Ya Nte Yakwe Yeova yamanyikilwa uku mulimo wao uwa kusimikila ukuli antu aingi. Uzye mwamanya ukuti ya Nte yakasambilizya antu Baibo umu nsi yonsi?

Umu 2014, ya Nte ukucila pali 8,000,000 aaya umu mpanga izili 240 yaatungululanga amasambililo ya Baibo apiipi na 9, 500, 000 cila mwezi. * I cacumi, ukuti antu aakasambilila Baibo naswe yaluta impendwa ya antu aya umu mpanga apiipi na 140!

Pakuti tuombe umulimo uu, Cila mwaka ya Nte Yakwe Yeova yakapulinta ama Baibo, mabuku, ya magazini ivingi wakwe cimwi alino ni mpapulo zyuze izyakuomvya pa kusambilila Baibo—yakapulinta umu ndimi apiipi na 700! Ukupulinta kuu kukalenga ukuti antu yaasambilila Baibo umu lulimi luno yakulonda aeneco.

 Uzye isambililo likatungululwa uli?

Tukaomvya amalyasi apusane-pusane amuli baibo nu kuwelenga ivikomo muli Baibo ivikulemana ni sambililo lilyo. Lekini tulande pa mauzyo yamwi yano Baibo ika-asuka, wakwe yaa: Uzye Leza aweni? Uzye Leza waya uli? Uzye wakwata izina? Uzye akaikala kwi? Uzye umuntu angaya cuza wakwe Leza? Icikatalako sile u kumanya vino mungazana amasuko uku mauzyo yaa muli Baibo.

Apa kwazwa antu ukuzana amasuko ku mauzyo yaa, tukaomvya ibuku lyakuti Uzye Baibo Ikasambilizya Ukuti Uli? * Ibuku lii lyapanzilwe ukuti lya-azwa antu ukuvwikisya ivisambilizyo ivya muli Baibo. Umwi buku lii mungasambililamo pali Leza, Yesu Klistu, cino antu yakaculila, kutuutuluka, ipepo, alino na malyasi yauze.

 Insita ci nupya aekwi kuno isambililo lya Baibo lingatungulwilwa?

Mungasambilila Baibo apa nsita ni cifulo vino mukulonda mweineco.

Uzye kukaaya ukumala ama-awazi yanga pi sambililo?

Antu aingi yakasyako iawala lyonga cila mulungu ilyakuti yaomvya uku kusambilila Baibo. Nomba insita ya kusambilila itiimikwa. Tulatantika sile ukulingana ni insita ino mulaakwata. Yamwi yakasambilila mamineti sile 10 nanti 15 cila mulungu.

Uzye azinga zino mukalipilisya pa kusambilila Baibo?

Pa kusambilila kusiiya ukulipila ni mpapulo zino mulaomvya nazyo kwene tusilipilisya. Tukauvwila isunde lino Yesu wanenyile asambi yakwe ilyakuti: ‘Mwapeelwa amaka yakucita vii uwila, caleka namwe kwene kacitilini antu uwila.’—Mateo 10:8.

Uzye pakalengela uli pakuti ute ukusambilila Baibo?

Mungatwalilila ukusambilila Baibo kulingana na vino mweineco mukulonda.Ibuku lya kuti Uzye Baibo Ikasambilizya Ukuti Uli? Lyakwata ivipande 19 ivya kusambililamo. Mungasambilila icipande icili consi nanti sile vyonsi kulingana ni vingamuziipila mweineco.

Uzye nga natandika ukusambilila Baibo, mfwile nu kuya Inte Yakwe Yeova?

Awe. Twacindika insambu zino umuntu wakwata izyakuisoolwela umwineco vino alasambilila nu kuzumila. Lelo cila muntu alinzile ukuisoolwela ukulingana na vino wasambilila muli Baibo.

 Aekwi kuno ningazana ivyeo na vyuze?

Apa Webusaiti ya jw.org paaya ivyeo ivingamwavwa pali vino ya Nte Yakwe Yeova yazumilamo.

Ningacita uli pakuti indenge ukusambilila Baibo?

• Lembini pali fomu uwaya pa www.ps8318.com nu kutuma.

•  

• Landini na ya Nte Yakwe Yeova aaya kuno mwikala.