Salamo 88:1-18
Hira. Salamo nataon’ny taranak’i Kora.+ Ho an’ny mpitarika; atao Mahalata* ary atao hira mifamaly. Maskila* nataon’i Hemana+ Ezrahita.
88 Ry Jehovah Andriamanitra mpamonjy ahy ô,+Mitaraina aho amin’ny antoandro,Ary mankeo anatrehanao aho amin’ny alina.+
2 Ho tonga any aminao anie ny vavaka ataoko;+Aoka ianao hanongilan-tsofina hihaino* ny antso vonjy ataoko.+
3 Fa efa tototry ny fahoriana aho,+Ary efa ho lasa ao amin’ny Fasana* ny aiko.+
4 Efa isaina ho anisan’ireo midina any an-davaka* aho;+Lasa olona tsy misy mpiaro* aho,+
5 Nafoy ho anisan’ireo efa maty,Toy ireo olona novonoina matory ao am-pasana,Izay tsy tsaroanao intsonySady tsy karakarainao.
6 Nataonao tao amin’ny lavaka lalina indrindra aho,Tao amin’ny toerana maizina, tao amin’ny lavaka be mangitsokitsoka.
7 Mavesatra be amiko ny hatezeranao,+Ary ataonao saron’ny onjanao mahery aho. (Sela)
8 Nataonao lavitra ahy ny olom-pantatro,+Ary nataonao naharikoriko azy ireo aho.
Voafandrika aho ka tsy afa-mitsoaka.
9 Reraky ny fahoriana ny masoko.+
Miantso anao tontolo andro+ aho, Jehovah ô;Aminao aho no mamelatra ny tanako mba hivavaka.
10 Hanao fahagagana ho an’ny maty ve ianao?
Afaka mitsangana hidera anao ve ireo maty tsy mahavita na inona na inona?+ (Sela)
11 Hotorina any am-pasana ve hoe be fitiavana sy tsy mivadika ianao,Ary hambara any amin’ny toerana mahalò ny nofo* ve hoe mendri-pitokisana ianao?
12 Ho fantatra ao amin’ny haizina ve ny fahagagana nataonao,Ary ho fantatra ao amin’ny tanin’ny fanadinoana+ ve ny fahamarinanao?
13 Mbola miantso vonjy aminao ihany anefa aho, Jehovah ô!+Tonga eo anatrehanao isa-maraina ny vavaka ataoko.+
14 Nahoana ianao no manary ahy,+ Jehovah ô?
Nahoana ianao no mihodina tsy hijery ahy?*+
15 Hatramin’izaho mbola tanoraNo efa nijaly sy saika maty;+Kivy be aho noho ny zavatra mampahory avelanao hozakaiko.
16 Mandifotra ahy ny fahatezeranao mafy;+Ataonao mihorohoro aho ka mila ho faty.
17 Manodidina ahy toy ny rano izany, tontolo andro;Voahodidin’izany aho ka voageja.*
18 Nataonao lavitra ahy ny namako sy ny sakaizako,+Dia ny haizina no lasa namako.
Fanamarihana
^ Na: “Miondreha ary henoy.”
^ Na: “hoatran’ny olona tsy manan-kery.”
^ Na: “am-pasana.”
^ Na: “any Abadona.”
^ Abt: “manafina ny tarehinao amiko?”
^ Na mety hoe “Miara-mitangorona amiko ireny.”
