Salamo 93:1-5

  • Heni-kaja ny fitondran’i Jehovah

    • “Lasa Mpanjaka i Jehovah!” (1)

    • “Azo atokisana ny fampahatsiahivanao” (5)

93  Lasa Mpanjaka i Jehovah!+ Mitafy fahalehibeazana izy;Mitafy hery i Jehovah;Afatony eny aminy toy ny fehikibo izany. Mafy orina ny tany,*Ka tsy voahozongozona.*  2  Efa mafy orina hatry ny ela ny seza fiandriananao;+Efa nisy foana ianao hatramin’izay.+  3  Misondrotra be ny renirano, Jehovah ô,Misondrotra be sy misamboaravoara ny renirano.Misondrotra be foana sady midoboka mafy ny renirano.  4  Mahery noho ny feon’ny rano be,Sady mahery noho ny fidoboky ny onjan-dranomasina,+Ianao, Jehovah ô, ilay heni-kaja any amin’ny avo.+  5  Tena azo atokisana ny fampahatsiahivanao.+ Mandravaka* foana ny tranonao ny fahamasinana,+ Jehovah ô!

Fanamarihana

^ Na: “tany lonaka.”
^ Na: “tsy voahetsiketsika.”
^ Na: “Mendrika.”
NY SORATRA MASINA—FANDIKAN-TENIN’NY TONTOLO VAOVAO
Salamo 93
Malagasy
Vakio ato ny Baiboly
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt p. 40