AKORANGA 01

Me Pēhea te Paipera e Āwhina i a Koe?

PUREI

Kei a tātou katoa he pātai mō te ora, te mamae, te mate, me āmua. Ka mahara hoki tātou ki ngā take o ia rā o ia rā, pēnei i te whiwhi oranga, me te whānau harikoa. He tokomaha e kite ana kei te Paipera he whakautu ki ngā pātai nui o te ora, he tohutohu whaihua hoki mō te oranga o ia rā. Ka taea e te Paipera te āwhina i tētahi e mōhio ana koe?

1. He aha ētahi pātai e whakautu ana te Paipera?

E whakautu ana te Paipera i ēnei pātai nui: I tīmata pēhea te ora? He aha te take e ora ana tātou? He aha te take e mamae ana te hunga hēkore? Ina mate te tangata he aha te mea ka tūpono? Ina hiahia te katoa ki te rongomau, he aha te take ka nui ai te pakanga? He aha te mea ka tūpono ki te whenua āmua? E whakahau ana te Paipera kia kimi whakautu tātou ki ngā pātai pēnei, otirā he manotini te hunga kua kite he pai āna whakautu.

2. Me pēhea te Paipera e āwhina kia hari tātou ia rā?

He pai te tohutohu o te Paipera. Hei tauira, ka whakaako i ngā whānau kia tino harikoa. E tohutohu ana me pēhea e kawea ai te taumaha, me pēhea e hari ai i te mahi. Ka ako koe i tā te Paipera mō ēnei me ētahi atu mea ina kōrero tāua. Tērā pea ka whakaae koe “ko ngā Karaipiture katoa [ngā kōrero katoa i te Paipera] he . . . pai.”—2 Tīmoti 3:16.

Kāhore hei whakakapi tēnei pukapuka mō te Paipera. Engari, kei te akiaki kia āta tirotirohia te Paipera e koe. Nō reira, e whakahau ana mātou kia pānuitia e koe ngā karaipiture i roto i ēnei akoranga, kia whakaritea hoki ki ngā mea e ako ana koe.

KIMI MĀRAMATANGA

Ka ako koe he pēhea te Paipera i āwhina i ētahi tāngata, me pēhea e hari koe ki te pānui, he aha hoki te pai o te whiwhi āwhina kia mātau ai.

3. Ka arataki te Paipera i a tātou

He rite te Paipera ki te rama tino mārama. Me whakamahi te Paipera ki te whakatakoto whakatau pai, me te kite hoki he aha kei mua.

Pānuitia Ngā Waiata 119:105, kōrerotia ēnei pātai:

He aha te whakaaro o te kaituhi o tēnei waiata mō te Paipera?
He aha anō tōu whakaaro mō te Paipera?

4. Ka whakautua e te Paipera a tātou pātai

I kite tētahi wahine i hōmai whakautu te Paipera ki ngā pātai i māharahara ai ia mō ētahi tau nunui. Mātakitakitia te ATAATA, kōrerotia ngā pātai e whai ake nei.

ATAATA: Kaua e Whakarerea te Tūmanako! (1:48)

I roto i te ataata, he aha ngā pātai a tēnei wahine?
I āwhina pēhea te Paipera i a ia?

E whakahau ana te Paipera kia uia e tātou ngā pātai. Pānuitia a Matiu 7:7, kōrerotia tēnei pātai:

He aha ō pātai kei te Paipera pea ngā whakautu?

5. Ka hari koe ki te pānui i te Paipera

He nui ngā tāngata e hari ana ki te pānui i te Paipera me te whiwhi painga i roto. Mātakitakitia te ATAATA, kōrerotia ngā pātai e whai ake nei.

ATAATA: Te Pānui i te Paipera (2:05)

I te ataata, i pēhea te whakaaro o ngā rangatahi mō te pānuitanga whānui?
He aha te take e rerekē ana tō rātou whakaaro mō te pānui i te Paipera?

E kī ana te Paipera he tohutohu āna hei whakamārie i a tātou, hei hōmai tūmanako. Pānuitia Rōma 15:4, kōrerotia tēnei pātai:

He pai ki a koe ngā kupu taurangi o te Paipera mō te whakamārie me te tūmanako?

6. Mā ētahi atu tātou e āwhina kia mōhio ki te Paipera

Tāpiri ki te pānuitanga i te Paipera ko koe anake, kua kite te tokomaha he pai te kōrero tahi me ētahi atu. Pānuitia Ngā Mahi 8:26-31, kōrerotia tēnei pātai:

Me pēhea e mātau ai tātou ki te Paipera?—Tirohia ngā rārangi 30 me 31.

I hiahiatia e te tangata o Ētiopia te āwhina kia mōhio ki ngā karaipiture. He tokomaha ngā tāngata ināianei e kite ana he pai te kōrero tahi mō te Paipera me ētahi atu

E KĪ ANA ĒTAHI: “He moumou tāima te ako ki te Paipera.”