നിങ്ങൾ ഒരു യഹോ​വ​യു​ടെ സാക്ഷി​യാ​ണെ​ങ്കിൽ പോലീ​സി​ന്റെ അകമ്പടി​യോ​ടെ വീടു​തോ​റും പോയി സന്തോ​ഷ​വാർത്ത പറയു​ന്ന​തി​നെ​ക്കു​റിച്ച്‌ ചിന്തി​ക്കാൻ പറ്റുമോ? 2017-ൽ മൈ​ക്രോ​നേ​ഷ്യ​യിൽവെച്ച്‌ ജോസ​ഫിന്‌ അങ്ങനെ​യൊ​രു അനുഭ​വ​മു​ണ്ടാ​യി. ഒറ്റപ്പെട്ട ഒരു ദ്വീപി​ലെ ആളുക​ളോ​ടു സന്തോ​ഷ​വാർത്ത അറിയി​ക്കുന്ന ഒരു പ്രത്യേക പ്രചാ​ര​ണ​പ​രി​പാ​ടി​യി​ലാ​യി​രു​ന്നു ജോസ​ഫും മറ്റു മൂന്നു സാക്ഷി​ക​ളും.

 ഉച്ചയാ​കാ​റാ​യ​പ്പോൾ ഏകദേശം 600 പേരുള്ള ഒരു ചെറിയ ദ്വീപിൽ ആ നാലു സാക്ഷികൾ എത്തി. അവിടെ ആ ദ്വീപി​ലെ മേയർ അവരെ അഭിവാ​ദനം ചെയ്‌തു. പിന്നെ എന്താണു സംഭവി​ച്ച​തെന്നു ജോസഫ്‌ പറയുന്നു: “ഞങ്ങളെ പോലീ​സി​ന്റെ വണ്ടിയിൽ എല്ലാ വീടു​ക​ളി​ലേ​ക്കും കൊണ്ടു​പോ​കാ​മെന്നു മേയർ പറഞ്ഞു. അതു കേട്ട​പ്പോൾ ഞങ്ങൾ അതിശ​യി​ച്ചു​പോ​യി. എങ്കിലും വളരെ ആദര​വോ​ടെ അതു വേണ്ടെന്നു പറഞ്ഞു. സാധാരണ വീടു​തോ​റും പോകു​ന്ന​തു​പോ​ലെ പോകാ​നാ​യി​രു​ന്നു ഞങ്ങൾ ആഗ്രഹി​ച്ചത്‌.”

 അങ്ങനെ പ്രചാ​രകർ എത്ര ആളുക​ളോ​ടു സംസാ​രി​ക്കാൻ പറ്റുമോ അത്രയും ആളുക​ളോ​ടു സംസാ​രി​ക്കാ​നാ​യി നടന്നു​നീ​ങ്ങി. സാക്ഷികൾ പറയുന്നു: “ആളുകൾ വളരെ ആതിഥ്യ​മ​ര്യാ​ദ​യു​ള്ള​വ​രും സന്ദേശ​ത്തിൽ താത്‌പ​ര്യ​മു​ള്ള​വ​രും ആയിരു​ന്നു. അതു​കൊണ്ട്‌ ഓരോ വീട്ടി​ലും ഉദ്ദേശി​ച്ച​തി​നെ​ക്കാൾ കൂടുതൽ സമയം ഞങ്ങൾക്കു ചെലവ​ഴി​ക്കേ​ണ്ടി​വന്നു.”

 ആ ദിവസം പിന്നീട്‌ പോലീ​സു​വണ്ടി ജോസ​ഫി​ന്റെ അടുത്തു​കൂ​ടി മൂന്നു പ്രാവ​ശ്യം കടന്നു​പോ​യി. മൂന്നാം പ്രാവ​ശ്യം അവർ വണ്ടി നിറു​ത്തി​യിട്ട്‌, ഇനി പോകാ​നുള്ള വീടു​ക​ളിൽ വണ്ടിയിൽ കൊണ്ടു​പോ​കാ​മെന്നു പറഞ്ഞു. ജോസഫ്‌ ഇങ്ങനെ പറയുന്നു: “ഞാൻ വേണ്ടെന്നു പറഞ്ഞു. പക്ഷേ ഇത്തവണ അവർ നിർബ​ന്ധ​ത്തോ​ടെ ഇങ്ങനെ പറഞ്ഞു: ‘നിങ്ങൾക്ക്‌ ഇനി കുറച്ച്‌ സമയമല്ലേ ഉള്ളൂ. ബാക്കി വീടു​ക​ളി​ലേക്കു ഞങ്ങൾ നിങ്ങളെ കൊണ്ടു​പോ​കാം.’ ഇപ്രാ​വ​ശ്യം അവരുടെ വാക്കു കേൾക്കാ​തി​രി​ക്കാൻ കഴിഞ്ഞില്ല. കാരണം ഞങ്ങൾക്കു കുറച്ച്‌ വീടു​ക​ളിൽക്കൂ​ടി പോകാ​നു​ണ്ടാ​യി​രു​ന്നു. ഓരോ വീട്‌ അടുക്കു​മ്പോ​ഴും പോലീ​സു​കാർ ആ വീട്ടു​കാ​രന്റെ പേരു പറയും. ആരും വാതിൽ തുറന്നി​ല്ലെ​ങ്കിൽ വീട്ടു​കാ​രനെ വിളി​ക്കാ​നാ​യി ഹോണ​ടി​ക്കാ​മെ​ന്നും അവർ എന്നോടു പറഞ്ഞു.

 “അവരുടെ സഹായം​കൊണ്ട്‌ ആ ദിവസം അവി​ടെ​യുള്ള വീടു​ക​ളെ​ല്ലാം സന്ദർശി​ക്കാൻ ഞങ്ങൾക്കു കഴിഞ്ഞു. ഞങ്ങൾ ഒരുപാ​ടു പ്രസി​ദ്ധീ​ക​ര​ണങ്ങൾ കൊടു​ത്തു. താത്‌പ​ര്യം കാണി​ച്ച​വ​രു​ടെ അടുത്ത്‌ മടങ്ങി​ച്ചെ​ല്ലാ​നുള്ള ക്രമീ​ക​ര​ണ​വും ചെയ്‌തു.” “അൽപ്പം സന്തോ​ഷ​വാർത്ത അറിയി​ക്കാൻ കഴിഞ്ഞ​തിൽ സന്തോ​ഷ​മുണ്ട്‌” എന്നു പോലീ​സു​കാ​രൻ ജോസ​ഫി​നോ​ടു പറഞ്ഞു. സൂര്യാ​സ്‌ത​മ​യ​ത്തോ​ടെ അവിടം വിട്ട സാക്ഷി​കളെ, കൈയിൽ ബൈബിൾപ്ര​സി​ദ്ധീ​ക​ര​ണ​വും മുഖത്തു പുഞ്ചി​രി​യും ആയി തീരത്തു നിന്ന പോലീ​സു​കാർ കൈവീ​ശി യാത്ര അയച്ചു.