Isamu 50:1-23
Lwimbo luno Asafu wimvile.
50 Leza wakwe ya leza Yeova, watalanda;Akwama yonsi aikala umu nsiKufuma kuno ilanzi likatunkila kufika kuno likawila.
2 Leza akutuma uluswepo ukufuma umu Zioni, musumba usuma sana.
3 Leza witu aliza atalikala mya.
Pa nkoleelo yakwe paya umoto uukaonona,Nupya cimuza icikalamba camuzinguluka.
4 Akwama mayulu ni nsiPakuti apingule antu yakwe, akuti:
5 “Nkolonganikilini aacisinka yane,Aakupangana nani upangano api lambo.”
6 Mayulu yakalanda pa ulungami wakwe,Pano Leza umwineco ali Kapingula. (Selah)
7 “Kutikini mwe yantu yane, namalanda;Namakusinila, we Izlaeli.
Nene Leza, Leza wako.
8 Nsikukukalipila pa mulandu na malambo yako,Nanti pa mulandu na malambo ya koca yano ukampeela lyonsi.
9 Nsikulondekwa ukutola ing’ombe umu luwa lwako,Nanti imbuzi ukufuma umu vitata vyako.
10 Pano inyama zyonsi zya mu mpanga i zyane,Ukwikako ni nyama izya mu myamba yonsi.
11 Namanya ivyunyi vyonsi ivya mu myamba;Ni nyama zyonsi zya mu mpanga i zyane.
12 Ndi cakuti nuvwa inzala, ntanga nkunene,Pano insi na vyonsi ivyayamo i vyane.
13 Uzye ningalya umunyefu wakwe ya cipambasiNu kumwa uwazi wa mbuzi?
14 Uwapeela ilambo lya kutaizya kuli Leza,Nu kufikilizya imilapo ku wa Papelapela;
15 Uwangama umu nsita ya ntazi.
Ndakupususya nupya ulandumbanya.”
16 Nomba Leza alanena umwipe ati:
“I nsambu ci zino ukweti izya kulondolola masunde yaneNanti ukulanda pa upangano wane?
17 Pano wapata ukusundwa,Nupya ukatwalilila ukukana ukulondela mazwi yane.
18 Nga walola umupuupu, ukaya cuza wakwe,Nupya ukatwalilila ukuya pamwi na acende.
19 Ukaomvya kanwa kako uku kusalanganya iviipe,Nu ufi waya pa lulimi lwako.
20 Ukaikala nu kulanda iviipe pa mwina wako;Ukasokolola vino umwina wako akaluvyanya.
21 Lino wacisile ivintu vii, nikazile mya,Fwandi welenginye ukuti indi wakwe wewe.
Nomba lyene namakukalipila,Namakunena vino inkupingula.
22 Si elenganya pali cii, wemuno ukailila Leza,Pakuti ntakusandola ukwaula uwa kukupususya.
23 Umuntu aakapeela malambo ya kutaizya akandumbanya,Nupya aakatwalilila ukucita ivilungame,Ndamulenga ukupusuka.”
