Тиде брошюрын южо фотосӱретыштыже Иегован Таныкше-влакым вашлиймашыш толшым ужаш лиеш. Те ужында, докан, нунын чаткан чиймыштым? Молан ме тӱжвал тӱслан посна вниманийым ойырена?

Юмым пагалена манын ончыкташлан. Мутат уке, утларакше Юмо айдемын шӱм-чонжым онча (1 Самуила 16:7). Но туге гынат, кунам ме Иеговалан кумалаш погынена, Юмым да иза-ака-влакым пагалаш мемнан кумылна уло. Мутлан, мемнам президент деке ӱжыт ыле гын, мутат уке, эн сай вургемым чиен каена ыле. Тиде семынак, Курымашлык Кугыжам, Иегова Юмым, да вашлиймаш верым пагалымым ончыкташ манын, ме чапле вургемым чиена (1 Тимофейлан 1:17).

Юмын нормыж почеш илымынам ончыкташлан. Библий христиан-влакым «шинчаш перныдыме да шотан вургемым» чияш тарата (1 Тимофейлан 2:9, 10). Шотан вургем тиде тыгай вургем, кудо шинчаш огеш перне, капым утыжден огеш чараҥде да кӱлдымӧ шонымашым огеш лук. Шотан вургем мотор лийын кертеш, но тыгодымак весе-влакым тудо ӧрыктарышаш огыл. Тӱжвал тӱс шотышто тиде принцип мыланна кугу эрыкым пуа. Моторын да шот дене чиймына дене ме Утарышыланна, Юмыланна, да тудын туныктымыжланат чапым кондена (Титлан 2:10; 1 Петрын 2:12). Мемнан чаплын чиймынам ужын, весе-влак Иеговалан кумалмашым вес семын ончаш тӱҥалын кертыт.

Тендан посна чапле вургемда уке гын, ида тургыжлане! Вашлиймаш залыш толаш йӧрышӧ вургем эн тӱҥжӧ чатка да ару лийшаш. Тендамат Вашлиймаш залышкына толаш пагален ӱжына!

• Христианысе вашлиймашыш толашлан молан сай вургемым чияш кӱлеш?

• Тӱжвал тӱс шотышто ме могай принцип-влакым кучылтына?