Tõod sebre 33:1-29
33 Ad bark Wẽnnaam dao a Moyiiz sẽn ning Israyɛll nebã, nand t’a ki.+
2 A yeelame:
“A Zeova yii Sinayi n wa.+Yẽ vẽenem yii Seyɩɩr n yãg a nebã zutu.
A ziirã yii Paaran+ soolmã sẽn yaa tãensẽ wã n yãge.Malɛg-sõamyã ka tɛk n da be ne-a,+t’a tãb-biisã be a nug-rɩtgo.+
3 A ra nonga a nin-buiidã.+Nin-sõamyã-kãensã fãa bee yãmb nugẽ.+
Bãmb da zĩi yãmb naoã tẽngre.+B ra kelgda yãmb goamã.+
4 (A Moyiiz kõo tõnd noore, tõog+tɩ yaa a Zakoob yagensã* rẽnda.)+
5 La a wa n lebga Yesurun*+ rĩma,nin-buiidã taoor dãmb sẽn wa n tigim taab+ne Israyɛll buud toɛy-toɛyã fãa wã.+
6 Bɩ a Rubɛn kell n vɩɩmde, n da ki ye.+La bɩ a nebã sõor da lebg bilf ye.”+
7 La a Moyiiz ninga a Zida+ bark n yeel yaa:
“Zeova, kelg-y-yã a Zida koɛɛgã,+n tall-a n lebg n wa a nebẽ wã.
A kamsã zab n deega bũmb nins a sẽn so wã.Bɩ yãmb sõng-a t’a tõog a bɛɛbã.”+
8 A goma a Levi+ yell n yeele:
“Yãmb* Tumimmã ne y Urimmã+ yaa rao ning sẽn maan sɩd ne yãmbã n so,+rao ning yãmb sẽn mak Masa wã.+
Yãmb zaba ne-a Meriba+ koomã noore.
9 Yaa rao ning sẽn yeel a ba wã ne a ma wã wɛɛngẽ yaa: ‘Mam toog kae ne-b ye.’
A raaga a ba-biisã meng n base.+La a pa zĩnd a kambã poorẽ ye.
Bala a tũu yãmb sẽn yeelã,la a sak yãmb kaoolã.+
10 Bɩ a zãms a Zakoob yagensã yãmb noyã,+la Israyɛll nebã yãmb Tõodã.+
Bɩ a yõog wisd sẽn tar yũ-noog n kõ yãmba,*+la a maan maoong sẽn dɩt bugum y tẽn-kugrã zugu.+
11 Zeova, bɩ y ning a pãngã barka,la y wilg tɩ y sũur nooma ne a nus tʋʋmã.
Bɩ y kao neb nins sẽn yikd n zabd ne-a wã nao,*tɩ neb nins sẽn kis-a wã ra le tõog n yik ye.”
12 A goma a Bẽnzame+ yell n yeele:
“Bɩ ned ning a Zeova sẽn nongã zĩnd a* sɛɛgẽ ne bãane.A* sẽn wat n kogend-a daarã tõrã,a na n zĩnda a* bãgdã sʋka.”
13 A goma a Zozɛf+ yell n yeele:
“Bɩ a Zeova ning a soolmã bark+ne saasẽ bõn-sõma,ne meenem la ne koom sẽn yit ko-bunds zĩisẽ,+
14 ne bõn-sõma wĩntoogã sẽn kõte,ne bõn-sõma sẽn wat kiuug fãa,+
15 ne pĩnd wẽndẽ tãensã* bõn-sõma sẽn yɩɩdã,+ne kunkubã sẽn paad wakat fãa wã bõn-sõma,
16 ne tẽngã bõn-sõma, la bũmb nins sẽn pid-a wã,+la a paam soab ning sẽn be gõos tuug pʋgẽ wã lohorem.+
Bɩ rẽ fãa zĩnd a Zozɛf zugã zugu,ned ning b sẽn welg toor a ba-biisã sʋkã zugu.+
17 A ziirã yaa wa loalg sẽn yaa bi-rẽeng ziiri,t’a yɩɩlã yaa wa we-naaf yɩɩla.
A na n tall-b lame n dig* buud toɛy-toɛy neba,b fãa sẽn naag taaba, n tãag tẽngã tɛka.
A yɩɩlã yaa a Efrayim tãb-biis tus-piiga,+la a Manase tãb-biis tusa.”
18 A goma a Zabulõ+ yell n yeele:
“Zabulõ, kɩdem sũ-noog f yiib wakate.La foom a Isakaare, maan sũ-noog f fu-rotẽ wã.+
19 B na n boola buud toɛy-toɛy neb tɩ b wa tãngẽ wã.
B na n maana tɩrlem maand beenẽ.
Bala b na n yãka arzɛkã sẽn pid mogrã,la bõn-sõma wã sẽn solg bĩisrẽ wã.”
20 A goma a Gaad+ yell n yeele:
“Bark bee ned ning sẽn yalgd a Gaad todsã zugu.+
A gãee beenẽ wa gɩgemde,n gũud n na n fiuug kangã, la baa zugã menga.
21 A na n yãka pipi pʋɩɩrã tɩ yɩ a mengã rẽnda,+bala soab ning sẽn lugund noyã pʋɩɩr bee be.+
Nin-buiidã taoor dãmb na n tigma taaba.
A na n kɩtame tɩ b bãng a Zeova tɩrlmã,la a tõod nins a sẽn gãneg Israyɛll nebã wɛɛngẽ wã.”
22 A goma a Dan+ yell n yeele:
“A Dan yaa gɩgem-bila.+
A na n yɩk n yii Basan.”+
23 A goma a Naftali+ yell n yeele:
“A Naftali sũur nooma ne a Zeova sõmblmã,la a sẽn pid ne a barkã yĩnga.
Soog nin-taoore, la goabga.”
24 A goma a Asɛɛr+ yell n yeele:
“Wẽnnaam kõo a Asɛɛr kamb wʋsgo.
Bɩ a paam a ba-biisã lohorem,la bɩ a los a naoã kaam pʋgẽ.
25 Fo kʋɩlengã sogds yaa kut la zũudu,+la fo na n zĩnda bãan f yõor tɛka.
26 Wẽnnaam a to kae n yaa wa a Yesurun+ Wẽnnaamã,+soab ning sẽn paad saasẽ n sõngd foomã,la sẽn zao sawatã ne ziirã ye.+
27 Hal pĩnd wẽndẽ, Wẽnnaam yaa zĩ-soalgdga.+A nugã sẽn paad wakat fãa wã zãada foo.+
A na n diga bɛɛbã fo taoore,+la a yeel yaa: ‘Sãam-b zãnga!’+
28 Israyɛll nebã na n zĩnda bãane.A Zakoob yagensã* na n zĩnda ne laafɩ,soolem sẽn pid ne kood la divẽ-paalg pʋgẽ,+tɩ meenem na n yit soolmã yĩngr n dʋʋgdẽ.+
29 Israyɛll neba, yãmb yaa sũ-noog rãmba!+
Ãnda n yaa wa yãmba?+Yãmb yaa nin-buiid sẽn paamd a Zeova fãagre.+A yaa yãmb gãong sẽn kogend yãmba,+la y sʋ-kãsengã.
Yãmb bɛɛbã na n yĩgimda y taoor ne rabeem,+tɩ yãmb tab b poayã.”*
Vẽnegr toor-toore
^ Ebre, “tigingã.”
^ Rat n yeel tɩ “Ned sẽn yaa tɩrga.” Yaa Israyɛll waoogr yʋʋre.
^ “Yãmbã” sẽn be vɛrse-kãngã pʋgẽ wã yaa Wẽnnaam.
^ Ebre, “yãmb yõorẽ wã.”
^ Bɩ, “seesã.”
^ Pa rẽ bɩ, “Wẽnnaam.”
^ Pa rẽ bɩ, “Wẽnnaam.”
^ Pa rẽ bɩ, “Wẽnnaam.”
^ Pa rẽ bɩ, “yaang sẽnes tãensã.”
^ Bɩ, “n tã.”
^ Ebre, “bulgã.”
^ Pa rẽ bɩ, “zĩ-zãntsã.”
