ദൈവത്തിൽ വിശ്വ​സി​ക്കു​ന്നു​ണ്ടെന്ന്‌ അനേക​രും പറയാ​റുണ്ട്‌. എന്നാൽ ദൈവം ആരാ​ണെന്നു ചോദി​ച്ചാൽ വ്യത്യസ്‌ത ഉത്തരങ്ങൾ നിങ്ങൾക്കു കിട്ടും. തെറ്റു ചെയ്യു​ന്ന​വരെ ശിക്ഷി​ക്കാൻ മാത്രം നോക്കുന്ന ക്രൂര​നായ ഒരു ന്യായാ​ധി​പ​നാ​ണു ചിലർക്കു ദൈവം. മറ്റു ചിലർക്ക്‌, എന്തു ചെയ്‌താ​ലും ക്ഷമിക്കുന്ന സ്‌നേ​ഹ​വാ​നായ ഒരു വ്യക്തി​യാ​ണു ദൈവം. എന്നാൽ വേറെ ചിലർ, ദൈവം വളരെ അകലെ​യാ​ണെ​ന്നും നമ്മുടെ കാര്യ​ത്തിൽ താത്‌പ​ര്യ​മി​ല്ലാത്ത ആളാ​ണെ​ന്നും വിശ്വ​സി​ക്കു​ന്നു. ഇങ്ങനെ പല അഭി​പ്രാ​യ​ങ്ങ​ളു​ള്ള​തു​കൊണ്ട്‌ ദൈവം ആരാ​ണെന്നു ശരിക്കും മനസ്സി​ലാ​ക്കാൻ പറ്റി​ല്ലെന്നു പലരും ചിന്തി​ച്ചേ​ക്കാം.

ദൈവം ആരാ​ണെന്ന്‌ അറിയു​ന്നതു പ്രധാ​ന​മാ​ണോ? അതെ. ദൈവത്തെ അടുത്ത്‌ അറിയു​ന്നതു നമ്മുടെ ജീവി​ത​ത്തിന്‌ ഉദ്ദേശ്യ​വും അർഥവും തരും. (പ്രവൃ​ത്തി​കൾ 17:26-28) ദൈവ​ത്തോ​ടു നിങ്ങൾ എത്ര അടുക്കു​ന്നു​വോ അത്രയും ദൈവം നിങ്ങളെ സ്‌നേ​ഹി​ക്കു​ക​യും സഹായി​ക്കു​ക​യും ചെയ്യും. (യാക്കോബ്‌ 4:8) ഏറ്റവും പ്രധാ​ന​മാ​യി, ദൈവ​ത്തെ​ക്കു​റിച്ച്‌ ശരിയായ അറിവ്‌ നേടു​ന്നത്‌ എന്നേക്കു​മുള്ള ജീവി​ത​ത്തി​ലേക്കു നയിക്കും.—യോഹ​ന്നാൻ 17:3.

ദൈവത്തെ എങ്ങനെ അടുത്ത്‌ അറിയാ​നാ​കും? നിങ്ങൾക്കു ശരിക്കും അറിയാ​വുന്ന ഒരാ​ളെ​ക്കു​റിച്ച്‌ ചിന്തി​ക്കുക. ആ സൗഹൃദം വളർന്നത്‌ എങ്ങനെ​യാണ്‌? ആ വ്യക്തി​യു​ടെ പേര്‌, വ്യക്തി​ത്വം, ഇഷ്ടാനി​ഷ്ടങ്ങൾ, അദ്ദേഹം ചെയ്‌ത​തും ചെയ്യാൻ ഉദ്ദേശി​ക്കു​ന്ന​തും ആയ കാര്യങ്ങൾ, അങ്ങനെ പലതും നിങ്ങൾ മനസ്സി​ലാ​ക്കി. അദ്ദേഹ​ത്തെ​ക്കു​റിച്ച്‌ മനസ്സി​ലാ​ക്കിയ കാര്യ​ങ്ങ​ളാണ്‌ നിങ്ങളെ ആ വ്യക്തി​യോട്‌ അടുപ്പി​ച്ചത്‌.

ഇതു​പോ​ലെ, പിൻവ​രുന്ന കാര്യങ്ങൾ മനസ്സി​ലാ​ക്കു​ന്ന​തി​ലൂ​ടെ നമുക്കു ദൈവത്തെ അടുത്ത്‌ അറിയാ​നാ​കും:

• ദൈവ​ത്തി​ന്റെ പേര്‌ എന്താണ്‌?

• ദൈവം എങ്ങനെ​യു​ള്ള​വ​നാണ്‌?

• ദൈവം എന്തൊക്കെ ചെയ്‌തി​ട്ടുണ്ട്‌?

• ദൈവം എന്തു ചെയ്യും?

• ദൈവത്തെ അറിയുന്നതുകൊണ്ടുള്ള പ്രയോജനം എന്താണ്‌?

ഈ ചോദ്യ​ങ്ങൾക്കുള്ള ബൈബി​ളി​ന്റെ ഉത്തരം ഈ മാസി​ക​യി​ലുണ്ട്‌. ഇതിലെ ലേഖനങ്ങൾ ദൈവം ആരാ​ണെന്നു മനസ്സി​ലാ​ക്കാൻ മാത്രമല്ല ദൈവ​വു​മാ​യുള്ള വ്യക്തി​പ​ര​മായ ബന്ധത്തി​ലൂ​ടെ നിങ്ങൾക്കു ലഭിക്കുന്ന പ്രയോ​ജ​ന​ത്തെ​ക്കു​റിച്ച്‌ മനസ്സി​ലാ​ക്കാ​നും സഹായി​ക്കും.