Isamu 148:1-14
148 Lumbanyini Jah!*
Lumbanyini Yeova ukufuma umu mayulu;Mulumbanyini umwi yulu.
2 Mulumbanyini mwe ya malaika yakwe yonsi.
Mulumbanyini mwe maumba yakwe yonsi amwi yulu.
3 Mulumbanyini mwe lanzi nu mwezi.
Mulumbanyini mwe ntanda mwensi mwemuno mukayengesa.
4 Mulumbanyini mwe mayulu mwemuno mwaya apapela sanaNa mwe manzi mwemuno mwaya papela ya mayulu.
5 Kavilumbanye izina lyakwe YeovaPano walanzile, navyo vyaumvilwe.
6 Walenga ukuti vitwalilile ukuyako amanda pe;Wapeela isunde ilitalafumiziwapo.
7 Lumbanyini Yeova ukufuma umu nsi,Mwe viumbwa vikalamba ivya muli yemba na mwe manzi azike mwensi,
8 Mwe nkuwa, na mwe mvula ya mawe,Mwe usu wa mvula, na mwe makumbi aatikame, mwe mvula ya cimuza mwemuno mukafikilizya izwi lyakwe,
9 Mwe myamba na mwe tumyamba tonsi,Mwe miti mwemuno mukaseeka ivizao na mwe miti ya mikedali mwensi,
10 Mwe nyama zya mu mpanga, na mwe viteekwa mwensi,Mwe vintu ivikasela ni vyunyi ivikapapuka,
11 Mwe yene ya mu nsi na mwe nko mwensi,Mwe ya cilolo na mwe ya kapingula ya mu nsi mwensi,
12 Mwe yalumendo na mwe yakazyana,Mwe yakote kumwi na ance mulumbanyini mwensi.
13 Kavilumbanye izina lyakwe Yeova,Pano izina lyakwe lyakulisya.
Ululumbi lwakwe lwacila insi ni yulu.
14 Alacindamika amaka ya yantu yakwe,Pakuti aacisinka yakwe yonsi yangalumbanyiziwa,Kuli kuti Aina Izlaeli aya umupipi nawe.
Lumbanyini Jah!*
Mafutunoti
^ Nanti “Aleluya!” “Jah” iinzila iipi iya kulembelamo izina lyakuti Yeova.
^ Nanti “Aleluya!” “Jah” iinzila iipi iya kulembelamo izina lyakuti Yeova.
