Уке. Мланде нигунамат пытарыме, тул дене йӱлалтыме да вес планет дене алмаштыме огеш лий. Библий дене келшышын, Юмын шонымыжо почеш еҥ-влак мландыште курымеш илышаш улыт.

•   «Юмылан йӧрышӧ-шамычлан мланде пуалтеш, да тушан нуно курым-курымлан вераҥыт» (Псалом 36:29).

•   «Тый [Юмо] мландым пеҥгыде негызеш шынденат: тудо курым гыч курымышко ок тайналт» (Псалом 103:5).

•   «Мланде курымеш лиеш» (Экклезиаст 1:4).

•   «Тудо, кӧ мландым ыштен, тудым пеҥгыде негызеш шогалтен... тудым арам огыл, а еҥ-влаклан илашышт ыштен» (Исайя 45:18).

 Юмо еҥ-влаклан мландым пытараш огеш пу, кеч нуно, мутлан, сар-влакым ыштат да пӱртӱсым лавыртат. Тудо «мландым пытарыше-влакым пытараш» сӧра (Почмаш 11:18). Юмо тидым кузе ышта?

 Айдеме правительстве-влак мландым арален огыт мошто, сандене Юмо нуным кавасе Кугыжанышыж дене алмашта (Даниил 2:44; Матфейын 6:9, 10). Тиде Кугыжанышым Юмын Эргыже Иисус Христос вуйлаташ тӱҥалеш (Исайя 9:6, 7). Икана Иисус мландыште илымыж годым тӱтаным чарен (Маркын 4:35—41). Иисус Юмын Кугыжанышын Кугыжаже семын уло мландым вуйлаташ да пӱртӱс вийым виктараш тӱҥалеш. Тудо мландыште тыгай илышым уэш ышта, могай Эдем садыште лийын (Матфейын 19:28; Лукан 23:43).

 Уке. Тыгай шонымаш 2 Петрын 3:7 почеламутым йоҥылыш умылымылан верч чӱчкыдын лектеш. Тушто тыге возымо: «Кызытсе кава ден мландым... туллан арален кодымо». Тиде почеламутым умылашлан теве мом шотыш налман:

1.   Библийыште «кава», «мланде» да «тул» мут-влак икмыняр значениян лийын кертыт. Мутлан, Псалом 32:8 почеламутышто возымо: «Юмо деч уло мланде лӱдшӧ». Тыште «мланде» мут айдеме тукымым ончыкта.

2.   2 Петрын 3:7 почеламутын контекстшым ончалаш гын, умылаш лиеш, мом «кава», «мланде» да «тул» мут-влак ончыктат. 5-ше да 6-шо почеламут-влак Нойын жапыште лийше Вӱд ташлымашым шарныктат. Тугодым планетна огыл, а акрет годсо тӱня пытарыме лийын. Вӱд ташлымаш уло мландыште пужлышо айдеме тукымым пытарен (Тӱҥалтыш 6:11). Каважат, вес мут дене вуйлатыше еҥ-влак, пытарыме лийын. Тыгела, планетна огыл, а осал еҥ-влак пытарыме лийыныт. Ной ешыж дене пырля саде тӱнян пытарымыжым илен лектын да Вӱд ташлымаш деч вара мландым тукымжо дене темен (Тӱҥалтыш 8:15—18).

 2 Петрын 3:7 почеламутышто палемдыме «тул» Вӱд ташлымаш семын Мланде планетналан огыл, а тиде осал тӱнялан мучашым пышта. Юмо мыланна «у кавам да у мландым» сӧра, кушто «чын ыштымаш илаш тӱҥалеш» (2 Петрын 3:13). «У кава», але у правительстве — Юмын Кугыжаныш, «у мландым», але у айдеме тукымым, вуйлаташ тӱҥалеш. Тиде Кугыжанышын вуйлатымыжлан кӧра мланде сылне райыш савырна, кушто курымеш тыныс лиеш (Почмаш 21:1—4).