Yobo 6:1-30
6 Lyene Yobo waswike ati:
2 “Nga cazifile sile ukuti ulanda wane iupimwaNu kuwika pa masikelo pamwi ni ntazi zyane!
3 Pano lyene intazi zyane izinyoma ukucila imicanga ya muli ya yemba.
Ali mulandu uno nkulandila ivya cilandelande.
4 Pano inceto ukufuma uku wa Maka Yonsi izintota,Nupya nkumwa usungu wa nceto zizyo;Leza akunzanza nupya indi sana ni ntete.
5 Uzye punda wa mpanga akalila ndi cakuti akweti isote,Nanti ing’ombe, uzye ikalila ndi cakuti ikulya ivyakulya?
6 Uzye ivyakulya ivitalyomfile vingaliiwa ukwaula umusilya,Uzye manzi aakufuma uku cimelwa cino yakati malo yalyompa?
7 Nakana ukulema uku vintu vya musango uuwo.
Vyaya wa vintu ivingonona ivyakulya vyane.
8 Iye mwe fwandi ukulenga kwane nga kwamanyikweNupya Leza nga wampeezile vino nkulondesya!
9 Ndi cakuti Leza walondanga nga wansyunola,Nupya nga wakonzolola ikasa lyakwe nu kunkoma!
10 Pano iciya vivyo nga nateekeziwa;Nga natoloka pa mulandu ni nsansa usi mulandu nu kuwaika,Pano ntakaana ukuvwa uku wa Muzilo.
11 Uzye nkweti maka yakutwalilila ukulolela?
Nupya i vyani vilancitikila uku nkoleelo ivingalenga ntwalilile ukuya nu umi?
12 Uzye maka yane yaya wa ciliwe?
Nanti uzye umwili wane wapangilwa na koopa?
13 Uzye kuli icili consi cino ningaomvya pa kuyazwa nemwinecoLino vyonsi vino ningaomvya pa kuyavwa vyapokwa?
14 Wensi aasilanga ukutemwa kwa cumi uku muzeAlata ukutiina Uwa Maka Yonsi.
15 Aina yane aaufi, yaali wa luzi umu nsita ya cisanya,Yali wa manzi amu nguzi zya mu nsita ya cisanya aakakama.
16 Inguzi zyafita pa mulandu na manzi akome,Nupya amuno manzi akome aakusunguluka yafisama.
17 Lelo umu nsita ya cisanya musiya manzi;Ndi cakuti kwakaya, zikakama.
18 Zikata ukupita muno zilinzile ukupitaNupya zikaaya umu lwanga na manzi yakakama.
19 Maumba ya yalendo aku Tema yakalonda inguzi zizyo;Na alendo aku Seba yakaziloleela.
20 Yuvwile insonyi pa mulandu wakuti yataazanyile manzi;Yaileko lelo yatazanyile manzi.
21 Vikwene avino namwe kwene muli kuli nene;Imulola intazi iipisye ino nkweti nupya imuvwa intete.
22 Uzye natala nalandapo ukuti, ‘Mpeeliniko vimwi,’
Nanti ukumulenga ukuti mumpeleleko upe ukufuma pa vyuma vinu?
23 Uzye natala namulengapo ukuti mumpususye uku yalwaniNanti ukumpususya kuli yano yakuncuzya?
24 Nenini vino nacita nupya namaya mya;Ngazwini ukuvwikisya vino naluvyanya.
25 Mazwi aacisinka yasiwavya!
Nomba usuma ci uuli umu kukalipila kwinu?
26 Uzye mukupanga ukulengulula mazwi yane,Aakulululwa nu muza yano umuntu aali ni ntazi akulanda?
27 Nupya mungapendola pa mwana wa nsiwaNu kukazya umuzo!
28 Fwandi lyene piliukini nu kundolekesya,Pano ntakumubepa.
29 Elenganyinipo nupya, mutampeela imilandu ya ufipano ncili nene mulungami.
30 Uzye vino nkulanda visi vilungame?
Uzye ntanga manye ndi cakuti vino nkulanda visi ningo?
