Yobo 13:1-28
13 Nalola ivintu vii vyonsi,Nupya nuvwa nu kwiluka.
2 Vino mwamanya, avino nani kwene namanya.Mutacindama ukuncila.
3 Nemo cazipapo ukulanda nu wa Maka Yonsi,Nkulondesya ukutwala umulandu kuli Leza nu kulanda nawe.
4 Lelo mwemo mukumbepa;Mwensi kwene mwemwe ya kapozya yasile sile.
5 Ndi cakuti imutwalilila sile ukwikala mya,Nga icalanga ukuti mwemwe ya mano.
6 Si kutikini kuli vino nkulanda,Nupya ikini mano uku kupaapata kwa milomo yane.
7 Uzye mungalanda ivya lufyengo umwi zina lyakwe Leza,Nu kulanda ivya ufi pali aliwe?
8 Uzye mumaya uku lusansa lwakwe?Uzye mumapaapatilako Leza wa cumi?
9 Uzye ivintu vingamuzipila ndi cakuti Leza wamuceecesile?
Uzye mungamubepa wakwe vino mungabepa umuntu umwina kufwa?
10 AlamukalipilaNdi cakuti muli na kapaatulula umu umfisolo.
11 Uzye ucindami wakwe utanga umutiinyeNu kumulenga ukuya ni ntete?
12 Amazwi inu aamano yali kwati amapinda yi twi;Na mazwi inu aakuipokolola aatonte wa visyangu vi vu.
13 Ikalini mya pakuti ndande.
Nupya lekini vyonsi ivimancitikila vincitikile!
14 U mulandu ci uno ningaikila umu uzanzoNu kuisendela umi wane?
15 Nanti cakuti angankoma, ningaloleela;Ningatwala umulandu wane kuli aliwe.
16 Angampususya,Pano kusi umusangu angaya kuli aliwe.
17 Kutikisyini uku mazwi yane;Nu kwika mano kuli vino nkulondolola.
18 Injipekanya ukutwala umulandu uku cilye;Pano imanya ukuti nene mulungami.
19 Uzye a weni angapaazyanya nani?
Nga nikazile ukwaula ukulanda ningafwa!*
20 We Leza nkulenga sile ivintu viili kuli wewe,Pakuti ntaifisa kuli wewe:
21 Fumya ikasa lyako ilifine pali nene,Nupya utatwalilila ukuntiinya.
22 Ungame nani namaasuka,Nanti uleke indande, naawe ungasuke.
23 I vyani vino naluvyanya nupya imembu ci zino nacita?
Nsokolwele vino naluvyanya na vino nayembuka.
24 U mulandu ci uno ukufisila icinso cakoNu kundola wa mulwani wako?
25 Uzye ungatiinya ifwa ilikulululwa nu muzaNanti kuzinganya ivipelele?
26 Pano ukatwalilila ukulemba imilandu ino ukampeela,Nupya ukampingwila pa membu zino nacisile lino nali umwance.
27 Wika ingazo zyane umu makoli,Ukalondelezya monsi muno nkupita,Nupya ukalondelezya monsi muno nalyata.
28 Fwandi umuntu* akaola wa cintu iciole,Wa cakuzwala icaliika uku vipepelya vya usiku.
Mafutunoti
^ Nanti limwi, “nga akuno ali, namaikala ukwaula ukulanda nupya nimafwa.”
^ Limwi izwi lyakuti umuntu lingalozya kuli Yobo.
