NISY NAMORONA VE?
Ny Mason’ny Hala
MIAVAKA ny mason’ny karazana hala iray. Ireo no manampy azy hahita hoe hatraiza izy no tokony hitsambikina. Ahoana no ataony?
Diniho izao: Misy sosona maromaro ny temimaso ao amin’ny masony roa lehibe. Ireo no ampiasainy hikajiana ny elanelan’ny misy azy sy ny zavatra iray. Mandray hazavana maitsomaitso ny sosona iray, fa ny hafa kosa mahita sary manjavozavo. Akaiky kokoa an’ilay hala ny zavatra iray, rehefa manjavozavo ny fahitany azy. Izany no ahafahan’ilay hala mahafantatra hoe hatraiza izy no tokony hitsambikina mba hisamborana ny hazany.
Te haka tahaka ny ataon’io hala io ny mpikaroka mba hanamboarana kamerà tena arifomba sy robot mahay mikajy ny elanelany amin’ny zavatra iray. Mahavariana tokoa hoe “mahavita zavatra sarotra mifanaraka amin’ny zavatra hitany ny bibikely iray, nefa tsy mirefy afa-tsy antsasaka santimetatra ary kely noho ny an’ny lalitra ny atidohany”, hoy ny vaovao iray momba ny siansa tao amin’ny Internet.
Ahoana ny hevitrao? Vokatry ny evolisiona (na fiovana miandalana) ve ny fahaizan’ny hala mampiasa ny masony, sa nisy namorona?
Mety ho Tianao Koa
BOKY & BOKIKELY
Nisy Namorona ve Izao Rehetra Izao?
Nahoana ianao no tena mila mandinika raha nisy namorona izao rehetra izao na tsia?
MIFOHAZA!
Ny Ditin’ny Hala
Miraikitra be indraindray ny fandrika ataon’ny hala. Mora miendaka koa anefa izy io amin’ny fotoana hafa. Ahoana no hahavitany izany? Ary nahoana?
MIFOHAZA!
Ny Fahaizan’ny Jorery Mitsambikina
Fantaro ilay zavatra manokana manampy an’io bibikely io hitsambikina lavitra.
