“Anij . . . enaaj kõm̦õrãik jãn mejãer dãnnin kõmjaal̦al̦ otemjej im enaaj ejjel̦o̦k bar mej, bũrom̦õj, lim̦õ im eñtaan. Men ko m̦okta rejako.”​—Revelesõn 21:3, 4, Jeje ko Rekkwõjarjar​—Ukokin Lal̦ eo Ekããl (Matu-Revelesõn).

Kwõnaaj jel̦ã bwe ejjab Anij eo ej kõm̦m̦an bwe jen eñtaan.​—Jemes 1:13.

Kwõnaaj aenõm̦m̦an kõn am̦ jel̦ã bwe Anij elukkuun mel̦el̦e kõn eñjake ko ad ñe jej eñtaan.​—Zekaraia 2:8.

Enaaj wõr am̦ kõjatdikdik bwe juon iien enaaj jem̦l̦o̦k ad eñtaan.​—Sam 37:9-11.

Aet, jen lale ruo iaan un ko:

• Anij edike ñe armej ro rej eñtaan im edike ñe armej ro rej kaeñtaan ro jet. Jen lale wãween kar eñjake ko an Jeova Anij ke ear nana an armej ro jet kõm̦m̦an ñan armej ro doon. Baibõl̦ ej ba bwe ear lukkuun inepata im bũrom̦õj ke ri-aelõñ ko jet rar “kam̦akokoik er im kakũtõtõik er.”​—Ri-Ekajet 2:18, Naan Ko Rejouj Ministries.

  Anij elukkuun dike armej ro me rej kaeñtaan im kõjorrããn ro jet. Ñan waanjoñak, Baibõl̦ ej ba bwe elukkuun kũtõtõik armej ro me rej “m̦an ro ejjel̦o̦k rueer.”​—Jabõn Kõnnaan 6:16, 17, UBS.

• Anij ej yokwe im kaorõk kõj kajjojo. Jeova ej rõjañ kõj ñan kwal̦o̦k ñan e aolep apañ im inepata ko ad kõnke ej yokwe im kaorõk kõj.​—1 Piter 5:7.

  Jeova enaaj jol̦o̦k an kajjojo armej eñtaan ikijjeen Aelõñ ak Kien eo an. (Matu 6:9, 10) M̦ae tõre eo enaaj itok Kien eo an, ej kaenõm̦m̦ane ro im em̦ool aer kõn̦aan jel̦ã kajjien.​—Jerbal 17:27; 2 Korint 1:3, 4.