Zoob sebre 14:1-22
14 “Ninsaal pag sẽn dogãvɩɩm yaa koɛɛga,+ n pid ne zu-loeese.+
2 Yẽ pukda wa tɩ-puugu, la bilf poore a zelgdame.*+A zoeta wa sulunsuk n meneme.+
3 N-ye, yãmb nin bee yẽ zugu,la yãmb tara yẽ* n dabd bʋʋd n na n bʋ ne-a.+
4 Ãnd n tõe tɩ ned sẽn yaa yɩlemd yi ned sẽn yaa rẽgd pʋgẽ?+
Ned baa a ye!
5 A rayã sõor sã n yãkame,a kiisã sõor bee yãmb nugẽ.Yãmb yãka koak n kõ-a t’a pa tõe n zʋʋg ye.+
6 Wẽnemd-y y neng n bas a gesg t’a paam n vʋʋse,hal t’a baas a raarã wa ned b sẽn dɩk tʋʋma.+
7 Bala baa tɩɩg meng tara saagre.
B sã n kɛɛg-a, a na n le tobame,t’a wil-bõonegã ket n bɩtẽ.
8 A yẽgã sã n kʋʋl tẽngã pʋgẽ,t’a viukã ki tomã pʋgẽ,
9 a sã n paam koom bilf bala, a na n tobame,n tão wil wa tɩ-polle.
10 La ninsaal kiidame, n gãe n pa tõe n maan bũmb ye.Ninsaal sã n ki, a bee yɛ?+
11 Mogrã koom menemdame,la kʋɩlg koom zoet n loogdame n kʋɩtẽ.
12 Ninsaal me gãandedame n pa yik ye.+
Saasã sã n beẽ fãa, bãmb pa na n nek ye.B pa na n yik b gõeemẽ wã me ye.+
13 Mam nongẽ-la yãmb sẽn da na n solg-m Yaoogẽ* wã,+n solg-m hal tɩ y sũ-puugrã sa,la tɩ y yãk wakat n kõ-ma, t’a sã n ta bɩ y tẽeg-m yelle!+
14 Ninsaal sã n ki, a tõe n le vɩɩmdame bɩ?+
Mam na n gũu wakat ning b sẽn yãk n kõ maamã fãa sasa,n tãag m yolsgã.+
15 Y na n boolame, la mam na n leoka yãmba.+
Yãmb na n yãgdame n dat n yã y nusã tʋʋmde.
16 La nananda, yãmb sõta mam nao-yakemd fãa.Yãmb geta m yel-wẽndã bala.
17 Yãmb sẽbga mam beegrã korg pʋgẽ,la y tabend a noorã n na n bĩng m kongrã.
18 Wa tãng sẽn lʋɩt n sirgdẽ wã,tɩ pĩig me sergd a zĩigẽ,
19 la wa koom sẽn pedsd kuga,tɩ ko-zoetmã kãag tẽngã tom n loogdẽ wã,yãmb sãama ninsaal sẽn yaa kiidã saagr woto.
20 Yãmb tar-a-la tõogr hal t’a wa ki.+Yãmb toeemda a yalẽ wã la y rig-a.
21 A kambã paamda waoogre, la a pa mi ye.B lebgda nimbãan-neba, la a pa bãngd ye.+
22 Yaa a sẽn wat n ket n tar yĩn-nems la a tõe n wʋm toogo.Yaa a sã n ket n vɩ bal la a tõe n sidgi.”
Vẽnegr toor-toore
^ Pa rẽ bɩ, “la b yãkd-a lame.”
^ Ebre, “maam.”
^ Ges-y gom-biis võor bilgrã zĩigẽ.
