യുവജ​നങ്ങൾ ചോദി​ക്കു​ന്നു . . .

കൂടെ താമസി​ക്കുന്ന വ്യക്തി​യു​മാ​യി എനി​ക്കെ​ങ്ങനെ ഒത്തു​പോ​കാം?

“അടുക്കള വൃത്തി​യാ​യിട്ട്‌ ഇടാൻ ഞാൻ ആഗ്രഹി​ച്ചു. എന്നാൽ എന്റെ കൂടെ താമസി​ച്ചി​രു​ന്ന​വ​രു​ടെ രീതി നേരെ വിപരീ​ത​മാ​യി​രു​ന്നു. പ്ലേറ്റുകൾ അവി​ടെ​യു​മി​വി​ടെ​യും കിടന്നാ​ലോ പാചകം ചെയ്‌ത പാത്ര​ങ്ങ​ളൊ​ക്കെ അടുപ്പ​ത്തു​തന്നെ ഇരുന്നാ​ലോ ഒന്നും അവർക്ക്‌ ഒരു പ്രശ്‌ന​വും ഇല്ലായി​രു​ന്നു.”—ലിൻ. a

സഹതാ​മ​സ​ക്കാർ. “അവർക്ക്‌ ഉറ്റ മിത്ര​ങ്ങ​ളോ ബദ്ധശ​ത്രു​ക്ക​ളോ ആയിരി​ക്കാ​നാ​കും” എന്നു ലേഖക​നായ കെവിൻ സ്‌കോ​ലെറി പറയുന്നു. ഇങ്ങനെ​യൊ​രു ശക്തമായ അഭി​പ്രാ​യം നിങ്ങൾക്കി​ല്ലാ​യി​രി​ക്കാം. എങ്കിലും മറ്റൊ​രാ​ളോ​ടൊ​പ്പ​മുള്ള താമസ​ത്തിന്‌ ഒരു യഥാർഥ വെല്ലു​വി​ളി ആയിരി​ക്കാ​നാ​കും എന്നതിനു സംശയ​മില്ല. b ഒരുമി​ച്ചു താമസി​ക്കു​ന്ന​വർക്കി​ട​യി​ലുള്ള പ്രശ്‌നങ്ങൾ കോ​ളെജ്‌ വിദ്യാർഥി​ക​ളു​ടെ ഇടയിൽ സർവസാ​ധാ​ര​ണ​മാ​യ​തി​നാൽ യു.എസ്‌.ന്യൂസ്‌ & വേൾഡ്‌ റിപ്പോർട്ട്‌ പറയു​ന്ന​ത​നു​സ​രിച്ച്‌ പല വിദ്യാ​ല​യ​ങ്ങ​ളും സഹതാ​മ​സ​ക്കാർ തമ്മിൽ ഒത്തു​പോ​കാൻ സഹായി​ക്കു​ന്ന​തി​നാ​യി “പ്രശ്‌ന​പ​രി​ഹാര പരിപാ​ടി​ക​ളും” സെമി​നാ​റു​ക​ളും സംഘടി​പ്പി​ക്കു​ന്നത്‌ ഉൾപ്പെടെ “വിപു​ല​മായ ശ്രമങ്ങൾ” ചെയ്യുന്നു.

മുഴു​സ​മയ ശുശ്രൂ​ഷ​ക​രാ​യി പ്രവർത്തി​ക്കു​ന്ന​തി​നു വീട്ടിൽനി​ന്നു മാറി​ത്താ​മ​സി​ക്കുന്ന യുവ ക്രിസ്‌ത്യാ​നി​ക​ളു​ടെ കാര്യ​ത്തിൽ പോലും മറ്റുള്ള​വ​രു​മാ​യി ഒരു മുറി​യോ വീടോ പങ്കിടു​ന്നതു ബുദ്ധി​മു​ട്ടാ​യി​രു​ന്നേ​ക്കാം. എന്നാൽ ബൈബിൾ തത്ത്വങ്ങൾ ബാധക​മാ​ക്കു​ന്ന​തി​നാ​ലും “പ്രാ​യോ​ഗിക ജ്ഞാനം” പ്രകട​മാ​ക്കു​ന്ന​തി​നാ​ലും പലപ്പോ​ഴും പ്രശ്‌നങ്ങൾ പരിഹ​രി​ക്കാ​നാ​കു​മെന്ന്‌ അറിയു​ന്നതു പ്രോ​ത്സാ​ഹ​ജ​ന​ക​മാണ്‌.—സദൃശ​വാ​ക്യ​ങ്ങൾ 2:7, NW.

പരസ്‌പരം അടുത്ത​റി​യു​ക

പുതിയ താമസ​സ്ഥ​ല​ത്തേക്കു മാറി​യ​തി​ന്റെ ഉത്സാഹം കെട്ടട​ങ്ങു​മ്പോൾ, വീട്ടി​ലാ​യി​രി​ക്കെ ആസ്വദി​ച്ചി​രുന്ന കാര്യ​ങ്ങൾക്കാ​യി നിങ്ങൾ വാഞ്‌ഛി​ച്ചേ​ക്കാം. (സംഖ്യാ​പു​സ്‌തകം 11:4, 5) എന്നാൽ കഴിഞ്ഞ​കാ​ലത്തെ കുറിച്ച്‌ ഏറെ ചിന്തി​ക്കു​ന്നത്‌ പുതിയ സാഹച​ര്യ​വു​മാ​യി പൊരു​ത്ത​പ്പെ​ടു​ന്നതു കൂടുതൽ ബുദ്ധി​മു​ട്ടു​ള്ള​താ​ക്കി​ത്തീർക്കു​കയേ ഉള്ളൂ. സഭാ​പ്ര​സം​ഗി 7:10 ഇങ്ങനെ ബുദ്ധി​യു​പ​ദേ​ശി​ക്കു​ന്നു: “പണ്ടത്തേ കാലം ഇപ്പോ​ഴ​ത്തേ​തി​നെ​ക്കാൾ നന്നായി​രു​ന്ന​തി​ന്റെ കാരണം എന്തു എന്നു നീ ചോദി​ക്ക​രു​തു; നീ അങ്ങനെ ചോദി​ക്കു​ന്നതു ജ്ഞാനമ​ല്ല​ല്ലോ.” അതേ, നിങ്ങളു​ടെ ഇപ്പോ​ഴത്തെ സാഹച​ര്യം ആവുന്നത്ര സന്തോ​ഷ​ക​ര​മാ​ക്കു​ന്ന​തിൽ ശ്രദ്ധ പതിപ്പി​ക്കു​ന്ന​താണ്‌ ഏറ്റവും നല്ലത്‌.

ആദ്യം​ത​ന്നെ, കൂടെ താമസി​ക്കുന്ന വ്യക്തിയെ അടുത്ത​റി​യാൻ ശ്രമി​ക്കുക. സഹതാ​മ​സ​ക്കാർ എല്ലായ്‌പോ​ഴും ഉറ്റ മിത്രങ്ങൾ ആയിരി​ക്ക​ണ​മെ​ന്നില്ല. നിങ്ങൾക്കു പ്രത്യേ​കി​ച്ചൊ​രു അടുപ്പം തോന്നുന്ന തരത്തി​ലുള്ള വ്യക്തി​ത്വം അല്ലായി​രി​ക്കാം ആ വ്യക്തി​യു​ടേത്‌. എങ്കിൽപ്പോ​ലും ഒരുമി​ച്ചു താമസി​ക്കു​മ്പോൾ കഴിയു​ന്നത്ര സൗഹാർദ​പ​ര​മായ ഒരു ബന്ധം ഉണ്ടായി​രി​ക്കാൻ ശ്രമി​ക്കു​ന്ന​തല്ലേ നല്ലത്‌?

ഫിലി​പ്പി​യർ 2:4 “ഓരോ​രു​ത്തൻ സ്വന്തഗു​ണമല്ല മററു​ള്ള​വന്റെ ഗുണവും കൂടെ നോ​ക്കേണം” എന്നു പറയുന്നു. ചോദ്യം ചെയ്യു​ക​യാ​ണെന്ന തോന്നൽ ഉളവാ​ക്കാ​തെ​തന്നെ കൂടെ താമസി​ക്കുന്ന വ്യക്തി​യു​ടെ കുടുംബ പശ്ചാത്തലം, താത്‌പ​ര്യ​ങ്ങൾ, ലക്ഷ്യങ്ങൾ, ഇഷ്ടാനി​ഷ്ടങ്ങൾ എന്നിവയെ കുറി​ച്ചെ​ല്ലാം ചോദി​ച്ചു മനസ്സി​ലാ​ക്കാൻ നിങ്ങൾക്കു കഴിയി​ല്ലേ? നിങ്ങ​ളെ​പ്പ​റ്റി​യും സംസാ​രി​ക്കുക. പരസ്‌പരം നിങ്ങൾ എത്ര നന്നായി അറിയു​ന്നു​വോ അത്ര നന്നായി നിങ്ങൾക്ക്‌ അന്യോ​ന്യം മനസ്സി​ലാ​ക്കാൻ കഴിയും.

ഇടയ്‌ക്കൊ​ക്കെ ഒരുമിച്ച്‌ എന്തെങ്കി​ലും ചെയ്യാൻ ആസൂ​ത്രണം ചെയ്യുക. ലീ പറയുന്നു: “ചില​പ്പോൾ ഞങ്ങൾ എല്ലാവ​രും ഒന്നിച്ചു പുറത്തു പോയി ഭക്ഷണം കഴിക്കു​ക​യോ ഒരു ചിത്ര​കലാ പ്രദർശ​ന​ത്തി​നോ മറ്റോ പോകു​ക​യോ  ചെയ്യും.” ഒരുമി​ച്ചു താമസി​ക്കു​ന്നവർ ക്രിസ്‌ത്യാ​നി​കൾ ആയിരി​ക്കു​മ്പോൾ സഭാ​യോ​ഗ​ങ്ങൾക്കു തയ്യാറാ​കു​ന്ന​തും പ്രസം​ഗ​പ്ര​വർത്ത​ന​ത്തിൽ പങ്കെടു​ക്കു​ന്ന​തും പോ​ലെ​യുള്ള ആത്മീയ പ്രവർത്ത​ന​ങ്ങ​ളിൽ ഒരുമിച്ച്‌ ഏർപ്പെ​ടു​ന്നതു സൗഹൃദ ബന്ധം വളർത്തു​ന്ന​തി​നുള്ള ഒരു ഉത്തമ മാർഗ​മാണ്‌.

ഡേവിഡ്‌ പറയുന്നു: “എന്റെ സഹതാ​മ​സ​ക്കാ​രന്‌ ഒരു പരസ്യ​പ്ര​സംഗ നിയമനം ഉള്ളപ്പോൾ അവനെ പ്രോ​ത്സാ​ഹി​പ്പി​ക്കാ​നാ​യി അന്നു ഞാൻ അവന്റെ സഭയിലെ യോഗ​ത്തിൽ പങ്കെടു​ക്കു​മാ​യി​രു​ന്നു.” സ്‌പോർട്‌സി​ന്റെ​യും സംഗീ​ത​ത്തി​ന്റെ​യും കാര്യ​ത്തിൽ അവർ ഇരുവ​രു​ടെ​യും അഭിരു​ചി​കൾ വ്യത്യ​സ്‌ത​മാ​ണെ​ങ്കി​ലും ആത്മീയ കാര്യ​ങ്ങ​ളോ​ടുള്ള സ്‌നേഹം അവർ തമ്മിൽ ഒരു അടുത്ത ബന്ധം വളർത്തി​യെ​ടു​ക്കു​ന്ന​തി​ലേക്കു നയിച്ചി​രി​ക്കു​ന്നു. “ഞങ്ങൾ ആത്മീയ കാര്യ​ങ്ങളെ കുറിച്ചു വളരെ​യ​ധി​കം സംസാ​രി​ക്കാ​റുണ്ട്‌” എന്നു ഡേവിഡ്‌ പറയുന്നു. “ചില​പ്പോൾ മണിക്കൂ​റു​ക​ളോ​ളം ഞങ്ങൾ അത്തരം വിഷയങ്ങൾ സംസാ​രി​ച്ചി​രി​ക്കും.”

എന്നാൽ ഒരു മുന്നറി​യിപ്പ്‌: മറ്റ്‌ ആരോ​ഗ്യ​ക​ര​മായ ബന്ധങ്ങൾ സ്ഥാപി​ക്കു​ന്ന​തിൽനി​ന്നു നിങ്ങളെ തടയുന്ന അളവോ​ളം കൂടെ താമസി​ക്കുന്ന വ്യക്തി​യു​മാ​യി അടുക്കാ​തി​രി​ക്കാൻ ശ്രദ്ധി​ക്കുക. എവിടെ പോയാ​ലും നിങ്ങ​ളെ​യും കൂടെ കൊണ്ടു​പോ​കേ​ണ്ട​താ​ണെന്ന്‌ ഒപ്പം താമസി​ക്കുന്ന വ്യക്തിക്കു തോന്നി​യാൽ അത്‌ അവന്‌ അല്ലെങ്കിൽ അവൾക്ക്‌ ആകെ​യൊ​രു ശ്വാസം​മു​ട്ടൽ ഉളവാ​ക്കി​യേ​ക്കാം. സുഹൃ​ദ്‌ബ​ന്ധ​ങ്ങ​ളു​ടെ കാര്യ​ത്തിൽ ‘വിശാ​ല​ത​യു​ള്ള​വ​രാ​യി​രി​ക്കാൻ’ ആണു ബൈബിൾ ബുദ്ധി​യു​പ​ദേ​ശി​ക്കു​ന്നത്‌.—2 കൊരി​ന്ത്യർ 6:13.

സുവർണ നിയമം അനുസ​രി​ച്ചു ജീവിക്കൽ

പരസ്‌പരം അറിയാ​നി​ട​യാ​കു​മ്പോൾ നിങ്ങളു​ടെ ശീലങ്ങ​ളി​ലും ഇഷ്ടാനി​ഷ്ട​ങ്ങ​ളി​ലും വീക്ഷണ​ങ്ങ​ളി​ലും ഉള്ള വ്യത്യാ​സ​ങ്ങളെ കുറി​ച്ചും നിങ്ങൾ മനസ്സി​ലാ​ക്കും. യുവാ​വായ മാർക്ക്‌ മുന്നറി​യി​പ്പു നൽകു​ന്നതു പോലെ “നിങ്ങൾ അപൂർണ​തകൾ പ്രതീ​ക്ഷി​ക്കണം.” വഴക്കമി​ല്ലാ​യ്‌മ​യും സ്വാർഥ​ത​യും പിരി​മു​റു​ക്ക​ത്തിന്‌ ഇടയാ​ക്കും. അതു​പോ​ലെ തന്നെയാണ്‌ കൂടെ താമസി​ക്കുന്ന വ്യക്തി നിങ്ങളു​ടെ ഇഷ്ടങ്ങൾക്കൊ​ത്തു വലിയ മാറ്റങ്ങൾ വരുത്ത​ണ​മെന്നു പ്രതീ​ക്ഷി​ക്കു​ന്ന​തും.

മറ്റുള്ള​വ​രോ​ടൊ​പ്പം താമസി​ക്കു​മ്പോൾ “തന്നെക്കു​റി​ച്ചു മാത്രം ചിന്തി​ക്കാ​തെ നിസ്വാർഥ​നാ​യി​രി​ക്കേ​ണ്ട​തു​ണ്ടെന്ന്‌” ഫെർണാൻഡോ മനസ്സി​ലാ​ക്കി​യി​രി​ക്കു​ന്നു. ആ പ്രസ്‌താ​വന “മനുഷ്യർ നിങ്ങൾക്കു ചെയ്യേണം എന്നു നിങ്ങൾ ഇച്ഛിക്കു​ന്നതു ഒക്കെയും നിങ്ങൾ അവർക്കും ചെയ്‌വിൻ” എന്ന വിഖ്യാ​ത​മായ സുവർണ നിയമ​ത്തി​നു ചേർച്ച​യി​ലു​ള്ള​താണ്‌. (മത്തായി 7:12) ഉദാഹ​ര​ണ​ത്തിന്‌ ഫെർണാൻഡോ മറ്റൊരു വ്യക്തി​യോ​ടൊ​പ്പം താമസി​ക്കാൻ തുടങ്ങി ഏറെക്ക​ഴി​യു​ന്ന​തി​നു മുമ്പു​തന്നെ ഒരു പ്രശ്‌നം ഉയർന്നു വന്നു. രാത്രി​യിൽ മുറി​യിൽ അധികം തണുപ്പു​ള്ളത്‌ അവന്‌ ഇഷ്ടമി​ല്ലാ​യി​രു​ന്നു. എന്നാൽ കൂടെ താമസി​ക്കുന്ന വ്യക്തി​ക്കാ​ണെ​ങ്കിൽ നേരെ മറിച്ചും. എന്തായി​രു​ന്നു പരിഹാ​രം? ഫെർണാൻഡോ പറയുന്നു: “ഞാൻ ഒരു കമ്പിളി വാങ്ങി.” അതേ, മാർക്ക്‌ പറയു​ന്ന​തു​പോ​ലെ “വഴക്കമു​ള്ളവർ” ആയിരി​ക്കേ​ണ്ട​തുണ്ട്‌. “നിങ്ങളു​ടെ എല്ലാ ശീലങ്ങ​ളും ഉപേക്ഷി​ക്കേ​ണ്ട​തില്ല, എന്നാൽ ഒന്നുര​ണ്ടെ​ണ്ണ​മൊ​ക്കെ മാറ്റേ​ണ്ട​താ​യി വന്നേക്കും.”

സുവർണ നിയമം ബാധക​മാ​ക്കാൻ കഴിയുന്ന മറ്റൊരു മണ്ഡലമി​താ: കൂടെ താമസി​ക്കുന്ന വ്യക്തി​യു​ടെ അഭിരു​ചി​ക​ളു​മാ​യി പൊരു​ത്ത​പ്പെ​ടാൻ പഠിക്കുക. ‘എനിക്ക്‌ അവന്റെ സംഗീതം ഇഷ്ടമല്ല’ എന്നു നിങ്ങൾ പറഞ്ഞേ​ക്കാം. സാധ്യ​ത​യ​നു​സ​രിച്ച്‌ മറ്റേ വ്യക്തിക്ക്‌ നിങ്ങളു​ടെ സംഗീ​തത്തെ സംബന്ധി​ച്ചും അതുത​ന്നെ​യാ​യി​രി​ക്കും തോന്നു​ന്നത്‌. അതു​കൊണ്ട്‌ കൂടെ താമസി​ക്കുന്ന വ്യക്തി​യു​ടെ സംഗീ​താ​ഭി​രു​ചി​കൾ ധാർമി​ക​മാ​യി അധഃപ​തി​പ്പി​ക്കു​ന്ന​ത​ല്ലെ​ങ്കിൽ അവയു​മാ​യി പൊരു​ത്ത​പ്പെ​ടാൻ നിങ്ങൾക്കു ശ്രമി​ക്കാ​വു​ന്ന​താണ്‌. ഫെർണാൻഡോ പറയുന്നു: “എന്റെ കൂടെ താമസി​ക്കുന്ന വ്യക്തി​യു​ടെ സംഗീതം എനിക്ക്‌ ഇഷ്ടമല്ല. എന്നാൽ ഞാൻ അതുമാ​യി പൊരു​ത്ത​പ്പെട്ടു തുടങ്ങി​യി​രി​ക്കു​ന്നു.” അതു​പോ​ലെ കൂടെ​യുള്ള ആൾ പഠിക്കു​ക​യാ​ണെ​ങ്കിൽ ആ വ്യക്തിയെ ശല്യ​പ്പെ​ടു​ത്താ​തി​രി​ക്കാൻ സംഗീതം ഹെഡ്‌ഫോൺ ഉപയോ​ഗി​ച്ചു കേൾക്കാൻ കഴിയും.

സുവർണ നിയമം ബാധക​മാ​ക്കു​ന്നത്‌ സാധന​ങ്ങ​ളു​ടെ ഉപയോ​ഗത്തെ ചൊല്ലി​യുള്ള അനാവശ്യ തർക്കങ്ങൾ ഒഴിവാ​ക്കാ​നും സഹായി​ക്കും. ഉദാഹ​ര​ണ​ത്തിന്‌ ഫ്രിഡ്‌ജി​ലു​ള്ള​തെ​ല്ലാം നിങ്ങൾ ഇഷ്ടം​പോ​ലെ എടുക്കു​ക​യും എന്നാൽ ഒരിക്ക​ലും ഒന്നും വാങ്ങി വെക്കാ​തി​രി​ക്കു​ക​യും ചെയ്‌താൽ അതു നീരസ​ത്തിന്‌ ഇടയാ​ക്കി​യേ​ക്കാം. അതു​പോ​ലെ​തന്നെ, നിങ്ങൾ വാങ്ങി​വെച്ച എന്തെങ്കി​ലും കൂടെ താമസി​ക്കുന്ന വ്യക്തി ഉപയോ​ഗി​ക്കു​മ്പോൾ ദേഷ്യ​പ്പെ​ടു​ക​യോ ഇഷ്ടക്കേടു പ്രകടി​പ്പി​ക്കും​വി​ധം തുറിച്ചു നോക്കു​ക​യോ ചെയ്‌താൽ  അതും ഒരു നല്ല ബന്ധം വളർത്തു​ന്ന​തി​നു സഹായി​ക്കു​ക​യില്ല. “ദാനശീ​ല​രും ഔദാ​ര്യ​മു​ള്ള​വ​രു​മാ​യി”രിക്കാൻ ബൈബിൾ നമ്മെ പ്രോ​ത്സാ​ഹി​പ്പി​ക്കു​ന്നു. (1 തിമൊ​ഥെ​യൊസ്‌ 6:18) എന്നാൽ നിങ്ങളെ മുത​ലെ​ടു​ക്കു​ക​യാ​ണെന്നു തോന്നു​ന്നെ​ങ്കിൽ മിണ്ടാ​തി​രി​ക്കേ​ണ്ട​തില്ല. നിങ്ങളു​ടെ പ്രശ്‌നം ശാന്തമാ​യി, ദയാപൂർവം അറിയി​ക്കാൻ കഴിയും.

ഓരോ​രു​ത്ത​രു​ടെ​യും വ്യക്തി​പ​ര​മായ സാധന​ങ്ങ​ളോട്‌ ആദരവു കാണി​ക്കുക. അനുവാ​ദം ചോദി​ക്കാ​തെ എന്തെങ്കി​ലും എടുക്കു​ന്നതു ധിക്കാ​ര​മാണ്‌. (സദൃശ​വാ​ക്യ​ങ്ങൾ 11:2, NW) അതു​പോ​ലെ കൂടെ താമസി​ക്കുന്ന വ്യക്തി​യു​ടെ സ്വകാ​ര്യത സംബന്ധി​ച്ചും പരിഗണന ഉള്ളവരാ​യി​രി​ക്കുക. മുറി​യിൽ പ്രവേ​ശി​ക്കു​ന്ന​തി​നു മുമ്പു വാതി​ലിൽ മുട്ടു​ന്നതു പോ​ലെ​യുള്ള ചെറിയ മര്യാ​ദകൾ സംബന്ധി​ച്ചു ശ്രദ്ധയു​ള്ളവർ ആയിരി​ക്കുക. നിങ്ങൾ ആദരവു പ്രകട​മാ​ക്കു​മ്പോൾ കൂടെ താമസി​ക്കുന്ന വ്യക്തി​യും അതേ വിധത്തിൽ പെരു​മാ​റാ​നാ​ണു സാധ്യത. “ഞങ്ങൾക്കു രണ്ടു​പേർക്കും വീട്ടി​ലി​രു​ന്നു പഠിക്കു​ന്ന​തിൽ യാതൊ​രു ബുദ്ധി​മു​ട്ടും ഇല്ല” എന്നു ഡേവിഡ്‌ പറയുന്നു. “ഇരുവ​രും അതു മാനി​ക്കു​ക​യും ആ സമയത്തു ശബ്ദം ഉണ്ടാക്കാ​തി​രി​ക്കു​ക​യും ചെയ്യും. ഇനി, അവന്‌ മറ്റെ​ന്തെ​ങ്കി​ലും ചെയ്യണ​മെ​ന്നു​ണ്ടെ​ങ്കിൽ ചില​പ്പോൾ ഞാൻ ഏതെങ്കി​ലും ലൈ​ബ്ര​റി​യിൽ പോയി​രു​ന്നു വായി​ക്കും.”

വാടക​യി​ലെ പങ്കു സമയത്തു നൽകു​ന്ന​തി​ലും വീട്ടു ജോലി​ക​ളു​ടെ പങ്കു നിർവ​ഹി​ക്കു​ന്ന​തി​ലും ഉത്തരവാ​ദി​ത്വ​ബോ​ധ​മു​ള്ളവർ ആയിരി​ക്കു​ന്ന​തും സുവർണ നിയമം ബാധക​മാ​ക്കാ​നാ​കുന്ന ഒരു വിധമാണ്‌.

പ്രശ്‌നങ്ങൾ കൈകാ​ര്യം ചെയ്യൽ

ബൈബിൾ കാലങ്ങ​ളി​ലെ ആദരണീ​യ​രായ രണ്ടു ക്രിസ്‌ത്യാ​നി​ക​ളാ​യി​രു​ന്നു പൗലൊ​സും ബർന്നബാ​സും. എന്നാൽ അവർ തമ്മിൽ ഒരു ‘ഉഗ്രവാ​ദം’ ഉണ്ടായ​താ​യി പറഞ്ഞി​രി​ക്കു​ന്നു. (പ്രവൃ​ത്തി​കൾ 15:38) നിങ്ങൾക്കി​ട​യി​ലും അതു​പോ​ലെ എന്തെങ്കി​ലും ഉണ്ടാകു​ന്നെ​ങ്കി​ലോ? ഒരുപക്ഷേ ഒരു വ്യക്തിത്വ ഭിന്നത​യോ അലോ​സ​ര​പ്പെ​ടു​ത്തുന്ന വ്യക്തി​പ​ര​മായ ഒരു ശീലമോ നിമിത്തം നിങ്ങൾ ക്ഷമയുടെ നെല്ലി​പ്പലക കണ്ടേക്കാം. ഒരു തർക്കം അല്ലെങ്കിൽ വാഗ്വാ​ദം ഉണ്ടാകു​ന്നെ​ങ്കിൽ നിങ്ങൾ ഒരുമി​ച്ചുള്ള താമസം മതിയാ​ക്ക​ണ​മെ​ന്നു​ണ്ടോ? അങ്ങനെ ചെയ്യണ​മെ​ന്നില്ല. പൗലൊ​സി​നും ബർന്നബാ​സി​നും തങ്ങൾക്കി​ട​യി​ലെ പ്രശ്‌നം പരിഹ​രി​ക്കാൻ സാധിച്ചു. താമസം മാറു​ന്നതു പോ​ലെ​യുള്ള വലി​യൊ​രു പടി സ്വീക​രി​ക്കു​ന്ന​തി​നു മുമ്പ്‌ നിങ്ങൾക്കും ഒരുപക്ഷേ അതുതന്നെ ചെയ്യാൻ കഴി​ഞ്ഞേ​ക്കും. സഹായ​ക​മാ​യി​രു​ന്നേ​ക്കാ​വുന്ന ചില ബൈബിൾ തത്ത്വങ്ങൾ ഇതാ:

● “ശാഠ്യ​ത്താ​ലോ ദുരഭി​മാ​ന​ത്താ​ലോ ഒന്നും ചെയ്യാതെ താഴ്‌മ​യോ​ടെ ഓരോ​രു​ത്തൻ മററു​ള്ള​വനെ തന്നെക്കാൾ ശ്രേഷ്‌ഠൻ എന്നു എണ്ണി​ക്കൊൾവിൻ.”—ഫിലി​പ്പി​യർ 2:3.

● “എല്ലാ കൈപ്പും കോപ​വും ക്രോ​ധ​വും കൂററാ​ര​വും ദൂഷണ​വും സകലദുർഗ്ഗു​ണ​വു​മാ​യി നിങ്ങളെ വിട്ടു ഒഴിഞ്ഞു​പോ​കട്ടെ. നിങ്ങൾ തമ്മിൽ ദയയും മനസ്സലി​വു​മു​ള്ള​വ​രാ​യി ദൈവം ക്രിസ്‌തു​വിൽ നിങ്ങ​ളോ​ടു ക്ഷമിച്ച​തു​പോ​ലെ അന്യോ​ന്യം ക്ഷമിപ്പിൻ.”—എഫെസ്യർ 4:31, 32.

● “ആകയാൽ നിന്റെ വഴിപാ​ടു യാഗപീ​ഠ​ത്തി​ങ്കൽ കൊണ്ടു​വ​രു​മ്പോൾ സഹോ​ദ​രന്നു നിന്റെ നേരെ വല്ലതും ഉണ്ടെന്നു അവി​ടെ​വെച്ചു ഓർമ്മ​വ​ന്നാൽ നിന്റെ വഴിപാ​ടു അവിടെ യാഗപീ​ഠ​ത്തി​ന്റെ മുമ്പിൽ വെച്ചേച്ചു, ഒന്നാമതു ചെന്നു സഹോ​ദ​ര​നോ​ടു നിരന്നു​കൊൾക; പിന്നെ വന്നു നിന്റെ വഴിപാ​ടു കഴിക്ക.”—മത്തായി 5:23, 24; എഫെസ്യർ 4:26.

പ്രയോ​ജ​ന​ങ്ങൾ

മറ്റുള്ള​വ​രോ​ടൊ​പ്പം താമസി​ക്കുന്ന പല യുവ ക്രിസ്‌ത്യാ​നി​ക​ളും (യുവ​പ്രാ​യം കടന്നവ​രും) ജ്ഞാനി​യായ ശലോ​മോൻ രാജാ​വി​ന്റെ വാക്കു​ക​ളു​ടെ സത്യത നേരിട്ട്‌ അനുഭ​വി​ച്ച​റി​ഞ്ഞി​രി​ക്കു​ന്നു: “ഒരുവ​നെ​ക്കാൾ ഇരുവർ ഏറെ നല്ലതു.” (സഭാ​പ്ര​സം​ഗി 4:9) മറ്റൊ​രാ​ളോ​ടൊ​പ്പം താമസി​ക്കു​ന്നത്‌ പ്രയോ​ജ​ന​പ്ര​ദ​മാ​ണെന്ന്‌ അനേക​രും കണ്ടെത്തി​യി​രി​ക്കു​ന്നു. “ആളുക​ളു​മാ​യി നല്ല രീതി​യിൽ ഇടപെ​ടാ​നും പൊരു​ത്ത​പ്പെ​ട്ടു​പോ​കാ​നും ഞാൻ പഠിച്ചി​രി​ക്കു​ന്നു” എന്നു മാർക്ക്‌ പറയുന്നു. റെന്നേ ഇങ്ങനെ കൂട്ടി​ച്ചേർക്കു​ന്നു: “നിങ്ങൾക്ക്‌ നിങ്ങളെ കുറി​ച്ചു​തന്നെ വളരെ​യ​ധി​കം മനസ്സി​ലാ​ക്കാൻ സാധി​ക്കു​ന്നു. അതു​പോ​ലെ കൂടെ താമസി​ക്കു​ന്ന​വർക്ക്‌ നിങ്ങളു​ടെ​മേൽ ആരോ​ഗ്യ​ക​ര​മായ സമ്മർദം ചെലു​ത്താ​നും കഴിയും.” ലിൻ ഇങ്ങനെ സമ്മതിച്ചു പറയുന്നു: “മറ്റുള്ള​വ​രോ​ടൊ​പ്പം താമസം തുടങ്ങിയ സമയത്ത്‌ എല്ലാം എനിക്ക്‌ എന്റെ ഇഷ്ടത്തിനു നടന്നു കാണണ​മാ​യി​രു​ന്നു. എന്നാൽ അത്തരം ദുർവാ​ശി ഉപേക്ഷി​ക്കാൻ ഞാൻ പഠിച്ചി​രി​ക്കു​ന്നു. ആരെങ്കി​ലും ഞാൻ ചെയ്യു​ന്ന​തിൽനി​ന്നു വ്യത്യ​സ്‌ത​മാ​യി കാര്യങ്ങൾ ചെയ്യു​ന്ന​തു​കൊ​ണ്ടു മാത്രം അതു തെറ്റാ​കു​ന്നില്ല എന്നു ഞാൻ ഇപ്പോൾ തിരി​ച്ച​റി​യു​ന്നു.”

കൂടെ താമസി​ക്കുന്ന വ്യക്തി​യു​മാ​യി ഒത്തു​പോ​കാൻ ശ്രമവും ത്യാഗ​വും ആവശ്യ​മാ​ണെ​ന്നതു ശരിയാണ്‌. എന്നാൽ ബൈബിൾ തത്ത്വങ്ങൾ ബാധക​മാ​ക്കാൻ കഠിന​മാ​യി ശ്രമി​ക്കു​ക​യാ​ണെ​ങ്കിൽ കൂടെ താമസി​ക്കു​ന്ന​വ​രു​മാ​യി ഒത്തു​പോ​കാൻ മാത്രമല്ല, അവരോ​ടൊ​പ്പ​മുള്ള താമസം ആസ്വദി​ക്കാൻ പോലും നിങ്ങൾക്കു കഴി​ഞ്ഞേ​ക്കാം. (g02 6/22)

[അടിക്കു​റി​പ്പു​കൾ]

[16-ാം പേജിലെ ചിത്രം]

മറ്റുള്ളവരുടെ സാധനങ്ങൾ അനുവാ​ദം കൂടാതെ എടുക്കു​ന്നത്‌ നീരസ​ത്തിന്‌ ഇടയാ​ക്കി​യേ​ക്കാം

[17-ാം പേജിലെ ചിത്രം]

പരസ്‌പരം പരിഗണന പ്രകട​മാ​ക്കു​ക