പതിയി​രി​ക്കുന്ന അപകട​ങ്ങ​ളെ​ക്കു​റിച്ച്‌ അറിയാ​വു​ന്ന​തു​കൊണ്ട്‌ പല മാതാ​പി​താ​ക്ക​ളും സോഷ്യൽ മീഡിയ ഉപയോ​ഗി​ക്കാൻ തങ്ങളുടെ കുട്ടി​കളെ അനുവ​ദി​ക്കാ​റില്ല. എന്നാൽ സോഷ്യൽ മീഡിയ ഉപയോ​ഗി​ക്കാൻ നിങ്ങളു​ടെ കൗമാ​ര​ത്തി​ലുള്ള മകനെ​യോ മകളെ​യോ അനുവ​ദി​ക്കു​ക​യാ​ണെന്നു വിചാ​രി​ക്കുക. അങ്ങനെ​യെ​ങ്കിൽ അപകടങ്ങൾ ഒഴിവാ​ക്കാ​നും ഡിജിറ്റൽ ലോകത്ത്‌ നല്ലൊരു പൗരനാ​കാ​നും അവരെ എങ്ങനെ സഹായി​ക്കാം?

ഈ ലേഖന​ത്തിൽ

•  നിങ്ങളു​ടെ കുട്ടി​യു​ടെ സമയം

•  നിങ്ങളു​ടെ കുട്ടി​യു​ടെ മനസ്സും വികാ​ര​ങ്ങ​ളും

•  നിങ്ങളു​ടെ കുട്ടി​യു​ടെ ഓൺ​ലൈ​നി​ലെ പെരു​മാ​റ്റം

•  നിങ്ങൾക്കു ചർച്ച ചെയ്യാ​വു​ന്നത്‌

 നിങ്ങൾ അറിഞ്ഞി​രി​ക്കേ​ണ്ടത്‌: സോഷ്യൽ മീഡി​യ​യ്‌ക്ക്‌ അഡിക്‌റ്റാ​യി​പ്പോ​കാ​നുള്ള നല്ല സാധ്യ​ത​യുണ്ട്‌. അതു​കൊണ്ട്‌ സോഷ്യൽ മീഡിയ ഉപയോ​ഗി​ക്കു​മ്പോൾ ഒരുപാട്‌ സമയം കളയാ​തി​രി​ക്കാൻ നിങ്ങളു​ടെ കൗമാ​ര​ക്കാ​രന്‌ സഹായം വേണ്ടി​വ​ന്നേ​ക്കാം.

 ബൈബിൾ തത്ത്വം: ‘കൂടുതൽ പ്രാധാ​ന്യ​മുള്ള കാര്യങ്ങൾ ഏതെന്ന്‌ ഉറപ്പു​വ​രു​ത്തുക.’—ഫിലി​പ്പി​യർ 1:10.

 ചിന്തി​ക്കാ​നാ​യി: സോഷ്യൽ മീഡിയ ഉപയോ​ഗി​ക്കു​ന്നതു കാരണം എന്റെ കുട്ടി​യു​ടെ ഉറക്കം നഷ്ടപ്പെ​ടു​ന്നു​ണ്ടോ? പഠിത്തം ഉഴപ്പു​ന്നു​ണ്ടോ? കുടും​ബാം​ഗ​ങ്ങ​ളു​മാ​യി വേണ്ടത്ര സമയം ചെലവ​ഴി​ക്കാൻ പറ്റാതെ വരുന്നു​ണ്ടോ? അതി​നെ​ക്കു​റിച്ച്‌ പഠനം നടത്തു​ന്നവർ പറയു​ന്നത്‌, കൗമാ​ര​പ്രാ​യ​ക്കാർക്ക്‌ രാത്രി ഏതാണ്ട്‌ ഒൻപതു മണിക്കൂർ ഉറക്കം വേണ​മെ​ന്നാണ്‌. പക്ഷേ മണിക്കൂ​റു​ക​ളോ​ളം സോഷ്യൽ മീഡിയ ഉപയോ​ഗി​ക്കുന്ന കുട്ടി​കൾക്ക്‌ ഏഴു മണിക്കൂ​റിൽ താഴെയേ ഉറക്കം കിട്ടു​ന്നു​ള്ളൂ.

 നിങ്ങൾക്കു ചെയ്യാ​നാ​കു​ന്നത്‌: ജീവി​ത​ത്തി​ലെ പ്രധാ​ന​പ്പെട്ട കാര്യ​ങ്ങ​ളെ​ക്കു​റിച്ച്‌ നിങ്ങളു​ടെ കൗമാ​ര​പ്രാ​യ​ക്കാ​ര​നു​മാ​യി ചർച്ച ചെയ്യുക. സോഷ്യൽ മീഡിയ ഉപയോ​ഗിച്ച്‌ ഒരുപാട്‌ സമയം കളയാ​തി​രി​ക്കു​ന്ന​തി​ന്റെ പ്രയോ​ജ​ന​ങ്ങ​ളെ​ക്കു​റി​ച്ചും സംസാ​രി​ക്കുക. ന്യായ​മായ ചില നിയമങ്ങൾ വെക്കാം. രാത്രി ബെഡ്‌റൂ​മിൽ ഫോണും മറ്റും വെക്കരുത്‌ എന്നതു​പോ​ലുള്ള നിയമങ്ങൾ. ആത്മനി​യ​ന്ത്രണം വളർത്തി​യെ​ടു​ക്കാൻ നിങ്ങളു​ടെ കുട്ടിയെ സഹായി​ക്കുക എന്നതാണ്‌ നിങ്ങളു​ടെ ലക്ഷ്യം. ഇനിയ​ങ്ങോ​ട്ടുള്ള ജീവി​ത​ത്തിൽ അവനെ സഹായി​ക്കുന്ന ഒരു ഗുണമാണ്‌ അത്‌.—1 കൊരി​ന്ത്യർ 9:25.

 നിങ്ങൾ അറിഞ്ഞി​രി​ക്കേ​ണ്ടത്‌: കൂട്ടു​കാ​രു​ടെ എഡിറ്റ്‌ ചെയ്‌ത സെൽഫി​ക​ളും “റീലു​ക​ളും” ഒക്കെ കാണു​മ്പോൾ ഒരു ചെറു​പ്പ​ക്കാ​രന്‌ ഒറ്റപ്പെ​ട്ട​തു​പോ​ലെ തോന്നാം, പിരി​മു​റു​ക്ക​വും നിരാ​ശ​യും ഒക്കെ തോന്നാം.

 ബൈബിൾ തത്ത്വം: ‘അസൂയ ഉപേക്ഷി​ക്കുക.’—1 പത്രോസ്‌ 2:1.

 ചിന്തി​ക്കാ​നാ​യി: സോഷ്യൽ മീഡി​യ​യി​ലെ മറ്റുള്ള​വ​രു​ടെ ഫോ​ട്ടോ​യൊ​ക്കെ കണ്ടിട്ട്‌, തന്നെ കാണാൻ അത്ര ഭംഗി​യി​ല്ല​ല്ലോ എന്നൊക്കെ നിങ്ങളു​ടെ കുട്ടിക്ക്‌ ഇടയ്‌ക്കു തോന്നാ​റു​ണ്ടോ? ‘മറ്റുള്ള​വ​രു​ടെ ജീവി​ത​മൊ​ക്കെ അടി​പൊ​ളി​യാണ്‌, എന്റേത്‌ ഭയങ്കര ബോറാണ്‌’ എന്ന്‌ അവൻ ചിന്തി​ക്കാ​റു​ണ്ടോ?

 നിങ്ങൾക്കു ചെയ്യാ​നാ​കു​ന്നത്‌: മറ്റുള്ള​വ​രു​മാ​യി താരത​മ്യ​പ്പെ​ടു​ത്തു​ന്ന​തി​ന്റെ അപകട​ങ്ങ​ളെ​ക്കു​റിച്ച്‌ നിങ്ങളു​ടെ കൗമാ​ര​ക്കാ​ര​നു​മാ​യി സംസാ​രി​ക്കുക. ആൺകു​ട്ടി​ക​ളെ​ക്കാൾ പെൺകു​ട്ടി​കൾക്കാ​യി​രി​ക്കും കൂടുതൽ പ്രശ്‌നം. കാരണം ബന്ധങ്ങൾക്കും സൗന്ദര്യ​ത്തി​നും ഒക്കെ കൂടുതൽ പ്രാധാ​ന്യം കൊടു​ക്കു​ന്നത്‌ അവരാണ്‌. ഇടയ്‌ക്കി​ട​യ്‌ക്ക്‌ സോഷ്യൽ മീഡി​യ​യ്‌ക്ക്‌ അവധി കൊടു​ക്കാൻ നിങ്ങൾക്കു കുട്ടി​യോ​ടു പറയാം. ജേക്കബ്‌ എന്നൊരു ചെറു​പ്പ​ക്കാ​രൻ പറയുന്നു: “കുറച്ച്‌ ദിവസ​ത്തേക്ക്‌ ഞാൻ എന്റെ സോഷ്യൽ മീഡിയ ആപ്പ്‌ ഡിലീറ്റ്‌ ചെയ്‌തു. അങ്ങനെ എനിക്ക്‌ ഒരുപാട്‌ സമയം ലാഭി​ക്കാൻ പറ്റി. മറ്റുള്ള​വ​രെ​ക്കു​റി​ച്ചും, ഇനി എന്നെക്കു​റി​ച്ചു​ത​ന്നെ​യും ഉള്ള കാഴ്‌ച​പ്പാ​ടു​പോ​ലും മാറി.”

 നിങ്ങൾ അറിഞ്ഞി​രി​ക്കേ​ണ്ടത്‌: സോഷ്യൽ മീഡി​യ​യി​ലാ​യി​രി​ക്കു​മ്പോൾ നിങ്ങൾ ഒരു വലിയ കൂട്ടത്തി​നു മുന്നിൽ ജീവി​ക്കു​ന്ന​തു​പോ​ലെ​യാണ്‌. അപ്പോൾ തെറ്റി​ദ്ധാ​ര​ണ​ക​ളും തർക്കങ്ങ​ളും ഉണ്ടാകാ​നുള്ള സാധ്യ​ത​യും കൂടു​ത​ലാണ്‌.

 ബൈബിൾ തത്ത്വം: ‘എല്ലാ തരം പകയും കോപ​വും ക്രോ​ധ​വും ആക്രോ​ശ​വും അസഭ്യ​സം​സാ​ര​വും നിങ്ങളിൽനിന്ന്‌ നീക്കി​ക്ക​ള​യുക. തമ്മിൽ ദയയു​ള്ള​വ​രാ​യി​ക്കുക.’—എഫെസ്യർ 4:31, 32.

 ചിന്തി​ക്കാ​നാ​യി: സോഷ്യൽ മീഡിയ കാരണം നിങ്ങളു​ടെ കുട്ടി ഗോസി​പ്പു​ക​ളി​ലും തർക്കങ്ങ​ളി​ലും ചെന്നു​പെ​ടു​ന്നു​ണ്ടോ? ദയയി​ല്ലാ​തെ സംസാ​രി​ക്കു​ന്നു​ണ്ടോ?

 നിങ്ങൾക്കു ചെയ്യാ​നാ​കു​ന്നത്‌: ഓൺ​ലൈ​നിൽ നന്നായി പെരു​മാ​റാൻ നിങ്ങളു​ടെ കുട്ടി​കളെ പഠിപ്പി​ക്കുക. ഡിജിറ്റൽ കുട്ടികൾ എന്ന ഇംഗ്ലീ​ഷി​ലുള്ള പുസ്‌തകം പറയുന്നു: “മാതാ​പി​താ​ക്ക​ളു​ടെ ഉത്തരവാ​ദി​ത്ത​മാണ്‌, ഒരു സാഹച​ര്യ​ത്തി​ലും ക്രൂരത പാടില്ല എന്ന്‌ കുട്ടി​കളെ പഠിപ്പി​ക്കു​ന്നത്‌—അതു നേരി​ട്ടാ​യാ​ലും ഓൺ​ലൈ​നി​ലൂ​ടെ​യാ​യാ​ലും.”

 ഒരു കാര്യം ഓർക്കു​ന്നത്‌ നല്ലതാണ്‌: സോഷ്യൽ മീഡിയ ഒരു അത്യാ​വശ്യ കാര്യമല്ല. പിന്നെ, എല്ലാ മാതാ​പി​താ​ക്ക​ളും സോഷ്യൽ മീഡിയ ഉപയോ​ഗി​ക്കാൻ കൗമാ​ര​പ്രാ​യ​ത്തി​ലുള്ള തങ്ങളുടെ മക്കളെ അനുവ​ദി​ക്കാ​റു​മില്ല. ഇനി സോഷ്യൽ മീഡിയ ഉപയോ​ഗി​ക്കാൻ കുട്ടിയെ അനുവ​ദി​ക്കു​ക​യാ​ണെ​ങ്കിൽ, ഈ കാര്യം നിങ്ങൾ ഉറപ്പു​വ​രു​ത്തണം: സമയപ​രി​ധി പാലി​ക്കാ​നും നല്ല സൗഹൃ​ദങ്ങൾ നിലനി​റു​ത്താ​നും മോശം കാര്യങ്ങൾ ഒഴിവാ​ക്കാ​നും ഉള്ള പക്വത നിങ്ങളു​ടെ കുട്ടി​ക്കു​ണ്ടെന്ന്‌.