Alikkar bwe an ruo armej me rejjañin m̦are kiki ilo juon wõt em̦ ilo juon boñ, men in ej lukkuun kam̦ool bwe remaroñ kar l̦õñ. Innem el̦aññe ejjel̦o̦k unin aerro kar kõm̦m̦ane men in, em̦m̦aan ro rej lale eklejia renaaj aikuj kõm̦m̦ane juon kamiti ñan jijet ippãerro.​—1 Ko. 6:18, UBS.

Em̦m̦aan ro rej lale eklejia rej aikuj lukkuun etale aolep mel̦el̦e ko kõnke eoktak wãween ko rej wal̦o̦k bwe ren lale el̦aññe ekkar bwe ren kõm̦m̦ane juon kamiti ñan jijet ippãn armej rein ruo. Ñan waanjoñak: Armej rein rej ke teit? Em̦õj ke an kar em̦m̦aan ro rej lale eklejia kõnono ippãerro kõn wãween aerro kõm̦m̦an ñan doon? Etke rar kiki ilo juon wõt em̦ ilo juon boñ? Rar ke pepel̦o̦k im̦aan ñan kõm̦m̦ane men in? Ewõr ke bar juon wãween remaroñ kar kõm̦m̦ane bwe erro en jab aikuj kiki ilo juon wõt em̦, ke ta, ewõr juon men ear wal̦o̦k ilo jidimkij me rar jab maroñ el̦l̦ã ioon ak rar jab kõtmãne kake, innem rar aikuj wõnm̦aanl̦o̦k im kõm̦m̦ane men in? (Ekl. 9:11, UBS) L̦eo ear kiki ia? Im lio ear kiki ia? Eoktak wãween ko rej wal̦o̦k im remaroñ kõm̦m̦an bwe ruo armej ren kiki ilo juon wõt em̦ ilo juon boñ, kõn men in emaroñ wõr mel̦el̦e ko jet em̦m̦aan ro rej lale eklejia renaaj etali me renaaj jelõt pepe eo rej kõm̦m̦ane.

Ãlikin an em̦m̦aan ro rej lale eklejia etali aolep mel̦el̦e ko, innem renaaj lale el̦aññe emenin aikuj bwe ren kõm̦m̦ane juon kamiti ñan jijet ippãerro.