സ്വയരക്ഷയ്‌ക്കുവേണ്ടിയുള്ള ന്യായ​മായ നടപടി​കൾ ഒരു ക്രിസ്‌ത്യാ​നി സ്വീക​രി​ക്കു​മെ​ങ്കി​ലും അത്‌ എപ്പോ​ഴും ബൈബിൾത​ത്ത്വ​ങ്ങൾക്കു​ള്ളിൽനി​ന്നു​കൊണ്ട് ആയിരി​ക്കും. മറ്റു മനുഷ്യ​രു​ടെ ആക്രമണം നേരി​ടാ​നാ​യി കൈ​ത്തോ​ക്കോ റൈഫി​ളോ പോലുള്ള മാരക​മായ ആയുധങ്ങൾ ഉപയോ​ഗി​ക്കു​ന്നതു ബൈബിൾത​ത്ത്വ​ങ്ങ​ള​നു​സ​രിച്ച് തെറ്റാണ്‌. അങ്ങനെ​യുള്ള ചില തത്ത്വങ്ങൾ നമുക്കു നോക്കാം.

യഹോ​വ​യു​ടെ വീക്ഷണ​ത്തിൽ ജീവൻ, പ്രത്യേ​കിച്ച് മനുഷ്യ​ജീ​വൻ, പാവന​മാണ്‌. യഹോ​വ​യാ​ണു “ജീവന്‍റെ ഉറവ്‌” എന്നു ദാവീ​ദിന്‌ അറിയാ​മാ​യി​രു​ന്നു. (സങ്കീ. 36:9) അതു​കൊണ്ട് സ്വന്തം ജീവനോ വസ്‌തു​വ​ക​ക​ളോ സംരക്ഷി​ക്കാൻ ഒരു ക്രിസ്‌ത്യാ​നി ന്യായ​മായ നടപടി​കൾ സ്വീക​രി​ക്കു​ന്നെ​ങ്കിൽപ്പോ​ലും മറ്റൊരു മനുഷ്യ​ജീ​വ​നെ​ടു​ക്കാ​തി​രി​ക്കാ​നും അങ്ങനെ രക്തച്ചൊ​രി​ച്ചി​ലി​ന്‍റെ കുറ്റം ഒഴിവാ​ക്കാ​നും അദ്ദേഹം അതീവ​ശ്ര​ദ്ധ​യു​ള്ള​വ​നാ​യി​രി​ക്കും.—ആവ. 22:8; സങ്കീ. 51:14.

ഒരാൾ തോ​ക്കെന്നല്ല, സ്വയര​ക്ഷ​യ്‌ക്കാ​യി ഏതു വസ്‌തു ഉപയോ​ഗി​ച്ചാ​ലും അതു മറ്റൊ​രാ​ളു​ടെ മരണത്തി​നു കാരണ​മാ​കാൻ സാധ്യ​ത​യുണ്ട്. അങ്ങനെ സംഭവി​ച്ചാൽ അതു രക്തച്ചൊ​രി​ച്ചി​ലി​ന്‍റെ കുറ്റം വരുത്തി​വെ​ക്കും. എങ്കിലും ഒരു തോക്കാണ്‌ ഉപയോ​ഗി​ക്കു​ന്ന​തെ​ങ്കിൽ, അറിഞ്ഞോ അറിയാ​തെ​യോ മരണം സംഭവി​ക്കാ​നുള്ള സാധ്യത കൂടു​ത​ലാണ്‌. * അക്രമി​യു​ടെ കാര്യ​മോ? അയാൾ അപ്പോൾത്തന്നെ ആകെ പരി​ഭ്രാ​ന്ത​നാ​യി​രി​ക്കും. മറ്റേയാ​ളു​ടെ കൈയിൽ ഒരു തോക്കു​ണ്ടെ​ന്നു​കൂ​ടെ കണ്ടാൽ സാഹച​ര്യം വഷളാ​കാൻ സാധ്യത കൂടു​ത​ലാണ്‌. അവിടെ ഒരു മരണം സംഭവി​ച്ചേ​ക്കാം.

വാൾ കൈയിൽ കരുതാൻ ഭൂമി​യി​ലെ തന്‍റെ അവസാ​ന​രാ​ത്രി​യിൽ യേശു ശിഷ്യ​ന്മാ​രോ​ടു പറഞ്ഞെ​ങ്കി​ലും അത്‌ അവരുടെ സ്വയര​ക്ഷ​യ്‌ക്കു​വേ​ണ്ടി​യ​ല്ലാ​യി​രു​ന്നു. (ലൂക്കോ. 22:36, 38) വാളെ​ടു​ക്കാൻ യേശു ആവശ്യ​പ്പെ​ട്ടത്‌ അവരെ പ്രധാ​ന​പ്പെട്ട ഒരു പാഠം പഠിപ്പി​ക്കാ​നാ​യി​രു​ന്നു. എന്തായി​രു​ന്നു അത്‌? ആയുധ​ങ്ങ​ളു​മാ​യി ഒരു ആൾക്കൂട്ടം വന്നാൽപ്പോ​ലും അക്രമ​ത്തി​ന്‍റെ  വഴി സ്വീക​രി​ക്ക​രുത്‌ എന്ന പാഠം. (ലൂക്കോ. 22:52) മഹാപു​രോ​ഹി​തന്‍റെ അടിമ​യ്‌ക്കു നേരേ പത്രോസ്‌ വാളെ​ടുത്ത്‌ വീശി​യ​പ്പോൾ യേശു പത്രോ​സി​നോട്‌ ഇങ്ങനെ കല്‌പി​ച്ചു: “വാൾ ഉറയിൽ ഇടുക.” അതിനു ശേഷം യേശു ഒരു അടിസ്ഥാ​ന​സ​ത്യം പറഞ്ഞു: “വാൾ എടുക്കു​ന്ന​വ​രെ​ല്ലാം വാളിന്‌ ഇരയാ​കും.” ക്രിസ്‌തു​ശി​ഷ്യ​രെ ഇന്നോളം നയിച്ചി​രി​ക്കുന്ന ഒരു തത്ത്വമാണ്‌ അത്‌.—മത്താ. 26:51, 52.

മീഖ 4:3-നു ചേർച്ച​യിൽ ദൈവ​ജനം ‘അവരുടെ വാളുകൾ കലപ്പക​ളാ​യും കുന്തങ്ങൾ അരിവാ​ളു​ക​ളാ​യും അടിച്ചു​തീർക്കു​ന്നു.’ സത്യ​ക്രി​സ്‌ത്യാ​നി​കളെ തിരി​ച്ച​റി​യി​ക്കുന്ന ഒരു സവി​ശേ​ഷ​ത​യാണ്‌ ഇത്‌. അപ്പോ​സ്‌ത​ല​നായ പൗലോസ്‌ ദൈവ​പ്ര​ചോ​ദി​ത​മാ​യി നൽകിയ ഈ ആഹ്വാ​ന​വും അതി​നോ​ടു യോജി​ക്കു​ന്നു: “തിന്മയ്‌ക്കു പകരം തിന്മ ചെയ്യരുത്‌. . . . എല്ലാവ​രു​മാ​യി സമാധാ​ന​ത്തി​ലാ​യി​രി​ക്കാൻ നിങ്ങളു​ടെ കഴിവി​ന്‍റെ പരമാ​വധി ശ്രമി​ക്കുക.” (റോമ. 12:17, 18) “കവർച്ച​ക്കാ​രിൽനി​ന്നുള്ള ആപത്ത്‌” ഉൾപ്പെടെ പല അപകട​ങ്ങ​ളും നേരി​ട്ടെ​ങ്കി​ലും പൗലോസ്‌ താൻ എഴുതിയ വാക്കു​കൾക്കു ചേർച്ച​യിൽ ജീവിച്ചു. തന്‍റെ സുരക്ഷി​ത​ത്വ​ത്തി​നു തിരു​വെ​ഴു​ത്തു​ത​ത്ത്വ​ങ്ങ​ളെ​ക്കാൾ പ്രാധാ​ന്യം കൊടു​ത്തില്ല. (2 കൊരി. 11:26) പകരം പൗലോസ്‌ ദൈവ​ത്തി​ലും ദൈവ​വ​ച​ന​ത്തി​ലെ ജ്ഞാനത്തി​ലും ആശ്രയി​ച്ചു. അതെ, ‘യുദ്ധാ​യു​ധ​ങ്ങ​ളെ​ക്കാൾ നല്ല’ ദൈവി​ക​ജ്ഞാ​ന​ത്തിൽ.—സഭാ. 9:18.

ക്രിസ്‌ത്യാ​നി​കൾ വസ്‌തു​വ​ക​ക​ളെ​ക്കാൾ വിലയു​ള്ള​താ​യി കാണു​ന്നതു ജീവ​നെ​യാണ്‌. “ഒരാൾക്ക് എത്ര സമ്പത്തു​ണ്ടെ​ങ്കി​ലും അതൊ​ന്നു​മല്ല അയാൾക്കു ജീവൻ നേടി​ക്കൊ​ടു​ക്കു​ന്നത്‌.” (ലൂക്കോ. 12:15) അതു​കൊണ്ട് സൗമ്യ​ത​യോ​ടെ സംസാ​രി​ച്ചി​ട്ടും അക്രമി പിന്മാ​റു​ന്നി​ല്ലെ​ങ്കിൽ ക്രിസ്‌ത്യാ​നി​കൾ ബുദ്ധി​പൂർവം യേശു​വി​ന്‍റെ പിൻവ​രുന്ന വാക്കു​ക​ളി​ലെ തത്ത്വം അനുസ​രി​ക്കും: “ദുഷ്ട​നോട്‌ എതിർത്തു​നിൽക്ക​രുത്‌.” ചില​പ്പോൾ “മേലങ്കി” മാത്രമല്ല “ഉള്ളങ്കി”പോലും നമുക്കു വിട്ടു​കൊ​ടു​ക്കേ​ണ്ടി​വ​ന്നേ​ക്കാം. (മത്താ. 5:39, 40; ലൂക്കോ. 6:29) * എന്നാൽ അത്തരം സാഹച​ര്യ​ങ്ങ​ളു​ണ്ടാ​കാ​തെ നോക്കു​ന്ന​താണ്‌ ഏറ്റവും നല്ല പ്രതി​രോ​ധം. അതിന്‌ എന്തു ചെയ്യാം? ‘വസ്‌തു​വ​കകൾ പൊങ്ങ​ച്ച​ത്തോ​ടെ പ്രദർശി​പ്പി​ക്കു​ന്നത്‌’ ഒഴിവാ​ക്കി​യാൽ അക്രമാ​സ​ക്ത​രായ കുറ്റവാ​ളി​ക​ളു​ടെ നോട്ട​പ്പു​ള്ളി​ക​ളാ​കു​ന്നത്‌ ഒരു പരിധി​വരെ തടയാ​നാ​കും. അതു​പോ​ലെ നമ്മൾ യഹോ​വ​യു​ടെ സമാധാ​ന​സ്‌നേ​ഹി​ക​ളായ ജനമാണ്‌ എന്നൊരു പേര്‌ അയൽക്കാർക്കി​ട​യി​ലു​ണ്ടെ​ങ്കിൽ അതും ഒരു സംരക്ഷ​ണ​മാ​യി​രി​ക്കും.—1 യോഹ. 2:16; സുഭാ. 18:10.

ക്രിസ്‌ത്യാ​നി​കൾ മറ്റുള്ള​വ​രു​ടെ മനസ്സാ​ക്ഷി​യെ ആദരി​ക്കു​ന്നു. (റോമ. 14:21) സഭയിലെ ഒരു അംഗം മറ്റു മനുഷ്യ​രിൽനി​ന്നുള്ള രക്ഷയ്‌ക്കാ​യി തോക്കു സൂക്ഷി​ക്കു​ന്നെന്ന് അറിഞ്ഞാൽ സഭയിലെ ചിലർക്ക് അത്‌ ഉൾക്കൊ​ള്ളാൻ കഴി​ഞ്ഞെന്നു വരില്ല, ചിലരെ അതു വിശ്വാ​സ​ത്തിൽനിന്ന് വീഴി​ക്കു​ക​പോ​ലും ചെയ്‌തേ​ക്കാം. ഒരുപക്ഷേ തോക്കു കൈവശം വെക്കാൻ നമുക്കു നിയമ​പ​ര​മാ​യി അവകാ​ശ​മു​ണ്ടാ​യി​രി​ക്കാം. എങ്കിൽപ്പോ​ലും നമ്മുടെ ചില താത്‌പ​ര്യ​ങ്ങ​ളെ​ക്കാൾ മറ്റുള്ള​വ​രു​ടെ താത്‌പ​ര്യ​ങ്ങൾക്കു മുൻഗണന കൊടു​ക്കാൻ സ്‌നേഹം നമ്മളെ പ്രേരി​പ്പി​ക്കും.—1 കൊരി. 10:32, 33; 13:4, 5.

ക്രിസ്‌ത്യാ​നി​കൾ മാതൃ​കാ​യോ​ഗ്യ​രാ​യി​രി​ക്കാൻ കഠിന​ശ്രമം ചെയ്യുന്നു. (2 കൊരി. 4:2; 1 പത്രോ. 5:2, 3) തിരു​വെ​ഴു​ത്തു​ബു​ദ്ധി​യു​പ​ദേശം ലഭിച്ച​ശേ​ഷ​വും ഒരു ക്രിസ്‌ത്യാ​നി മറ്റു മനുഷ്യ​രിൽനി​ന്നുള്ള രക്ഷയ്‌ക്കാ​യി തോക്കു കൈവശം വെക്കാൻ തീരു​മാ​നി​ക്കു​ന്നെ​ങ്കിൽ ആ വ്യക്തിയെ മാതൃ​കാ​യോ​ഗ്യ​നാ​യി കണക്കാ​ക്കാൻ കഴിയില്ല. അതു​കൊ​ണ്ടു​തന്നെ സഭയിലെ ഉത്തരവാ​ദി​ത്വ​ങ്ങ​ളും പ്രത്യേ​ക​പ​ദ​വി​ക​ളും ലഭിക്കു​ന്ന​തിന്‌ അദ്ദേഹം യോഗ്യ​നാ​യി​രി​ക്കില്ല. ജോലി​യു​ടെ ഭാഗമാ​യി തോക്കു കൈവശം വെക്കുന്ന ഒരു ക്രിസ്‌ത്യാ​നി​യു​ടെ കാര്യ​ത്തി​ലും ഇതു ബാധക​മാണ്‌. സാഹച​ര്യം ഇതാ​ണെ​ങ്കിൽ മറ്റൊരു ജോലി കണ്ടുപി​ടി​ക്കു​ന്ന​തല്ലേ എന്തു​കൊ​ണ്ടും നല്ലത്‌! *

സ്വയരക്ഷ, സ്വന്തം കുടും​ബ​ത്തി​ന്‍റെ​യും വസ്‌തു​വ​ക​ക​ളു​ടെ​യും സംരക്ഷണം എന്നീ കാര്യ​ങ്ങ​ളിൽ ഓരോ ക്രിസ്‌ത്യാ​നി​യു​മാ​ണു തീരു​മാ​ന​മെ​ടു​ക്കേ​ണ്ടത്‌. ജോലി​യു​ടെ കാര്യ​വും അങ്ങനെ​തന്നെ. പക്ഷേ ഓർക്കുക: ദൈവ​ത്തി​ന്‍റെ ജ്ഞാനവും ദൈവ​ത്തി​നു നമ്മളോ​ടുള്ള സ്‌നേ​ഹ​വും ആണ്‌ ബൈബിൾത​ത്ത്വ​ങ്ങ​ളിൽ പ്രതി​ഫ​ലി​ച്ചി​രി​ക്കു​ന്നത്‌. ഈ തത്ത്വങ്ങ​ളോട്‌ ആദരവു​ള്ള​തു​കൊണ്ട് ആത്മീയ​പ​ക്വ​ത​യുള്ള ക്രിസ്‌ത്യാ​നി​കൾ, മറ്റു മനുഷ്യ​രു​ടെ ആക്രമണം നേരി​ടാ​നാ​യി ഒരു തോക്കു സൂക്ഷി​ക്കേ​ണ്ട​തില്ല എന്നു തീരു​മാ​നി​ച്ചി​രി​ക്കു​ന്നു. ബൈബിൾത​ത്ത്വ​ങ്ങൾക്കു ചേർച്ച​യിൽ ജീവിച്ച് ദൈവ​ത്തി​ലുള്ള ആശ്രയം തെളി​യി​ക്കു​ന്ന​വർക്കാണ്‌ എന്നെന്നും നിലനിൽക്കുന്ന യഥാർഥ​സു​ര​ക്ഷി​ത​ത്വം ലഭിക്കു​ക​യെന്ന് അവർക്ക് അറിയാം. —സങ്കീ. 97:10; സുഭാ. 1:33; 2:6, 7.