200-ലധികം ദേശങ്ങ​ളി​ലാ​യി യഹോ​വ​യു​ടെ സാക്ഷികൾ ആത്മീയ​മാ​യും മറ്റ്‌ വിധങ്ങ​ളി​ലും ഇന്ന്‌ ആളുകളെ സഹായി​ച്ചു​കൊ​ണ്ടി​രി​ക്കു​ന്നു. എന്നാൽ അതിൽ ഏതാണ്ട്‌ 35 ദേശങ്ങ​ളിൽ മാത്ര​മാണ്‌ അവരുടെ ആവശ്യ​ങ്ങൾക്കുള്ള പണം ആ പ്രദേ​ശ​ങ്ങ​ളിൽനി​ന്നു​തന്നെ സംഭാ​വ​ന​യാ​യി ലഭിക്കു​ന്നത്‌. സാമ്പത്തി​ക​ശേഷി കുറഞ്ഞ ദേശങ്ങ​ളിൽ, ചെലവു​കൾക്കുള്ള പണം എങ്ങനെ​യാണ്‌ കണ്ടെത്തു​ന്നത്‌?

 യഹോ​വ​യു​ടെ സാക്ഷി​ക​ളു​ടെ ഭരണസം​ഘം ലോക​മെ​ങ്ങു​മുള്ള സഹോ​ദ​ര​ങ്ങ​ളു​ടെ ആത്മീയാ​വ​ശ്യ​ങ്ങ​ളും പ്രവർത്ത​ന​ങ്ങ​ളും വിലയി​രു​ത്തു​ന്നു. എന്നിട്ട്‌ ലഭിക്കുന്ന പണം ശ്രദ്ധ​യോ​ടെ പ്ലാൻ ചെയ്‌ത്‌ ഇത്തരം കാര്യ​ങ്ങൾക്കാ​യി ഉപയോ​ഗി​ക്കു​ന്നു. ഒരു ബ്രാഞ്ചിന്‌ ആവശ്യ​മു​ള്ള​തി​ലും അധികം സംഭാ​വ​നകൾ കിട്ടി​യാൽ, മിച്ചം വരുന്ന പണം സാമ്പത്തി​ക​ശേഷി കുറഞ്ഞ ദേശങ്ങ​ളിൽ ഉപയോ​ഗി​ക്കാ​നാ​കും. പരസ്‌പരം സഹായിച്ച ആദ്യകാല ക്രിസ്‌ത്യാ​നി​ക​ളു​ടെ മാതൃ​ക​യ​നു​സ​രി​ച്ചാണ്‌ ഈ ക്രമീ​ക​രണം. ‘സമത്വം ഉണ്ടാകാൻ’ അത്‌ അവരെ സഹായി​ച്ചു. (2 കൊരി​ന്ത്യർ 8:14) അവർ തങ്ങളുടെ സമൃദ്ധി​യിൽനിന്ന്‌, ഇല്ലായ്‌മ​യിൽ കഴിഞ്ഞ ക്രിസ്‌ത്യാ​നി​ക​ളു​ടെ കുറവ്‌ നികത്തി.

 മറ്റു ബ്രാഞ്ചു​ക​ളിൽനിന്ന്‌ സംഭാ​വ​നകൾ ലഭിച്ച സഹോ​ദ​ര​ങ്ങൾക്ക്‌ അതെക്കു​റിച്ച്‌ എന്താണ്‌ തോന്നി​യത്‌? ഉദാഹ​ര​ണ​ത്തിന്‌, ടാൻസ​നി​യ​യി​ലെ പകുതി​യി​ല​ധി​കം ആളുക​ളു​ടെ​യും ദിവസ​വ​രു​മാ​നം 150 രൂപയി​ലും കുറവാണ്‌. അവിടത്തെ മഫിൻഗ സഭയുടെ രാജ്യ​ഹാൾ ഇത്തരം ഫണ്ട്‌ ഉപയോ​ഗി​ച്ചാണ്‌ പുതു​ക്കി​പ്പ​ണി​തത്‌. അവിടത്തെ സഭ ഇങ്ങനെ എഴുതി, “രാജ്യ​ഹാൾ പുതു​ക്കി​പ്പ​ണി​ത​തി​നു ശേഷം മീറ്റി​ങ്ങിന്‌ കൂടു​തൽപ്പേർ വരാൻതു​ടങ്ങി. യഹോ​വ​യു​ടെ സംഘട​ന​യ്‌ക്കും ലോക​മെ​ങ്ങു​മുള്ള സഹോ​ദ​ര​ങ്ങ​ളു​ടെ ഉദാര​ത​യ്‌ക്കും വളരെ നന്ദി. അതു​കൊ​ണ്ടാ​ണ​ല്ലോ ഞങ്ങൾക്ക്‌ ഈ മനോ​ഹ​ര​മായ രാജ്യ​ഹാൾ കിട്ടി​യത്‌.”

 കോവിഡ്‌-19 മഹാമാ​രി കാരണം ശ്രീല​ങ്ക​യി​ലുള്ള ചില സഹോ​ദ​ര​ങ്ങൾക്ക്‌ ഭക്ഷണം കിട്ടാൻ ബുദ്ധി​മുട്ട്‌ നേരിട്ടു. അവരിൽ ചിലരാണ്‌ ഇമാരോ ഫെർനാ​ണ്ടോ സഹോ​ദ​രി​യും മകനായ ഇനോ​ഷും. മറ്റു ദേശങ്ങ​ളിൽനിന്ന്‌ കിട്ടിയ സംഭാ​വ​ന​കൾകൊണ്ട്‌ അവർക്ക്‌ ആവശ്യ​മായ സഹായങ്ങൾ കൊടു​ക്കാ​നാ​യി. അവർ സ്വന്തമാ​യി ഉണ്ടാക്കിയ കാർഡിൽ ഇങ്ങനെ എഴുതി, “ഈ സമയത്ത്‌ ഞങ്ങളോട്‌ സ്‌നേഹം കാണിച്ച എല്ലാ സഹോ​ദ​ര​ങ്ങൾക്കും ഒത്തിരി നന്ദിയുണ്ട്‌. സഹോ​ദ​രങ്ങൾ ഒരു കുടും​ബം​പോ​ലെ​യാ​യി​രി​ക്കു​ന്നത്‌ വലി​യൊ​രു അനു​ഗ്ര​ഹം​ത​ന്നെ​യാണ്‌. ഈ അവസാ​ന​കാ​ലത്ത്‌ എല്ലാ സഹോ​ദ​ര​ങ്ങ​ളെ​യും യഹോവ സഹായി​ക്കട്ടെ എന്നാണ്‌ ഞങ്ങളുടെ പ്രാർഥന.”

 ഏതു സാഹച​ര്യ​ത്തിൽ ജീവി​ക്കു​ന്ന​വ​രാ​ണെ​ങ്കി​ലും നമ്മുടെ സഹോ​ദ​രങ്ങൾ തങ്ങൾക്കു​ള്ളത്‌ കൊടു​ക്കാൻ മനസ്സു​ള്ള​വ​രാണ്‌. നമ്മൾ മുമ്പ്‌ കണ്ട ഇനോഷ്‌ പണം ഇട്ടു​വെ​ക്കാൻ ഒരു കുടുക്ക ഉണ്ടാക്കി. ആവശ്യ​മു​ള്ള​വരെ സഹായി​ക്കാൻവേ​ണ്ടി​യാണ്‌ അവൻ അങ്ങനെ ചെയ്‌തത്‌. മെക്‌സി​ക്കോ​യി​ലുള്ള ഗ്വാഡ​ലൂപ്‌ അൽവാ​രെസ്‌ സഹോ​ദ​രി​യും അതേ​പോ​ലൊ​രു കാര്യ​മാണ്‌ ചെയ്‌തത്‌. അവർ താമസി​ക്കുന്ന സ്ഥലത്ത്‌ വളരെ കുറച്ചു​പേർക്കേ ആവശ്യ​ത്തിന്‌ ശമ്പളം കിട്ടു​ന്നു​ള്ളൂ. എങ്കിലും തന്നെ​ക്കൊണ്ട്‌ കഴിയു​ന്നത്‌ അവർ സംഭാവന ചെയ്യുന്നു. സഹോ​ദരി എഴുതു​ന്നു: “യഹോ​വ​യു​ടെ നന്മയും വിശ്വ​സ്‌ത​സ്‌നേ​ഹ​വും ഞാൻ എപ്പോ​ഴും ഓർക്കും. മറ്റുള്ള​വ​രു​ടെ സംഭാ​വ​ന​ക​ളു​ടെ ഒപ്പം എന്റെ സംഭാ​വ​ന​യും ചേരു​മ്പോൾ, അത്‌ ആവശ്യ​മുള്ള സഹോ​ദ​ര​ങ്ങൾക്ക്‌ ഉപകാ​ര​പ്പെ​ടു​മെന്ന്‌ എനിക്ക്‌ അറിയാം.”

 മറ്റു സ്ഥലങ്ങളി​ലേക്ക്‌ പണം അയച്ചു​കൊ​ടു​ക്കാൻ ബ്രാ​ഞ്ചോ​ഫീ​സു​കൾക്കും സന്തോ​ഷമേ ഉള്ളൂ. ബ്രസീൽ ബ്രാഞ്ച്‌ കമ്മിറ്റി​യിൽ സേവി​ക്കുന്ന ആന്തണി കർവാ​ലോ സഹോ​ദരൻ ഇങ്ങനെ പറയുന്നു, “കുറെ വർഷങ്ങ​ളാ​യി ഞങ്ങളുടെ രാജ്യത്തെ പ്രവർത്ത​ന​ങ്ങൾക്ക്‌ മറ്റു രാജ്യ​ങ്ങ​ളിൽനി​ന്നുള്ള സാമ്പത്തി​ക​സ​ഹാ​യം ആവശ്യ​മു​ണ്ടാ​യി​രു​ന്നു. ഇങ്ങനെ സഹായം ലഭിച്ച​തു​കൊണ്ട്‌ ഇവിടെ വലിയ വർധന​യാണ്‌ ഉണ്ടായത്‌. ഇപ്പോൾ ഞങ്ങളുടെ സാമ്പത്തി​ക​സ്ഥി​തി മെച്ച​പ്പെട്ടു, മറ്റുള്ള​വരെ സഹായി​ക്കാൻപോ​ലും ഞങ്ങൾക്കു കഴിയു​ന്നു. ലോകം മുഴു​വ​നു​മുള്ള പ്രസം​ഗ​പ്ര​വർത്ത​നത്തെ എങ്ങനെ സഹായി​ക്കാ​മെ​ന്നാ​ണു ഞങ്ങൾ ഇപ്പോൾ ചിന്തി​ക്കു​ന്നത്‌. യേശു​വി​ന്റെ ശിഷ്യ​ന്മാർ ഈ ആത്മത്യാ​ഗ​മ​നോ​ഭാ​വ​മല്ലേ ഇപ്പോൾ കാണി​ക്കേ​ണ്ടത്‌!”

 സഹായം ആവശ്യ​മുള്ള സഹോ​ദ​ര​ങ്ങളെ നമുക്ക്‌ എങ്ങനെ പിന്തു​ണ​യ്‌ക്കാം? അതിനാ​യി പണം മറ്റ്‌ ബ്രാ​ഞ്ചോ​ഫീ​സു​ക​ളി​ലേക്ക്‌ നേരിട്ട്‌ അയച്ചു​കൊ​ടു​ക്കാൻ പ്രതീ​ക്ഷി​ക്കു​ന്നില്ല. പകരം സംഭാ​വ​നകൾ ലോക​വ്യാ​പക പ്രവർത്ത​ന​ങ്ങൾക്കു​വേണ്ടി കൊടു​ക്കാം. നിങ്ങൾക്ക്‌ സഭയിലെ “ലോക​വ്യാ​പ​ക​പ്ര​വർത്ത​നം” എന്ന്‌ എഴുതിയ സംഭാ​വ​ന​പ്പെ​ട്ടി​യിൽ പണം ഇടാം. അല്ലെങ്കിൽ donate.ps8318.com-ലൂടെ അത്‌ അയയ്‌ക്കാം. നിങ്ങളു​ടെ ഓരോ സംഭാ​വ​ന​യും ഞങ്ങൾക്കു വളരെ വില​പ്പെ​ട്ട​താണ്‌.