ТЕМА ОД НАСЛОВНАТА | КОИ СЕ ЈЕХОВИНИТЕ СВЕДОЦИ?
Во што веруваат Јеховините сведоци?
Јеховините сведоци веруваат дека „целото Писмо е вдахновено од Бог“ и дека може многу да ни користи (2. Тимотеј 3:16). Библијата ни помага да го запознаеме Творецот и да водиме подобар живот.
Во неа пишува дека името на Бог е Јехова (Осија 12:5) *. Токму затоа, му служиме само на Јехова Бог и, како негови сведоци, се трудиме да им го објавиме неговото лично име на другите (Исаија 43:10-12).
Како христијани, веруваме дека Исус, „Божјиот Син“, * дошол на Земјата и станал Месија (Јован 1:34, 41; 4:25, 26). Откако умрел, Исус воскреснал на небото (1. Коринќаните 15:3, 4). Подоцна, станал Цар на Божјето Царство (Откровение 11:15). Тоа Царство е вистинска влада која ќе ја претвори Земјата во рај (Даниел 2:44). Во Библијата пишува: „Кротките ќе ја поседуваат земјата и ќе уживаат во изобилен мир“ (Псалм 37:11, 29).
„Тие веруваат дека Бог им зборува преку страниците на Библијата. Кога се соочуваат со проблеми, бараат помош во Божјата Реч... За нив, таа сѐ уште е жива“ (изјава на католичкиот свештеник Бенџамин Шерајат во германскиот весник Münsterländische Volkszeitung).
Како Јеховини сведоци, веруваме дека начелата од Библијата можат да им помогнат на луѓето денес (Исаија 48:17, 18). Затоа, се трудиме да живееме според тие начела. На пример, Библијата нѐ предупредува да не правиме нешто што ќе ги извалка нашиот ум и нашето тело. Од таа причина, не пушиме и не користиме дрога (2. Коринќаните 7:1). Освен тоа, не ги правиме работите што се осудени во Библијата, како на пример, не пиеме алкохол прекумерно, не вршиме сексуален неморал и не крадеме (1. Коринќаните 6:9-11).
^ пас. 4 Во многу преводи на Библијата на македонски јазик, Божјето име, Јехова, е заменето со титулата „Господ“. За да дознаеш зошто тоа е така, те молиме прочитај на страница 195 од книгата Што навистина учи Библијата? Достапна е и на www.ps8318.com/mk.
^ пас. 5 Во Библијата Исус е наречен и „единородниот Син Божји“ затоа што тој бил првиот и единствениот кој бил директно создаден од Јехова (Јован 3:18; Колошаните 1:13-15).
Можеби ќе те интересира и...
НАЈЧЕСТО ПОСТАВУВАНИ ПРАШАЊА
Што веруваат Јеховините сведоци?
Краток преглед на 15 од нашите главни верувања.
НАЈЧЕСТО ПОСТАВУВАНИ ПРАШАЊА
Дали Јеховините сведоци сметаат дека само нивната религија е исправна?
Дали Исус рекол дека има многу патишта што водат до спасение?
ОСНОВНИ БИБЛИСКИ УЧЕЊА
Дали Бог има име?
Бог има многу титули, како што се Семоќен, Творец и Господар. Но, Божјето име го има во Библијата над 7.000 пати.
