Yɩɩn-sõamyã sebre 84:1-12
Yɩɩlã taoor soab yĩnga. Yɩɩnda ne Gititi.* A Koore+ kom-dibli wã yɩɩlle.
84 Tãb-biis naab a Zeova,ad yãmb sɛk-roogã sẽn yaa kãsengã sɩd bee rasãnde!+
2 Mam mengã tõr* dataa Zeova samanã.+Mam pãngã saame, mam sẽn dat-b ne m sũur fãa wã yĩnga.
Mam sũurã ne m yĩn-nemsã kaasda ne sũ-noogo, Wẽnnaam ning sẽn vɩ wã yĩnga.
3 Tãb-biis naab a Zeovasẽn yaa mam Rĩm la m Wẽnnaam,baa bõn-yɩgdg paamda roog yãmb tẽn-kug-kãsengã sɛɛga!Sɩlaallã me tɩʋta tʋk a meng yĩnga,n get a kambã yell be!
4 Sũ-noog rãmb la neb nins sẽn be yãmb roogẽ wã!+
B pẽgda yãmb+ wakat fãa. (Sela)
5 Sũ-noog rãmb la neb nins sẽn paamd b pãngã yãmb nengẽ wã.+Bãmb sũyã sẽn dat yaa b be soay nins sẽn dabd yãmb roogẽ wã zutu.
6 Bãmb sã n wa pasgd Baka longã,*b kɩtdame t’a lebg ko-bunds zĩiga.Dẽenem saagã me kiigda bark wʋsg a zugu.*
7 B na n kẽndame tɩ b pãngã tar paasgo.+B ned kam fãa wata Wẽnnaam taoor Siyõ.
8 Wẽnnaam a Zeova sẽn yaa tãb-biis naaba, kelg-y mam pʋʋsgã.Zakoob Wẽnnaam, kelg-y-yã. (Sela)
9 Tõnd gãong+ la d Wẽnnaam, ges-y-yã.*Ges-y yãmb sẽn yãk* a soabã nenga.+
10 Bala yãmb samanẽ wã daar-n-yɛng zĩndg n são rasem tusr zĩig a to!+
Mam yãka yam n na n yals mam Wẽnnaamã roog rignoorẽ,n pa na n zĩnd nin-wẽnsã fu-rotẽ ye.
11 Bala Wẽnnaam a Zeova yaa wĩntoog+ la gãongo.+A kõta lohorem la ziiri.
A Zeova pa na n mongsẽn kẽnd-b ne burkĩndã+ bõn-sõng baa a yembr ye.
12 Tãb-biis naab a Zeova,sũ-noog soab la ned ning sẽn teeg yãmbã.+
Vẽnegr toor-toore
^ Ges-y gom-biis võor bilgrã zĩigẽ.
^ Bɩ, “Mam sɩɩgã tõr.”
^ Pa rẽ bɩ, “Karen-saambã pinda a meng ne bark wʋsgo.”
^ Bɩ, “baka tuudã longã.”
^ Pa rẽ bɩ, “Mam Wẽnnaam, ges-y tõnd gãongã.”
^ Ebre, “zae.” Ges-y gom-biis võor bilgrã zĩigẽ.
