Mwasambilila Umwi Izwi Lyakwe Leza
I Vyani Ivilacitika pa Wanda wa Upinguzi?
Mu cipande cii muli mauzyo yamwi yano mufwile muzyapo, nupya mumalola na pano mungabelenga muli Baibo pakuti muzane masuko. Ya Nte Yakwe Yeova yangatemwa ukulanzyanya namwe pa mauzyo yaa.
1. Uzye Uwanda wa Upinguzi i cani?
Wakwe vino icikope icili ukwi lunji cikulangilila, aingi yakaelenganya ukuti pa Wanda wa Upinguzi antu aingi sana yalaya pa nkoleelo ya cilimba ca wene cakwe Leza nu kupingulwa ukulingana na vino yacitanga, yakati yamwi yalapeelwa uumi nu kuya ukwi yulu yamwi nayo yalaya umu kucula umu moto usizima. Lelo Baibo ikalanda ukuti umulandu uno kulayela Uwanda wa Upinguzi, u kupususya antu uku kucula. (Masamu 96:13) Leza wasonta Yesu ukuya kapingula alaletela antu umulinganya.—Belengini Ezaya 11:1-5; Milimo 17:31.
2. U mu nzila ci muno Uwanda wa Upinguzi ulalengela kuye umulinganya?
Lino umuntu wa kutandikilapo, Adamu, wapondokiile Leza uku mufulo sile, walenzile ukuti anakwe yapyane uluyembu, kucula, ni imfwa. (Loma 5:12) Pa kufumyapo ulufyengo lulo, Leza alatuutulula antu yonsi afwa. Ibuku lya Kusokolola lyasokolola ukuti vii vilacita umu myaka 1,000 ino Klistu Yesu alateeka.—Belengini Kusokolola 20:4, 11, 12.
Antu aalatuutululwa yatalapingulwa ukulingana na vino yacitanga lino yatatala yafwa, lelo yalapingulwa ukulingana na vino “impapulo” izyalondololwa muli Kusokolola icipande 20 zilasokolola. (Loma 6:7) Umutumwa Paulo walanzile ukuti pa yantu aalatuutululwa nu kukwata isyuko lya kusambilila pali Leza palaya “alungame na asi alungame.”—Belengini Milimo 24:15.
3. I visuma ci ivilacitika pa mulandu nu Wanda wa Upinguzi?
Yonsi afwile ukwaula ukumanya Yeova Leza nupya aatamuombelanga, yalakwata isyuko lya kusenuka nu kulacita ivisuma. Nga yatandika ukucita ivisuma, ukutuutululwa kwao kulaya ‘u kutuutulukila uku umi.’ Lelo yamwi aalatuutululwa yatalaalonda ukusambilila vino Yeova akalonda ukuti twacita. Fwandi ukutuutululwa kwao kulaya ‘u kutuutulukila uku upinguzi.”—Belengini Yoani 5:28, 29; Ezaya 26:10; 65:20.
Lino imyaka 1,000 ilaasila, kuli kuti Uwanda wa Upinguzi, ala Yeova walenga antu yonsi acuvwila ukuya amalilike wakwe vino walondanga pa kutandika. (1 Kolinto 15:24-28) Ala cilazipa sana uku yantu acuvwila! Lino kulaya uwezyo wa kusyalikizyako, Leza alasapula Satana Ciwa nu kumufumya umu ciwina icaula impela muno alanyepwa pa myaka 1,000. Nupya kwene Satana alatandika ukwezya ukulenga antu ukupondokela Yeova, lelo yonsi alakaanya Satana yalaipakizya uumi amanda pe umu nsi ipya.—Belengini Ezaya 25:8, NWT; Kusokolola 20:7-9.
4. U wanda ci uze uwa upinguzi ulalenga ivintu ukuzipila antunze?
Nupya Baibo ikaomvya mazwi yakuti “uwanda wa upinguzi” nga ikulanda pa kononwa kwa vintu vyonsi viipe ivyaya muno nsi. Uwanda uu uwa upinguzi uliza umukupumikizya wakwe Mulamba Mukalamba uwaliko umu manda yakwe Nowa, uononyile antu yonsi aipe aliko pa nsita iya. Lelo icilazipa icakuti, nga “antu aakacita iviipe” yononwa kulaya insi ipya “u mulaya ulungami.”—Belengini 2 Petulo 3:6, 7, 13.
Limwi Mungatemwa Ukulolako na Vii
LUPUNGU LWA MULINZI
Uzye Uwanda wa Upinguzi U Wanda wa Musango ci?
U mulandu ci uno Uwanda wa Upinguzi ulaya uwa myaka 1,000?
MASUKO KU MAUZYO AMULI BAIBO
Uzye Ukutuutululwa Kuli Kuti Uli?
Mungazunguka sana nga mwamanya antu yano yalatuutululwa ukuya nu umi uku nkoleelo.
MASAMBILILO AA MULI BAIBO AACINDAME
Uzye Uwene Wakwe Leza I Cani?
Mu mulimo wakwe onsi, Yesu wasambizyanga antu pa Wene Wakwe Leza kucila vino wasambizya pa vintu vyuze. Pa myaka iingi, alondezi yakwe yakapepa ukuti Uwene uwo wize.
MASUKO KU MAUZYO AMULI BAIBO
Uzye Mungikala Uli Manda pe?
Baibo ikatunena ukuti yayo akacita kulonda kwakwe Leza yalikala manda pe. Lolini ivintu vitatu vino akalonda twacita.
MASAMBILILO AA MULI BAIBO AACINDAME
U mulandu ci Uno Leza Wapangiile Insi?
Insi yayemba cuze. Iikala pa ncende isuma itapalamisya nanti ukutalukisya ukwi lanzi nupya ikazinguluka umukulinga. U mulandu ci uno Leza waombisye ukupanga insi?
ABOUT US
Leengini Ukuti ya Nte Yakwe Yeova Yakamutandalile
Mukalanzyanye ivya muli Baibo na ya Nte Yakwe Yeova, nanti mukeezyeko ukusambilila Baibo ukuomvya inzila ino twatantika.
