Angang ama yaorakpa matamda matei manaogi punsida harao nungaibana pik thalhangani. Maduga loina-loinana makhoida achouba mathoudang amasu hapkatli. Mama mapa ama oiraba matungdadi, nahakki ayamba matam amasung panggal angang sennabada changkhiba matamda ngakpa yai. Mapung phana tumdaba amasung wakhal charangnabana maram oiraga nakhoi anigi marida akaiba lakpa yai. Angangdu sennabaga loina-loinana nakhoi anigi yumban punsisu phagatnabagidamak, sindok sinjin kharadi tougadabani. Khudongchadabasing thengnaba ngamnaba hotnabada Biblegi paotaksingna karamna mateng panggani?

BIBLENA KARI HAIRI: “Nungsibana khaangbi amasung chanbi.” Amasung nungsibana “masagi oijaba thide, nungsibana thuna saode.” (1 Corinthiya 13:4, 5) Nouriba mama ama oina, nahakna angangda henna pukning changba haibasi mahousani. Adubu nahakki napuroibanadi mahakpu meeraibire haina khankhiba yai. Maram aduna mangondasu pukning changbigadabani haibasi kaobiganu. Khaangheiba amasung thoujal heiba matou utpaga loinana, nahakki napuroibada angang sennabagi thabaksida mahakkisu saruk yao-ee amasung mahakki mateng chang-ee haibasi phaohanbiyu.

“Mapuroibasa... nakhoigi nupisingbu... khangbaga loinana panminnou.” (1 Peter 3:7) Nahakki nupigi ayamba panggaldi angang sennabada chang-ee haibasi khangbiyu. Mangonda nouna hapkatlakliba mathoudangsingduna maram oiraga mahak waba, chokthaba amasung wakhal nungaitaba phaoba yai. Karigumba matamdadi nangonda asaoba phongdorakpasu yai. Adubu matamduda nahak ingthana leinaba hotnabiyu maramdi “saobada tappa mahakna akanba meedagi henna phei.” (Paorou 16:32) Wakhal khantharaga thabak toubiyu amasung mahakki darkar oibasingda mateng pangbiyu.—Paorou 14:29.

NAHAKNA TOUBA YABADI:

• Mapasing: Nahakki nupina angang sennabada ahing nungthil khaktana mateng pangbiyu. Nahakki nupi amasung nachagidamak matam henna piba ngamnaba, nahakna atoppa thabaksingda kaithokliba matamdu khara kakthabiyu

• Mamasing: Nahakki napuroibana angang sennabagi thabakta mateng pangbige hairakpa matamda nahakna yabiyu. Mahakna touribadu mapung phadrabasu, mahakpu thina haibiganu. Adugi mahutta, karamna tougadage haibadu mangonda nungsina takpiyu

BIBLENA KARI HAIRI: “Makhoi ani hakchang amata oigani.” (Meihouron 2:24) Imungda anouba meeoi ama hengatlaklabasu, nakhoi ani houjiksu “hakchang amata” oiri haibasi kaobiganu. Nakhoigi maridu chetsinnaba ngamjaba thakta hotnabiyu.

Nupisa, nahakki napuroibana toubiribasing amasung pangbiriba matengsingdugidamak haraoba phaobiyu. Nahakna phongdokpa thagatpagi waheisingduna nakhoigi marida ‘phahanba’ oigadouribani. (Paorou 12:18) Mapuroibasa, nahakki nupibu nahakna kayamuk nungsibage amasung mamal leina loujabage haibadu mangonda phongdokpiyu. Mahakna imung manunggidamak kanna hotnajariba mayamdugidamak thagatpiyu.—Paorou 31:10, 28.

“Mee kana amatana masagi kannanabata thiroidabani, adubu mahakna atoppa meegi kannanaba thigadabani.” (1 Corinthiya 10:24) Matamchuppada nahakki napuroiba nattraga nupigi phanabata khallaga toubiyu. Matei manao ama oina punna wari sanaba, amana amabu thagatpa phongdokchanaba amasung amana haiba amana tananaba matam kaithokpiyu. Hakchanggi oiba mari leinabagi matangda isa khaktagi khanba toubiganu. Nahakki napuroiba nattraga nupigi apambasu khangbiyu. Biblena hairi: “Phanggadaba adu nakhoi amana amabu phanghandaba touganu.” (1 Corinthiya 7:3-5) Maram asina hairiba waphamsigi matangda nakhoi ani thamoi sengna wari sannabiyu. Amaga amaga wakhal tanaba amasung khaangheiba utnabana nakhoigi maridu henna chetsinba oihallakkani.

NAHAKNA TOUBA YABADI:

• Nakhoi anikhaktagi oiba matam kaithokpa kaobiganu

• Nahakki napuroiba nattraga nupibu nahakna nungsi haibasi mahakna khangnaba karigumba khara haibadi message ama thabiba nattraga icham chamba khudol ama pibibanachingba toubiba yai

BIBLENA KARI HAIRI: “Aran khubam phaoba nahakpu singhanba ngamba asengba sastra adu nahakna angang oiringeidagi khangkhre.” (2 Timothy 3:15) Nahakki pikliba angangbu takpinabagidamak kari tougadage haibadu mangjounana khanbiyu. Poklaktringeidagi houna, angangsingda khangba ngambagi shakti phajana lei. Puknungda leiringeidagi houna, angang aduna nahakki khonjel khangba ngam-ee amasung nahakki pukningda phaoriba ihulsingdu mangonda mami tai. Yamna piklingeidagi houna mangonda paraga tahanbiyu. Nahakna paribadu karino haiba mahakna khangdaba yai, adubu maduna mahakna hayeng chaoraklaba matamda pabada nungaiba phaojaba meesak ama oihallakpa yai.

Angangduda Ishworgi maramda wari sabiba matamda mahaksi noumalli haina khanbiganu. Jehovahda nahakna haijabadu mahakpusu tahanbiyu. (Anisuba Wayen 11:19) Mahakka sannaminnaba matamdasu, Ishworna sembi sabikhiba potsaksinggi maramda haibiyu. (Thagat Ishei 78:3, 4) Mahakna chaoraklaba matamda, nahakna Jehovahbu kayamuk nungsijabage haibadu khangba ngamgani aduga mahaknasu Jehovahbu nungsiba ngamlakkani.

NAHAKNA TOUBA YABADI:

• Angangdu takpi tambinaba Ishworgi maphamdagi lousing nijou

• Piklingeidagi tamba hounaba maruoiba waheising nattraga khanghanningliba waphamdu hanna hanna haibiyu