2014-ൽ 18-25 പ്രായ​ക്കാ​രെ പങ്കെടു​പ്പി​ച്ചു​കൊണ്ട്‌ ഇന്ത്യയിൽ നടത്തിയ ഒരു കണക്കെ​ടു​പ്പിൽ വിവാ​ഹ​ത്തിന്‌ മുമ്പ്‌ ലൈം​ഗി​ക​ബ​ന്ധ​ത്തിൽ ഏർപ്പെ​ടു​ന്നത്‌ “അത്ര വലിയ തെറ്റായി വീക്ഷി​ക്കു​ന്നില്ല” എന്ന്‌ 61 ശതമാനം പേർ അഭി​പ്രാ​യ​പ്പെട്ടു. “ഇപ്പോ​ഴുള്ള യുവജ​നങ്ങൾ പുതിയ ഒരു ബന്ധം തുടങ്ങു​മ്പോൾ വിവാ​ഹ​ത്തെ​ക്കു​റിച്ച്‌ ചിന്തി​ക്കാ​റില്ല” എന്ന്‌ മുംബൈ ആസ്ഥാന​മാ​ക്കി പ്രവർത്തി​ക്കുന്ന ഒരു ചികി​ത്സകൻ ഒരു ദിനപ്പ​ത്ര​ത്തോട്‌ (Hindustan Times) പറഞ്ഞു. അത്‌ “ഒരു രാത്രി മാത്ര​മാ​യു​ള്ള​തോ വെറും ആകസ്‌മി​ക​മാ​യു​ള്ള​തോ അല്ലെങ്കിൽ ഒരുമി​ച്ചുള്ള താമസ​മോ ഏതായി​രു​ന്നാ​ലും പ്രതി​ബദ്ധത എന്ന കാര്യം ചിത്ര​ത്തി​ലെ​ങ്ങും വരുന്നില്ല.”

ചിന്തിക്കാൻ: ലൈം​ഗി​ക​മാ​യി പകരുന്ന രോഗ​ങ്ങ​ളും വൈകാ​രി​ക​ക്ഷ​ത​ങ്ങ​ളും വിവാ​ഹ​ത്തിന്‌ മുമ്പുള്ള ലൈം​ഗി​ക​ത​യോ​ടാ​ണോ അതോ വിവാ​ഹ​ത്തിന്‌ ശേഷമുള്ള ലൈം​ഗി​ക​ത​യോ​ടാ​ണോ അടുത്ത്‌ ബന്ധപ്പെ​ട്ടി​രി​ക്കു​ന്നത്‌?—1 കൊരി​ന്ത്യർ 6:18.

കുടും​ബാം​ഗ​ങ്ങ​ളു​മാ​യി കൂടെ​ക്കൂ​ടെ വാക്കു​തർക്ക​ത്തിൽ ഏർപ്പെ​ടു​ന്നവർ മധ്യവ​യ​സ്സിൽ മരിക്കാ​നുള്ള സാധ്യത ഇരട്ടി​യാണ്‌. കോപ്പർഹേഗൻ സർവക​ലാ​ശാ​ല​യി​ലെ ഗവേഷകർ മധ്യവ​യസ്‌ക​രായ ഏതാണ്ട്‌ 10,000-ത്തോളം പേരെ 11 വർഷത്തി​ലേറെ നിരീ​ക്ഷി​ച്ച​തിൽ, ഉറ്റ കുടും​ബാം​ഗ​ങ്ങ​ളു​മാ​യി കൂടെ​ക്കൂ​ടെ വാക്കു​തർക്ക​മു​ണ്ടാ​ക്കു​ന്നവർ അങ്ങനെ ചെയ്യു​ക​യി​ല്ലാ​ത്ത​വരെ അപേക്ഷിച്ച്‌ അകാല​മ​ര​ണ​മ​ട​യു​ന്ന​താ​യി കണ്ടു. പഠനസം​ഘ​ത്തി​ലെ ഒരു എഴുത്തു​കാ​രൻ പറയു​ന്നത്‌ ആകുല​ത​ക​ളും ആവശ്യ​ങ്ങ​ളും സംഘർഷ​ങ്ങ​ളും കൈകാ​ര്യം ചെയ്യു​ന്നത്‌ “അകാല​മ​ര​ണങ്ങൾ കുറയ്‌ക്കു​ന്ന​തിന്‌ പ്രധാ​ന​പ്പെട്ട ഒരു മാർഗ​മാണ്‌.”

ബൈബിൾ പറയു​ന്നത്‌: “വാക്കു അടക്കി​വെ​ക്കു​ന്നവൻ പരിജ്ഞാ​ന​മു​ള്ളവൻ; ശാന്തമാ​നസൻ ബുദ്ധി​മാൻ തന്നേ.”—സദൃശ​വാ​ക്യ​ങ്ങൾ 17:27.

‘പ്രേമി​ച്ചു​ന​ട​ന്നി​രുന്ന കാലത്ത്‌ കൂടെ​ക്കൂ​ടെ വേർപി​രി​യു​ക​യും ഒന്നിക്കു​ക​യും ചെയ്‌തി​രുന്ന കമിതാ​ക്കൾ’ അവരുടെ വിവാ​ഹ​ശേഷം അഞ്ച്‌ വർഷത്തി​നു​ള്ളിൽ കോടതി മുഖേന വേർപി​രി​യാൻ സാധ്യ​ത​യു​ള്ള​താ​യി ലൂസി​യാ​ന​യിൽ ഈയിടെ 564 പേരെ ഉൾപ്പെ​ടു​ത്തി നടത്തിയ ഒരു പഠനത്തിൽ കണ്ടെത്തു​ക​യു​ണ്ടാ​യി. അവരുടെ ജീവിതം കൂടുതൽ സംഘർഷ​ഭ​രി​ത​വും അസംതൃപ്‌ത​വും ആയിരി​ക്കാ​നുള്ള സാധ്യത ഏറെയാണ്‌.

ബൈബിൾ പറയു​ന്നത്‌: “ദൈവം കൂട്ടി​ച്ചേർത്ത​തി​നെ ഒരു മനുഷ്യ​നും വേർപി​രി​ക്കാ​തി​രി​ക്കട്ടെ.”—മത്തായി 19:6. (g16-E No. 2)