Yobo 32:1-22
32 Lyene aonsi yaa yatatu yatiile ukwasuka Yobo, pano umwineco wasininkizye ukuti umulungami.
2 Lelo Eliu mwana Balakeo Umwina Buzi uwa mu lupwa lwakwe Lamu, wasosile sana. Wasokiile sana Yobo pali vino wailolanga ukuya umulungami ukucila Leza.
3 Wasokiile sana na ya cuza yakwe Yobo yatatu pano yatazanyile icasuko, lelo yalanzile ukuti Leza u mwipe.
4 Eliu waloleelanga ukuti Yobo amale ukulanda, pano yonsi yali aikolo pali aliwe.
5 Lino Eliu waweni ukuti aonsi yaya yatatu yataswike Yobo icili consi, wasosile sana.
6 Fwandi Eliu mwana Balakeo Umwina Buzi watandike ukulanda, watiile:
“Nene umwanceMwemo mwemwe aikolo,
Nikazile mya pano namucindike,Nupya ntalondanga ukumunena vino namanya.
7 Nelenginye inti, ‘Katale aikolo yalande,Nupya antu aakweti imyaka ingi kayalande mazwi ya mano.’
8 Lelo umupasi uno Leza akapeela antu,Nu mupu uukafuma uku wa Maka Yonsi uukalenga antu yailuka.
9 Asi myaka itupu iikalenga umuntu ukuya na mano,Nupya asi akote sile aakailuka icisuma.
10 Fwandi lyene, ‘Kutikini kuli nene,Nani namamunena vino namanya.’
11 Nalolezile mumale ukulanda;Natwalilile ukukutika uku mazwi inuLino mwalondelezyanga ivya kulanda.
12 Nakutikisyanga kuli mwemwe,Lelo kusi nanti wenga pali mwemwe uwasiniile YoboNanti ukwasuka pali vino walandanga.
13 Fwandi mutalanda muti, ‘Sweswe ya mano;Nupya mutalanda muti a Leza uwatamusinila, asi umuntu foo.’
14 Yobo ataalanzile ivili vyonsi kuli nene,Fwandi nsikumwasuka ukulingana na vino imumwasuka.
15 Yali ni ntete yatakweti ivya kwasuka;Nupya yatakweti ivili vyonsi ivya kulanda.
16 Indoleela, lelo yasikutwalilila ukulanda;Iimilila sile ukwaula ica kwasuka.
17 Fwandi nani nimaasuka;Nimalanda vino namanya,
18 Pano nkweti ivya kulanda ivingi;Umupasi uuli muli nene ukumpatikizya ukulanda.
19 Umukasi indi wakwe waini umukalipe aatakweti apa kufumila,Wa nyambi zyakwe waini izipya izili umupiipi nu kulepuka.
20 Lyene nkandande pakuti nuvweko ningo!
Namayula imilomo yane nu kwasuka
21 Ntakuya na kapatulula kuli ali wensi;Nupya ntakulumbanya umuntu ali wensi,
22 Pano nemo ntamanya ivya kulumbanya;Ndi cakuti nacisile vivyo uwampanzile angangonona zuwa.
