!
20 Derao i Jehovah, ry taranak’i Levy ô!+
Ianareo izay matahotra an’i Jehovah, miderà an’i Jehovah.
21 Hoderaina avy ao Ziona anie i Jehovah,+Ilay mipetraka ao Jerosalema!+
Derao i Jah!+
Fanamarihana
^ Na: “Haleloia!” “Jah” no fanafohezana an’ilay anarana hoe Jehovah.
^ Na: “Mitendre mozika.”
^ Na: “sarobidy.”
^ Na mety hoe “vavahadin-drano.”
^ Na: “etona.”
^ Na: “anaranao.” Abt: “fahatsiarovana anao.”
^ Na: “hiady ho an’ny vahoakany.”
^ Na: “hiantra.”
