1-2. (എ) എന്താണു പാപം, പാപത്തിന്‌ എതി​രെ​യുള്ള പോരാ​ട്ട​ത്തിൽ നമുക്ക്‌ എങ്ങനെ ജയിക്കാ​നാ​കും? (“പദപ്ര​യോ​ഗ​ത്തി​ന്റെ വിശദീ​ക​രണം” എന്നതും കാണുക.) (ബി) ഈ ലേഖന​ത്തിൽ നമ്മൾ എന്തു ചർച്ച ചെയ്യും, ഈ വീക്ഷാ​ഗോ​പു​ര​ത്തി​ലെ മറ്റു ലേഖന​ങ്ങ​ളിൽ നമ്മൾ എന്തായി​രി​ക്കും പഠിക്കു​ന്നത്‌? (ഈ ലക്കത്തിലെ “വായന​ക്കാർക്കുള്ള കുറിപ്പ്‌” എന്നതും കാണുക.)

 യഹോവ നിങ്ങളെ എത്രമാ​ത്രം സ്‌നേ​ഹി​ക്കു​ന്നുണ്ട്‌? അത്‌ അറിയാ​നുള്ള ഒരു വഴി പാപത്തിൽനി​ന്നും മരണത്തിൽനി​ന്നും നിങ്ങളെ രക്ഷിക്കാൻ യഹോവ എന്തു ചെയ്‌തെന്നു പഠിക്കു​ന്ന​താണ്‌. പാപം a ഒരു ഭീകര​ശ​ത്രു​വാണ്‌. ആ ശത്രു​വി​നെ നമുക്ക്‌ ഒറ്റയ്‌ക്കു ജയിച്ച​ട​ക്കാ​നാ​കില്ല. നമ്മളെ​ല്ലാം ദിവസ​വും പാപം ചെയ്യുന്നു. പാപി​ക​ളാ​യ​തു​കൊ​ണ്ടു​തന്നെ നമ്മൾ മരിക്കു​ക​യും ചെയ്യുന്നു. (റോമ. 5:12) എന്നാൽ ഒരു സന്തോ​ഷ​വാർത്ത​യുണ്ട്‌: യഹോ​വ​യു​ടെ സഹായ​ത്താൽ പാപത്തെ നമുക്കു ജയിക്കാ​നാ​കും; അത്‌ ഉറപ്പാണ്‌!

² കഴിഞ്ഞ 6,000-ത്തോളം വർഷമാ​യി പാപ​ത്തോ​ടു പോരാ​ടാൻ യഹോവ മനുഷ്യ​രെ സഹായി​ക്കു​ന്നു. കാരണം യഹോ​വ​യ്‌ക്കു നമ്മളോട്‌ അത്രമാ​ത്രം സ്‌നേ​ഹ​മുണ്ട്‌. മനുഷ്യ​രെ സൃഷ്ടി​ച്ച​പ്പോൾമു​തൽ ഉള്ളതാണ്‌ ആ സ്‌നേഹം. അതു​കൊണ്ട്‌ പാപി​ക​ളായ മനുഷ്യ​രെ സഹായി​ക്കാ​നാ​യി യഹോവ പലതും ചെയ്‌തി​രി​ക്കു​ന്നു. പാപി​ക​ളാ​യ​തു​കൊണ്ട്‌ നമ്മൾ മരിക്കു​മെന്ന്‌ യഹോ​വ​യ്‌ക്ക്‌ അറിയാം. പക്ഷേ നമ്മൾ എന്നെന്നും ജീവി​ക്കാ​നാണ്‌ യഹോവ ആഗ്രഹി​ക്കു​ന്നത്‌. (റോമ. 6:23) ഈ ലേഖന​ത്തിൽ പ്രധാ​ന​മാ​യും മൂന്നു ചോദ്യ​ങ്ങ​ളു​ടെ ഉത്തരം നമ്മൾ കാണും: (1) പാപി​ക​ളായ മനുഷ്യർക്ക്‌ യഹോവ എന്തു പ്രത്യാ​ശ​യാ​ണു നൽകി​യി​രി​ക്കു​ന്നത്‌? (2) ബൈബിൾക്കാ​ല​ങ്ങ​ളിൽ എങ്ങനെ​യാ​ണു പാപി​ക​ളായ മനുഷ്യർ യഹോ​വ​യു​ടെ പ്രീതി നേടി​യത്‌? (3) പാപത്തിൽനി​ന്നും മരണത്തിൽനി​ന്നും മനുഷ്യ​രെ രക്ഷിക്കാൻ യേശു എന്താണു ചെയ്‌തത്‌?

 പാപി​ക​ളായ മനുഷ്യർക്ക്‌ യഹോവ എന്തു പ്രത്യാ​ശ​യാ​ണു നൽകി​യി​രി​ക്കു​ന്നത്‌?

3. ആദ്യമ​നു​ഷ്യർ പാപി​ക​ളാ​യി​ത്തീർന്നത്‌ എങ്ങനെ?

³ ആദ്യമ​നു​ഷ്യ​രെ സൃഷ്ടി​ച്ച​പ്പോൾ അവർ സന്തോ​ഷ​ത്തോ​ടെ ജീവി​ക്കണം എന്നതാ​യി​രു​ന്നു യഹോ​വ​യു​ടെ ആഗ്രഹം. അതിനു​വേണ്ടി യഹോവ അവർക്കു താമസി​ക്കാൻ മനോ​ഹ​ര​മായ ഒരു സ്ഥലം നൽകി; വിവാ​ഹ​ക്ര​മീ​ക​രണം ചെയ്‌തു; സന്തോ​ഷ​വും സംതൃ​പ്‌തി​യും നൽകുന്ന ഒരു നിയമ​ന​വും കൊടു​ത്തു. അവർ തങ്ങളുടെ മക്കളെ​ക്കൊണ്ട്‌ ഭൂമി നിറയ്‌ക്കു​ക​യും മുഴു​ഭൂ​മി​യും ഏദെൻ തോട്ടം​പോ​ലുള്ള ഒരു പറുദീ​സ​യാ​ക്കു​ക​യും ചെയ്യണ​മാ​യി​രു​ന്നു. ദൈവം അവർക്കു ലളിത​മായ ഒരു കല്പന മാത്രമേ നൽകി​യു​ള്ളൂ. അത്‌ അനുസ​രി​ക്കാ​തി​രു​ന്നാൽ മരിക്കു​മെന്നു ദൈവം അവർക്കു മുന്നറി​യി​പ്പു കൊടു​ക്കു​ക​യും ചെയ്‌തു. തുടർന്ന്‌ എന്താണ്‌ ഉണ്ടായ​തെന്നു നമുക്ക്‌ അറിയാം. ദൈവ​ത്തോ​ടും മനുഷ്യ​രോ​ടും സ്‌നേ​ഹ​മി​ല്ലാത്ത ഒരു ദുഷ്ടദൂ​തൻ ദൈവ​ത്തോട്‌ അനുസ​ര​ണ​ക്കേടു കാണി​ക്കാൻ ആദാമി​നെ​യും ഹവ്വയെ​യും പ്രേരി​പ്പി​ച്ചു. സാത്താൻ ആഗ്രഹി​ച്ച​തു​പോ​ലെ അവർ പ്രവർത്തി​ച്ചു. തങ്ങളെ ഒരുപാ​ടു സ്‌നേ​ഹി​ക്കുന്ന പിതാ​വി​നെ അവർ വിശ്വ​സി​ച്ചില്ല. അവർ അനുസ​ര​ണ​ക്കേടു കാണിച്ചു. അവസാനം യഹോവ പറഞ്ഞതു​പോ​ലെ​തന്നെ സംഭവി​ച്ചു. അന്നുമു​തൽ അവർ തങ്ങളുടെ തെറ്റിന്റെ ഭവിഷ്യ​ത്തു​കൾ അനുഭ​വി​ക്കാൻതു​ടങ്ങി: അവർ വാർധ​ക്യം പ്രാപി​ക്കാൻതു​ടങ്ങി, ഒടുവിൽ മരിക്കു​ക​യും ചെയ്‌തു.—ഉൽപ. 1:28, 29; 2:8, 9, 16-18; 3:1-6, 17-19, 24; 5:5.

4. യഹോവ പാപത്തെ വെറു​ക്കു​ക​യും അതിന്‌ എതിരെ പോരാ​ടാൻ നമ്മളെ സഹായി​ക്കു​ക​യും ചെയ്യു​ന്നത്‌ എന്തു​കൊ​ണ്ടാണ്‌? (റോമർ 8:20, 21)

⁴ ഏദെൻ തോട്ട​ത്തിൽ സംഭവിച്ച കാര്യങ്ങൾ നമ്മുടെ പ്രയോ​ജ​ന​ത്തി​നാ​യി ബൈബി​ളിൽ രേഖ​പ്പെ​ടു​ത്താൻ യഹോവ ഇടയാക്കി. യഹോവ പാപത്തെ ഇത്രമാ​ത്രം വെറു​ക്കു​ന്നത്‌ എന്തു​കൊ​ണ്ടെന്നു മനസ്സി​ലാ​ക്കാൻ ആ വിവരണം സഹായി​ക്കു​ന്നു. പാപം ദൈവ​ത്തിൽനിന്ന്‌ നമ്മളെ അകറ്റു​ക​യും മരണത്തിന്‌ ഇടയാ​ക്കു​ക​യും ചെയ്യുന്നു. (യശ. 59:2) അത്‌ അറിയാ​വു​ന്ന​തു​കൊ​ണ്ടാ​ണു ധിക്കാ​രി​യായ ആ ദുഷ്ടദൂ​തൻ പാപം ചെയ്യാൻ ആളുകളെ പ്രലോ​ഭി​പ്പി​ച്ചു​കൊ​ണ്ടി​രി​ക്കു​ന്നത്‌. ആദാമി​നെ​യും ഹവ്വയെ​യും പാപത്തി​ലേക്കു നയിച്ച​തി​ലൂ​ടെ മനുഷ്യ​നെ​ക്കു​റി​ച്ചുള്ള യഹോ​വ​യു​ടെ ഉദ്ദേശ്യം തകിടം​മ​റി​ക്കാൻ കഴി​ഞ്ഞെ​ന്നാ​യി​രി​ക്കാം സാത്താൻ ചിന്തി​ച്ചത്‌. എന്നാൽ യഹോവ എത്രയ​ധി​കം സ്‌നേ​ഹ​മു​ള്ള​വ​നാ​ണെന്ന കാര്യം സാത്താൻ തിരി​ച്ച​റി​യാ​തെ​പോ​യി. ആദാമും ഹവ്വയും തെറ്റു ചെയ്‌തെ​ങ്കി​ലും അവരുടെ മക്കളെ​ക്കു​റി​ച്ചുള്ള തന്റെ ഉദ്ദേശ്യ​ത്തിന്‌ യഹോവ ഒരിക്ക​ലും മാറ്റം വരുത്തി​യില്ല. മനുഷ്യ​കു​ടും​ബത്തെ സ്‌നേ​ഹി​ക്കു​ന്ന​തു​കൊണ്ട്‌ പെട്ടെ​ന്നു​തന്നെ യഹോവ അവർക്കു പ്രത്യാ​ശ​യ്‌ക്കുള്ള ഒരു വഴി തുറന്നു. (റോമർ 8:20, 21 വായി​ക്കുക.) ഭാവി​യിൽ ആദാമി​ന്റെ മക്കളിൽ ചിലർ, തന്നെ സ്‌നേ​ഹി​ക്കാ​നും അനുസ​രി​ക്കാ​നും തീരു​മാ​നി​ക്കു​മെന്ന്‌ യഹോ​വ​യ്‌ക്ക്‌ അറിയാ​മാ​യി​രു​ന്നു. അതു​കൊണ്ട്‌ അവർക്കു തന്നോടു കൂടുതൽ അടുക്കാ​നും പാപത്തിൽനി​ന്നും മരണത്തിൽനി​ന്നും അവരെ മോചി​പ്പി​ക്കാ​നും ഉള്ള ക്രമീ​ക​രണം യഹോവ ചെയ്‌തു. എന്തായി​രു​ന്നു അത്‌?

5. പാപി​ക​ളായ മനുഷ്യർക്കു​ളള പ്രത്യാ​ശ​യു​ടെ കിരണങ്ങൾ യഹോവ ആദ്യമാ​യി നൽകി​യത്‌ എപ്പോ​ഴാണ്‌? വിശദീ​ക​രി​ക്കുക. (ഉൽപത്തി 3:15)

⁵ ഉൽപത്തി 3:15 വായി​ക്കുക. സാത്താന്‌ എതി​രെ​യുള്ള ന്യായ​വി​ധി പ്രഖ്യാ​പി​ച്ച​തി​ലൂ​ടെ യഹോവ പ്രത്യാ​ശ​യു​ടെ ആദ്യകി​ര​ണങ്ങൾ നൽകി. ഒരു ‘സന്തതി​യി​ലൂ​ടെ​യാ​യി​രി​ക്കും’ അതു വരുന്ന​തെന്നു ദൈവം മുൻകൂ​ട്ടി​പ്പ​റഞ്ഞു. ആ സന്തതി അവസാനം സാത്താന്റെ തല തകർക്കു​ക​യും ഏദെനിൽ ഉണ്ടായ എല്ലാ പ്രശ്‌ന​ങ്ങ​ളും പരിഹ​രി​ക്കു​ക​യും ചെയ്യും. (1 യോഹ. 3:8) എന്നാൽ ആ സന്തതിക്കു കഷ്ടങ്ങൾ സഹി​ക്കേ​ണ്ടി​വ​രു​മാ​യി​രു​ന്നു. സാത്താൻ ആ സന്തതി​യു​ടെ ഉപ്പൂറ്റി ചതയ്‌ക്കു​മെന്ന്‌, അതായത്‌ ആ സന്തതി മരിക്കാൻ ഇടയാ​ക്കു​മെന്ന്‌, പ്രവച​ന​ത്തിൽ പറഞ്ഞു. അത്‌ യഹോ​വയെ ഒരുപാ​ടു വേദനി​പ്പി​ക്കു​മാ​യി​രു​ന്നു. എന്നാൽ മനുഷ്യ​കു​ടും​ബത്തെ പാപത്തിൽനി​ന്നും മരണത്തിൽനി​ന്നും രക്ഷിക്കു​ന്ന​തിന്‌ ആ വേദന സഹിക്കാൻ യഹോവ തയ്യാറാ​യി.

ബൈബിൾക്കാ​ല​ങ്ങ​ളിൽ എങ്ങനെ​യാ​ണു പാപി​ക​ളായ മനുഷ്യർ യഹോ​വ​യു​ടെ പ്രീതി നേടി​യത്‌?

6. വിശ്വാ​സ​ത്തി​ന്റെ മാതൃ​ക​ക​ളായ ഹാബേ​ലി​നെ​യും നോഹ​യെ​യും പോലു​ള്ളവർ യഹോ​വ​യോ​ടു കൂടുതൽ അടുക്കാൻ എന്തു ചെയ്‌തു?

⁶ പാപി​ക​ളായ മനുഷ്യർക്ക്‌ എങ്ങനെ താനു​മാ​യി നല്ലൊരു ബന്ധത്തി​ലേക്കു വരാനാ​കു​മെന്ന്‌, പിന്നീ​ടുള്ള നൂറ്റാ​ണ്ടു​ക​ളിൽ യഹോവ പടിപ​ടി​യാ​യി വെളി​പ്പെ​ടു​ത്തി. ഏദെനി​ലെ ആ സംഭവ​ത്തി​നു ശേഷം യഹോ​വ​യിൽ വിശ്വാ​സ​മർപ്പിച്ച ആദ്യത്തെ മനുഷ്യ​നാ​യി​രു​ന്നു ഹാബേൽ—ആദാമി​ന്റെ​യും ഹവ്വയു​ടെ​യും രണ്ടാമത്തെ മകൻ. ഹാബേൽ യഹോ​വയെ  സ്‌നേ​ഹി​ച്ച​തു​കൊ​ണ്ടും യഹോ​വയെ സന്തോ​ഷി​പ്പി​ക്കാ​നും ദൈവ​ത്തോ​ടു കൂടുതൽ അടുക്കാ​നും ആഗ്രഹി​ച്ച​തു​കൊ​ണ്ടും ദൈവ​ത്തിന്‌ ഒരു ബലി അർപ്പിച്ചു. അദ്ദേഹം ഒരു ഇടയനാ​യി​രു​ന്നു. അതു​കൊണ്ട്‌ തന്റെ ആട്ടിൻപ​റ്റ​ത്തി​ലെ കടിഞ്ഞൂ​ലു​ക​ളിൽ ചിലതി​നെ​യാണ്‌ അദ്ദേഹം ബലി അർപ്പി​ച്ചത്‌. യഹോവ ആ ബലിയെ എങ്ങനെ കണ്ടു? “യഹോവ ഹാബേ​ലി​ലും ഹാബേ​ലി​ന്റെ യാഗത്തി​ലും പ്രസാ​ദി​ച്ചു.” (ഉൽപ. 4:4) തന്നെ സ്‌നേ​ഹി​ക്കു​ക​യും വിശ്വ​സി​ക്കു​ക​യും ചെയ്‌ത നോഹ​യെ​പ്പോ​ലുള്ള മറ്റുള്ള​വ​രു​ടെ ബലിക​ളി​ലും യഹോവ പ്രസാ​ദി​ച്ചു. (ഉൽപ. 8:20, 21) അങ്ങനെ ചെയ്‌ത​തി​ലൂ​ടെ പാപി​ക​ളായ മനുഷ്യർക്കു തന്റെ പ്രീതി നേടാ​നും തന്നോടു കൂടുതൽ അടുക്കാ​നും കഴിയു​മെന്ന്‌ യഹോവ തെളി​യി​ക്കു​ക​യാ​യി​രു​ന്നു. b

7. സ്വന്തം മകനെ ബലിയാ​യി നൽകാൻ തയ്യാറായ അബ്രാ​ഹാ​മി​ന്റെ മാതൃ​ക​യിൽനിന്ന്‌ നമ്മൾ എന്താണു പഠിക്കു​ന്നത്‌?

⁷ യഹോ​വ​യിൽ ശക്തമായ വിശ്വാ​സ​മുള്ള ഒരാളാ​യി​രു​ന്നു അബ്രാ​ഹാം. യഹോവ അദ്ദേഹ​ത്തോ​ടു വളരെ ബുദ്ധി​മു​ട്ടുള്ള ഒരു കാര്യം ചെയ്യാൻ ആവശ്യ​പ്പെട്ടു: സ്വന്തം മകനായ യിസ്‌ഹാ​ക്കി​നെ ബലി അർപ്പി​ക്കാൻ. ആ സമയത്ത്‌ അബ്രാ​ഹാ​മിന്‌ ഉണ്ടായ വേദന ചിന്തി​ക്കാ​വു​ന്ന​തി​നും അപ്പുറ​മാ​യി​രു​ന്നു. എന്നിട്ടും അത്‌ അനുസ​രി​ക്കാൻ അദ്ദേഹം തയ്യാറാ​യി. എന്നാൽ മകനെ ബലി അർപ്പി​ക്കു​ന്ന​തി​നു തൊട്ടു​മുമ്പ്‌ ദൈവം അദ്ദേഹത്തെ തടഞ്ഞു. എങ്കിലും അബ്രാ​ഹാം ചെയ്‌ത ആ കാര്യം വിശ്വാ​സ​മുള്ള എല്ലാവ​രെ​യും ഒരു വലിയ സത്യം പഠിപ്പി​ക്കു​ന്നു: യഹോ​വ​യും തന്റെ പ്രിയ​മ​കനെ മനസ്സോ​ടെ ഒരു ബലിയാ​യി നൽകാൻ തയ്യാറാ​കും. അത്ര വലുതാണ്‌ യഹോ​വ​യ്‌ക്കു മനുഷ്യ​രോ​ടുള്ള സ്‌നേഹം!—ഉൽപ. 22:1-18.

8. ഇസ്രാ​യേ​ല്യർക്കു ദൈവം കൊടുത്ത നിയമ​ത്തി​ലെ ബലികൾ എന്തി​നെ​യാ​ണു സൂചി​പ്പി​ച്ചത്‌? (ലേവ്യ 4:27-29; 17:11)

⁸ നൂറ്റാ​ണ്ടു​കൾക്കു ശേഷം യഹോവ ഇസ്രാ​യേൽ ജനതയ്‌ക്കു നിയമം കൊടു​ത്ത​പ്പോൾ പാപപ​രി​ഹാ​ര​ത്തി​നാ​യി മൃഗബ​ലി​കൾ അർപ്പി​ക്കാൻ ആവശ്യ​പ്പെട്ടു. (ലേവ്യ 4:27-29; 17:11 വായി​ക്കുക.) ആ ബലിക​ളെ​ല്ലാം സൂചി​പ്പി​ച്ചത്‌, മനുഷ്യ​കു​ലത്തെ പാപത്തിൽനിന്ന്‌ പൂർണ​മാ​യി മോചി​പ്പി​ക്കാൻ യഹോവ മഹത്തായ ഒരു ബലി നൽകു​മെ​ന്നാണ്‌. വാഗ്‌ദാ​നം ചെയ്‌ത സന്തതി കഷ്ടങ്ങൾ സഹിച്ച്‌ മരിക്കു​മെന്ന്‌ എഴുതാൻ ദൈവം തന്റെ പ്രവാ​ച​ക​ന്മാ​രെ പ്രചോ​ദി​പ്പി​ച്ചു. ബലി അർപ്പി​ക്ക​പ്പെ​ടുന്ന ഒരു ആടി​നെ​പ്പോ​ലെ ദൈവ​ത്തി​ന്റെ ആ പ്രിയ​മകൻ മരി​ക്കേ​ണ്ടി​വ​രു​മാ​യി​രു​ന്നു. (യശ. 53:1-12) അതെക്കു​റിച്ച്‌ ഒന്നു ചിന്തി​ക്കുക: മനുഷ്യ​കു​ലത്തെ അതായത്‌, നമ്മളെ ഓരോ​രു​ത്ത​രെ​യും പാപത്തിൽനി​ന്നും മരണത്തിൽനി​ന്നും രക്ഷിക്കാൻ യഹോവ തന്റെ പ്രിയ​മ​ക​നെ​യാണ്‌ ഒരു ബലിയാ​യി നൽകി​യത്‌!

മനുഷ്യ​രെ രക്ഷിക്കാൻ യേശു എന്താണു ചെയ്‌തത്‌?

9. സ്‌നാ​പ​ക​യോ​ഹ​ന്നാൻ യേശു​വി​നെ​ക്കു​റിച്ച്‌ എന്താണു പറഞ്ഞത്‌? (എബ്രായർ 9:22; 10:1-4, 12)

⁹ ഒന്നാം നൂറ്റാ​ണ്ടിൽ ദൈവ​ത്തി​ന്റെ ദാസനായ സ്‌നാ​പ​ക​യോ​ഹ​ന്നാൻ നസറെ​ത്തിൽനി​ന്നുള്ള യേശു​വി​നെ​ക്കു​റിച്ച്‌ പറഞ്ഞു: “ഇതാ, ലോക​ത്തി​ന്റെ പാപം നീക്കി​ക്ക​ള​യുന്ന ദൈവ​ത്തി​ന്റെ കുഞ്ഞാട്‌!” (യോഹ. 1:29) ദൈവ​പ്ര​ചോ​ദി​ത​മാ​യി പറഞ്ഞ ആ വാക്കുകൾ ദൈവം വാഗ്‌ദാ​നം ചെയ്‌ത സന്തതി യേശു​വാ​ണെന്നു തിരി​ച്ച​റി​യാൻ സഹായി​ച്ചു. യേശു തന്റെ ജീവൻ ഒരു ബലിയാ​യി നൽകു​മാ​യി​രു​ന്നു. അതിലൂ​ടെ മനുഷ്യർക്കു പാപത്തിൽനിന്ന്‌ പൂർണ​മായ ഒരു മോചനം സാധ്യ​മാ​കും.—എബ്രായർ 9:22; 10:1-4, 12 വായി​ക്കുക.

10. പാപി​കളെ “വിളി​ക്കാ​നാണ്‌” താൻ വന്നതെന്നു യേശു എങ്ങനെ​യാ​ണു തെളി​യി​ച്ചത്‌?

¹⁰ മനുഷ്യ​ന്റെ കഷ്ടപ്പാ​ടു​കൾക്കുള്ള യഥാർഥ​കാ​രണം പാപമാ​ണെന്നു യേശു​വിന്‌ അറിയാ​മാ​യി​രു​ന്നു. അതു​കൊണ്ട്‌ പാപഭാ​ര​ത്താൽ മനസ്സു നീറി കഴിയു​ന്ന​വർക്കു യേശു പ്രത്യേ​ക​ശ്രദ്ധ കൊടു​ത്തു, തന്റെ അനുഗാ​മി​ക​ളാ​കാൻ അവരെ ക്ഷണിച്ചു. സമൂഹം പാപി​ക​ളാ​യി കണ്ടിരുന്ന ആളുക​ളു​ടെ അടു​ത്തേക്കു യേശു ചെന്നു. താൻ അങ്ങനെ ചെയ്യു​ന്ന​തി​ന്റെ കാരണം ഒരു ദൃഷ്ടാ​ന്ത​ത്തി​ലൂ​ടെ യേശു വിശദീ​ക​രി​ക്കു​ക​യും ചെയ്‌തു. യേശു പറഞ്ഞു: “ആരോ​ഗ്യ​മു​ള്ള​വർക്കല്ല, രോഗി​കൾക്കാ​ണു വൈദ്യ​നെ ആവശ്യം. . . . നീതി​മാ​ന്മാ​രെയല്ല, പാപി​കളെ വിളി​ക്കാ​നാ​ണു ഞാൻ വന്നത്‌.” (മത്താ. 9:12, 13) അതുത​ന്നെ​യാ​ണു യേശു ചെയ്‌ത​തും. കണ്ണീരു​കൊണ്ട്‌ തന്റെ പാദങ്ങൾ കഴുകിയ ആ സ്‌ത്രീ​യോ​ടു യേശു സ്‌നേ​ഹ​ത്തോ​ടെ സംസാ​രി​ച്ചു. അവളുടെ പാപങ്ങൾ ക്ഷമിച്ചു. (ലൂക്കോ. 7:37-50) അധാർമി​ക​ജീ​വി​തം നയിക്കു​ന്ന​വ​ളാ​ണെന്ന്‌ അറിഞ്ഞി​ട്ടും കിണറ്റിൻക​ര​യിൽ കണ്ട ശമര്യ​ക്കാ​രി സ്‌ത്രീ​യെ യേശു പ്രധാ​ന​പ്പെട്ട സത്യങ്ങൾ പഠിപ്പി​ച്ചു. (യോഹ. 4:7, 17-19, 25, 26) പാപത്തി​ന്റെ ഫലമായ മരണത്തെ നീക്കാൻപോ​ലു​മുള്ള  ശക്തി യഹോവ യേശു​വി​നു നൽകി. അതു​കൊ​ണ്ടാണ്‌ യേശു​വി​നു മരിച്ച​വരെ ഉയിർപ്പി​ക്കാൻ കഴിഞ്ഞത്‌. അതിൽ പുരു​ഷ​നും സ്‌ത്രീ​യും, കുട്ടി​യും മുതിർന്ന ആളും ഒക്കെ ഉണ്ടായി​രു​ന്നു.—മത്താ. 11:5.

11. പാപി​ക​ളായ ആളുകൾപോ​ലും യേശു​വി​ന്റെ കൂടെ​യാ​യി​രി​ക്കാൻ ഇഷ്ടപ്പെ​ട്ടത്‌ എന്തു​കൊണ്ട്‌?

¹¹ വളരെ മോശ​മായ ജീവിതം നയിച്ചി​രു​ന്ന​വർപോ​ലും യേശു​വി​ന്റെ കൂടെ​യാ​യി​രി​ക്കാൻ ഇഷ്ടപ്പെ​ട്ടത്‌ എന്തു​കൊ​ണ്ടാണ്‌? കാരണം യേശു അവരോട്‌ അനുക​മ്പ​യും സഹാനു​ഭൂ​തി​യും കാണിച്ചു. അതു​കൊണ്ട്‌ യേശു​വി​നോട്‌ അടുക്കാൻ അവർക്കു പേടി തോന്നി​യില്ല. (ലൂക്കോ. 15:1, 2) തന്നിൽ വിശ്വ​സിച്ച അത്തരം ആളുകളെ യേശു അഭിന​ന്ദി​ച്ചു, അവരോ​ടു ദയയോ​ടെ ഇടപെട്ടു. (ലൂക്കോ. 19:1-10) തന്റെ പിതാവ്‌ എത്ര കരുണ​യു​ള്ള​വ​നാ​ണെന്നു യേശു കാണിച്ചു. (യോഹ. 14:9) അനുക​മ്പ​യുള്ള തന്റെ പിതാവ്‌ പാപി​കളെ സ്‌നേ​ഹി​ക്കു​ന്നെ​ന്നും അവരെ സഹായി​ക്കാൻ ആഗ്രഹി​ക്കു​ന്നെ​ന്നും യേശു തന്റെ വാക്കി​ലൂ​ടെ​യും പ്രവൃ​ത്തി​യി​ലൂ​ടെ​യും തെളി​യി​ച്ചു. ജീവി​ത​ത്തിൽ മാറ്റങ്ങൾ വരുത്തി തന്നെ അനുഗ​മി​ക്കാൻ യേശു പാപി​കളെ സഹായി​ച്ചു.—ലൂക്കോ. 5:27, 28.

12. തന്റെ മരണ​ത്തെ​ക്കു​റിച്ച്‌ യേശു അനുഗാ​മി​ക​ളോട്‌ എന്താണു പറഞ്ഞത്‌?

¹² തനിക്ക്‌ എന്താണു സംഭവി​ക്കാൻപോ​കു​ന്ന​തെന്നു യേശു​വി​നു കൃത്യ​മാ​യി അറിയാ​മാ​യി​രു​ന്നു. തന്നെ ഒറ്റി​ക്കൊ​ടു​ക്കു​മെ​ന്നും സ്‌തം​ഭ​ത്തി​ലേറ്റി കൊല്ലു​മെ​ന്നും ഒന്നില​ധി​കം തവണ യേശു തന്റെ അനുഗാ​മി​ക​ളോ​ടു പറഞ്ഞു. (മത്താ. 17:22; 20:18, 19) സ്‌നാ​പ​ക​യോ​ഹ​ന്നാ​നും പ്രവാ​ച​ക​ന്മാ​രും പറഞ്ഞി​രു​ന്ന​തു​പോ​ലെ തന്റെ ബലിമ​രണം ലോക​ത്തി​ന്റെ പാപം നീക്കി​ക്ക​ള​യു​മെന്നു യേശു​വിന്‌ അറിയാ​മാ​യി​രു​ന്നു. തന്റെ മരണ​ശേഷം താൻ “എല്ലാ തരം മനുഷ്യ​രെ​യും” തന്നി​ലേക്ക്‌ “ആകർഷി​ക്കും” എന്നും യേശു പഠിപ്പി​ച്ചു. (യോഹ. 12:32) യേശു​വിൽ വിശ്വ​സി​ക്കു​ക​യും യേശു​വി​നെ അനുക​രി​ക്കാൻ ശ്രമി​ക്കു​ക​യും ചെയ്യു​ന്ന​വർക്ക്‌ യഹോ​വയെ സന്തോ​ഷി​പ്പി​ക്കാ​നാ​കും. അങ്ങനെ ചെയ്യു​മ്പോൾ  അവർക്ക്‌ ഒടുവിൽ ‘പാപത്തിൽനി​ന്നുള്ള സ്വാത​ന്ത്ര്യം’ കിട്ടും. (റോമ. 6:14, 18, 22; യോഹ. 8:32) അതു​കൊ​ണ്ടാണ്‌ യേശു നമ്മളെ രക്ഷിക്കാ​നാ​യി മനസ്സോ​ടെ​യും ധൈര്യ​ത്തോ​ടെ​യും ക്രൂര​മായ മരണത്തി​നു വിധേ​യ​നാ​യത്‌.—യോഹ. 10:17, 18.

13. യേശു എങ്ങനെ​യാ​ണു മരിച്ചത്‌, ആ മരണം ദൈവ​മായ യഹോ​വ​യെ​ക്കു​റിച്ച്‌ നമ്മളെ എന്തു പഠിപ്പി​ക്കു​ന്നു? (ചിത്ര​വും കാണുക.)

¹³ ശത്രുക്കൾ യേശു​വി​നെ ഒറ്റി​ക്കൊ​ടു​ത്തു, അറസ്റ്റു ചെയ്‌തു, പരിഹ​സി​ച്ചു. യേശു​വി​നെ​ക്കു​റിച്ച്‌ അപവാദം പറഞ്ഞു, കൂടാതെ വധശി​ക്ഷ​യ്‌ക്കു വിധി​ക്കു​ക​യും ഉപദ്ര​വി​ക്കു​ക​യും ചെയ്‌തു. അവസാനം പടയാ​ളി​കൾ യേശു​വി​നെ, വധശിക്ഷ നടപ്പാ​ക്കാ​നുള്ള സ്ഥലത്തേക്കു കൊണ്ടു​പോ​യിട്ട്‌ ഒരു സ്‌തം​ഭ​ത്തിൽ തറച്ചു. യേശു വിശ്വ​സ്‌ത​നാ​യി ആ വേദന​ക​ളെ​ല്ലാം സഹിക്കുന്ന സമയത്ത്‌ അതി​നെ​ക്കാൾ വേദന അനുഭ​വിച്ച മറ്റൊരു വ്യക്തി​യു​ണ്ടാ​യി​രു​ന്നു. അതു ദൈവ​മായ യഹോ​വ​യാ​യി​രു​ന്നു. യഹോ​വ​യ്‌ക്കു വേണ​മെ​ങ്കിൽ തന്റെ ശക്തി ഉപയോ​ഗിച്ച്‌ അതൊക്കെ തടയാ​മാ​യി​രു​ന്നു. പക്ഷേ അങ്ങനെ ചെയ്‌തില്ല. എന്തു​കൊണ്ട്‌? യഹോ​വ​യ്‌ക്കു നമ്മളോ​ടു സ്‌നേ​ഹ​മു​ള്ള​തു​കൊണ്ട്‌. യേശു പറഞ്ഞു: “തന്റെ ഏകജാ​ത​നായ മകനിൽ വിശ്വ​സി​ക്കുന്ന ആരും നശിച്ചു​പോ​കാ​തെ അവരെ​ല്ലാം നിത്യ​ജീ​വൻ നേടാൻ ദൈവം അവനെ ലോക​ത്തി​നു​വേണ്ടി നൽകി. അത്ര വലുതാ​യി​രു​ന്നു ദൈവ​ത്തി​നു ലോക​ത്തോ​ടുള്ള സ്‌നേഹം.”—യോഹ. 3:16.

14. യേശു​വി​ന്റെ ബലിമ​രണം എന്തിന്റെ തെളി​വാണ്‌?

¹⁴ ആദാമി​ന്റെ​യും ഹവ്വയു​ടെ​യും മക്കളെ യഹോവ എത്രമാ​ത്രം സ്‌നേ​ഹി​ക്കു​ന്നു എന്നതിന്റെ ഏറ്റവും വലിയ തെളി​വാ​ണു യേശു​വി​ന്റെ ബലിമ​രണം. നമ്മളെ ഓരോ​രു​ത്ത​രെ​യും യഹോവ ഒരുപാ​ടു സ്‌നേ​ഹി​ക്കു​ന്നു എന്നാണ്‌ അതു കാണി​ക്കു​ന്നത്‌. പാപത്തിൽനി​ന്നും മരണത്തിൽനി​ന്നും നമ്മളെ രക്ഷിക്കാ​നാ​യി, അങ്ങേയറ്റം വേദന സഹിച്ചി​ട്ടാ​ണെ​ങ്കി​ലും തന്റെ പ്രിയ​മ​കനെ ബലിയാ​യി നൽകാൻ യഹോവ തയ്യാറാ​യി. (1 യോഹ. 4:9, 10) പാപത്തിന്‌ എതിരെ പോരാ​ടാൻ നമ്മളെ ഓരോ​രു​ത്ത​രെ​യും സഹായി​ക്കാ​നും നമ്മൾ പാപത്തി​ന്മേൽ ജയം നേടാ​നും യഹോവ ആഗ്രഹി​ക്കു​ന്നു.

15. യേശു​വി​ന്റെ മോച​ന​വി​ല​യിൽനിന്ന്‌ പ്രയോ​ജനം നേടാൻ നമ്മൾ എന്തു ചെയ്യണം?

¹⁵ തന്റെ ഏകജാ​ത​നായ മകനെ ഒരു മോച​ന​വി​ല​യാ​യി നൽകി​യതു ദൈവ​ത്തിൽനി​ന്നുള്ള വലി​യൊ​രു സമ്മാന​മാണ്‌. അതിലൂ​ടെ നമ്മുടെ പാപങ്ങൾക്കുള്ള ക്ഷമ സാധ്യ​മാ​കു​ന്നു. എന്നാൽ ദൈവ​ത്തിൽനി​ന്നുള്ള ക്ഷമ ലഭിക്കാൻ നമ്മൾ എന്തു ചെയ്യണം? അതിനുള്ള ഉത്തരം സ്‌നാ​പ​ക​യോ​ഹ​ന്നാ​നും പിന്നീട്‌ യേശു​വും നൽകി: “സ്വർഗ​രാ​ജ്യം സമീപി​ച്ചി​രി​ക്കു​ന്നു. അതു​കൊണ്ട്‌ മാനസാ​ന്ത​ര​പ്പെ​ടുക.” (മത്താ. 3:1, 2; 4:17) പാപ​ത്തോ​ടു പോരാ​ടാ​നും സ്വർഗീ​യ​പി​താ​വി​നോ​ടു കൂടുതൽ അടുക്കാ​നും ആഗ്രഹി​ക്കു​ന്നു​ണ്ടെ​ങ്കിൽ നമ്മൾ മാനസാ​ന്ത​ര​പ്പെട്ടേ മതിയാ​കൂ. എന്നാൽ മാനസാ​ന്ത​ര​പ്പെ​ടുക അല്ലെങ്കിൽ, പശ്ചാത്ത​പി​ക്കുക എന്നാൽ എന്താണ്‌ അർഥം? ഇനി, നമ്മൾ പാപി​ക​ളാ​യി​രി​ക്കു​മ്പോൾത്തന്നെ യഹോ​വയെ സന്തോ​ഷി​പ്പി​ക്കാൻ അത്‌ എങ്ങനെ സഹായി​ക്കും? അടുത്ത ലേഖന​ത്തിൽ അതിനുള്ള ഉത്തരം കാണാം.