ЦАРСКИОТ пингвин може да плива во вода и да скокне на санта мраз со неверојатна брзина. Како го прави тоа?

Размисли: Царскиот пингвин задржува воздух во своите перја. Ова не само што му служи како изолација од екстремно ниските температури туку и му овозможува да се движи два до три пати побрзо. Како? Претпоставката на морските биолози е дека тоа го постигнува така што испушта мали меурчиња воздух од под пердувите. Меурчињата го намалуваат триењето меѓу водата и перјата на пингвинот, со што тој добива поголемо забрзување.

Интересен е фактот дека инженерите веќе некое време вршат истражувања за да можат да направат побрзи бродови кои ќе испуштаат меурчиња со што ќе се намали триењето меѓу трупот на бродот и водата. Меѓутоа, тие признаваат дека понатамошните истражувања се под знак прашалник затоа што „би било многу тешко да се изработи порозна мембрана или мрежа која би била соодветна копија на сложената структура на перјата на пингвинот“.

Што мислиш? Дали перјата на царскиот пингвин настанале со еволуција или се дело на мудар Творец?