Yɩɩn-sõamyã sebre 9:1-20
Yɩɩlã taoor soab yĩnga. Yɩɩnda ne Mut-labɛnne.* A Davɩɩd yɩɩlle.
א [Aleph]
9 Zeova, mam na n pẽga yãmb ne m sũurã fãa.Mam na n goma yãmb tʋʋm-kãsemsã fãa yelle.+
2 Mam na n maana sũ-noogo, la m kɩdme.*Sẽn-ka-to, mam na n yɩɩlame n pẽg yãmb yʋʋrã.+
ב [Beth]
3 Mam bɛɛbã sã n wa tard n lebd poorẽ,+b na n tɩ lak n lʋɩɩ yãmb taoor n sãame.
4 Bala yãmb sõngda maam sẽn na yɩl tɩ m paam bʋʋm.Yãmb zĩi y geerã zug n kaood bʋʋdã ne tɩrlem.+
ג [Gimel]
5 Yãmb ninga buud toɛy-toɛyã neb taale,+ la y sãam nin-wẽnsã,n yẽesd b yʋyã wakat sẽn kõn sa yĩnga.
6 B sãama bɛɛbã wakat fãa yĩnga.Yãmb sãama b tẽnsã.B pa na n tol n le tẽeg b yell ye.+
ה [He]
7 La a Zeova zĩi a geerã zug zãmaan woo zãmaana.+A lugla a geerã kãn-kãe tɩrlmã yĩnga.+
8 A na n kaoo dũniyã* nebã bʋʋd ne tɩrlem.+A na n kaoo buud toɛy-toɛyã neb bʋʋd wa sẽn zems sẽn yaa tɩrga.+
ו [Waw]
9 A Zeova na n lebga neb nins sẽn namsdã soondg zĩig meng-menga,+soondg zĩig meng-meng yel-pakr wakate.+
10 Neb nins sẽn mi yãmb yʋʋrã na n teega yãmba.+Zeova, yãmb pa na n tol n bas sẽn baood-b yãmbã ye.+
ז [Zayin]
11 Yãmb a neb nins sẽn be Siyõ wã, yɩɩl-y n pẽg-y-yã a Zeova.Kɩt-y tɩ buud toɛy-toɛyã neb bãng a tʋʋm-kãsemsã.+
12 Bala Soab ning sẽn dokd b sũurã* tẽra b yelle.+A pa na n yĩm sẽn namsd-bã kelemsã ye.+
ח [Heth]
13 Zeova, zoe-y mam nimbãanega. Ges-y sẽn kis-b maamã sẽn namsd-m to-to wã,yãmb sẽn yaa Soab ning sẽn zẽkd maam n yiisd kũum rignoyẽ wã,+
14 sẽn na yɩl tɩ m tõog n moon yãmb tʋʋmã sẽn sek pẽgrã Siyõ bi-puglã rignoyẽ wã,+la m maan sũ-noog y sẽn fãag-mã yĩnga.+
ט [Teth]
15 Buud toɛy-toɛyã neb lʋɩɩ bok ning b sẽn tu wã pʋgẽ.Bẽdg ning b sẽn solgã yõka b naoã.+
16 A Zeova kɩtame tɩ b bãng-a, ne bʋʋdã a sẽn kaoã maasem.+
Nin-wẽnsã nus tʋʋmã wẽneg n yõk-b-la wa bẽdga.+
Higayon.* (Sela)
י [Yod]
17 Nin-wẽnsã na n tardame n teesd Yaoogẽ* wã,rat n yeel tɩ buud nins fãa sẽn yĩmd Wẽnnaam yellã.
18 La b pa na n yĩm naong rãmbã yell wakat fãa yĩng ye.+Sik-m-mens rãmbã saagr me ka na n pa n pa pids ye.+
כ [Kaph]
19 Zeova, yik-y-yã! Ra bas-y tɩ ninsaal sẽn yaa kiidã tõog ye.
Bɩ b kao buud toɛy-toɛyã bʋʋd yãmb taoore.+
20 Zeova, kẽes-y-b rabeem.+Bɩ buud toɛy-toɛyã neb bãng tɩ b yaa ninsaalb sẽn yaa kiidb bala. (Sela)
Vẽnegr toor-toore
^ Ges-y gom-biis võor bilgrã zĩigẽ.
^ Ebre, “kɩdem yãmb pʋgẽ.”
^ Bɩ, “tẽn-gãongã.”
^ Bɩ, “sẽn dokd b zɩɩmã sũurã.”
^ Ges-y gom-biis võor bilgrã zĩigẽ.
^ Ges-y gom-biis võor bilgrã zĩigẽ.
