Kāhore i pērā i ētahi atu, i ora a Ihu i te rangi hei wairua i mua i tōna whānautanga mai ki te whenua. (Hoani 8:23) Ko ia te mātāmua o ngā mea i hangā e te Atua, nāna hoki i āwhina ki te hanga i ērā atu mea katoa. Ko ia anake tā Ihowa i hanga, nā reira, i tika mōna te karanga ko ia te Tama “kotahi” a te Atua. (Hoani 1:14) I mahi a Ihu hei Māngai mō te Atua, nā kua karanga anō hoki ia ko “te Kupu.”​—Pānuitia Ngā Whakataukī 8:22, 23, 30; Korohe 1:15, 16.

I tono te Atua i tāna Tama ki te whenua mā te whakawhiti i tōna ora ki te kōpū o tētahi wāhina Hūrai, ko Mēri te ingoa. Nā ehara te matua o Ihu i te tangata. (Ruka 1:30-35) I haere mai a Ihu ki te whenua (1) ki te whakaako i te pono mō te Atua, (2) ki te whakatakoto tauira mō tātou kia pēhea e mahi ai i tā te Atua i pai ai, ahakoa heipū mai ngā wā uaua, otirā (3) ki te tuku i tōna ora harakore hei “whakautu.”​—Pānuitia Matiu 20:28.

Ko te whakautu ko te utu hei wete i tētahi tangata i te wehi o te mate. (Ekoruhe 21:29, 30) Kāhore hoki te mate me te mamae i roto i te whakaaro tuatahi o te Atua mō te tangata. He pēhea tātou ka mōhio ai ki tērā? I kī te Atua ki te tangata tuatahi, a Ārama, ki te mahia e ia tā te Paipera e kiia nei ko te “hara,” ka mate ia. Nā, ina kāhore a Ārama i hara,  kua kore ia e mate. (Kēnehi 2:16, 17; 5:5) Hei tā te Paipera, i “puta mai” te mate ki te ao nā Ārama. Nā wai, i tukua e Ārama ki āna uri katoa te hara, me tōna whiu, te mate. E hiahiatia ana e tātou he whakautu kia wetea ai tātou i te whiu o te mate i heke mai i a Ārama.​—Pānuitia Rōma 5:12; 6:23.

Ka utua e wai te whakautu hei wete i a tātou i te mate? Ka mate tātou, ka utua anake ko ō tātou ake hara. Kāhore e taea e te tangata hara, te utu i ngā hara o ētahi atu.​—Pānuitia Ngā Waiata 49:7-9.

He harakore a Ihu, kāhore i rite ki a tātou. Nō reira, kāhore ia i mate mō ōna ake hara​—kāhore nei ōna hara. Engari kē, i mate a Ihu mō ngā hara o ētahi atu. I whakapuaki mai te Atua i te aroha nui whakaharahara ki te ­tangata inā i tono mai ia i tāna Tama kia mate mō tātou. Nui tonu hoki te aroha o Ihu ki a tātou, i whakarongo ai ki tōna Matua, i tuku ai i tōna ora mō ō tātou hara.​—Pānuitia Hoani 3:16; Rōma 5:18, 19.

I a ia i te whenua, i whakaora a Ihu i ngā tūroro, i whakaara te hunga mate, i whakaora hoki i ngā tāngata kua tata mai te mōrearea. Nā, whakakitea mai tāna e aha ai āmua mō ngā tāngata katoa ka whakarongo ki a ia. (Matiu 15:30, 31; Hoani 5:28) I muri i te matenga o Ihu, ka whakaorangia anō ia e te Atua hei wairua. (1 Pita 3:18) Ka tatari a Ihu ki te ringa matau o te Atua kia tukuna ki a ia e Ihowa te mana hei Kīngi ki te whenua katoa. (Hīperu 10:12, 13) Āianei he Kīngi a Ihu i te rangi, ā kei te kauwhau āna kaiaru i taua rongo pai puta noa i te ao.​—Pānuitia Rāniera 7:13, 14; Matiu 24:14.

Poto ake nei, mā tōna mana Kīngi ka whakangaro a Ihu i ngā mamae katoa me te hunga whakamamae. Ko ngā tāngata katoa e whakapono ki a Ihu, mā te whakarongo ki a ia, ka ora ki te whenua pararaiha.​—Pānuitia Ngā Waiata 37:9-11.