Zoob sebre 38:1-41
38 Dẽ, a Zeova goma sob-kẽengã pʋgẽ, n leok a Zoob n yeel yaa:+
2 “Yaa ãnd soab la sẽn sãbsd m sẽn maand yɛlã to-to wã,la a gomd n yaool n pa tar bãngrã?+
3 M bõos tɩ f segl f meng wa raoa.M na n sok-f-la sogsgo, tɩ f leok-ma.
4 Mam sẽn wa n yẽbg tẽngã+ tɩ fo ra bee yɛ?
Fo sã n tagsdame tɩ f miime bɩ f togs-ma.
5 Fo sã n miime, yaa ãnd n mag-a,bɩ yaa ãnd n tẽeg wĩir n mag-a?
6 Bõe zug la a yẽbgrã roga,+bɩ ãnd n ning a gõdrã zĩigẽ kugrã,
7 wakat ning yibeoog ãdsã+ sẽn naag taab n kɩdme,tɩ Wẽnnaam kom-dibli wã*+ fãa sɩng kaasg n pẽgdã?
8 Ãnd n pag mogrã ne kʋɩlense,+a sẽn wa n fudg n yi a zĩigẽ* wã,
9 m sẽn wa n yeelg-a ne sawatla m vil-a ne lik bida wã,
10 wakat ning m sẽn yãk koak n kõ-a,la m ning a sogdsã ne a kʋɩlensã?+
11 Wakat kãnga, mam yeel-a lame yaa: ‘Fo tõe n taa hal kaanẽ, la ra yõsg be ye.Yaa ka la fo ko-pɛmã sẽn zẽkd b mensã na n yalse.’+
12 Fo zoe n kõo yibeoog noore,bɩ n kɩt tɩ sõorã bãng a pukr zĩiga?+
13 Yaa foo n yeel yibeoog vẽenem t’a kẽng tẽngã kɩremsẽ,la a rig nin-wẽnsã bɩ?+
14 Tẽngã tekda wa yagd b sẽn ningd bãnd a zugu,t’a yalẽ wã lebgd vẽeneg wa fuugu.
15 La b mongda nin-wẽnsã b vẽenemã,la b kangã sẽn zẽkã kaoogdame.
16 Fo sig n taa mogrã ko-ninẽ,bɩ fo maaga f yĩng n vaees ko-zulumsã n gese?+
17 B wilga foom kũumã kʋɩlens+ bɩ,bɩ fo yãa lik bida wã*+ kʋɩlensã?
18 Fo mii tẽngã sẽn yalem to-to+ wã bɩ?
Fo sã n mii rẽ fãa bɩ f togs-ma.
19 Yaa yɛ babg la vẽenemã be?+
La likã zĩig bee yɛɛnẽ
20 tɩ fo na n tall-a n kẽng a zĩigẽ wã,la f bãng soay nins sẽn dabd a yirã?
21 Fo mii rẽ, tɩ bala fo ra zoe n dogame,la tɩ f yʋʋmã sõor waoogame bɩ?
22 Fo kẽe sa-lamdã+ bĩngr dotẽ bɩ,bɩ fo yãa sapɩlmã+ bĩngr dotã
23 mam sẽn bĩng toog wakatla zabr ne tẽn-kũum daar yĩngã?+
24 Yaa so-bʋg la vẽenemã* tũud n yãgda,la yaa yɛ la yaang sobgã yit n fugd tẽngã zugu?+
25 Ãnd n tuk sor n kõ sa-kãsengã,la a maan sor n kõ sa-kẽengã sẽn tãsdã,+
26 n na n kɩt tɩ saagã ni zĩig ninsaal sẽn kaẽ,n ni we-raoog ninsaal baa a ye sẽn ka beẽ,+
27 n madg zĩ-koeemsã sõmala a kɩt tɩ mood yi?+
28 Sa-koomã tara ba bɩ,+bɩ meenemã ba yaa ãnda?+
29 Ãnda pʋgẽ la galaasã yita,la yaa ãnd n dog saasẽ wul-maasgã,+
30 wakat ning sẽn yaa wa b luda ko-rãmbã ne kugrã,tɩ ko-zulumsã zut gũs n lebg kãn-kãe wã?+
31 Fo tõe n sẽba Kima ãd-sullã wĩyã,bɩ f tõe n loka Kesill ãd-sullã* wĩyã?+
32 Fo tõe n kɩtame tɩ ãd-sull puk a wakate,bɩ n wilg As ãd-sullã* ne a kambã sore?
33 Fo mii saasã sẽn tũud noy ninsã,+bɩ fo tõe n kɩtame tɩ b sak no-kãens tẽngã zug sɩda?
34 Fo tõe n zẽka f koɛɛg tɩ ta sawatã,n kɩt tɩ sa-kãseng kiig f zug bɩ?+
35 Fo tõe n tʋma sa-yãgb sɩda?
B na n waame n yeel foo tɩ ‘ad tõnd’ bɩ?
36 Ãnd n ning yam sawatã* pʋgẽ,+bɩ ãnd n kõ saasẽ bõn-bãnã* bãngre?+
37 Ãnd n tar yam tɩ sek a na sõd sawatã,bɩ ãnd n tõe n kɩll saasẽ rʋgdã tɩ koomã rʋʋge,+
38 tomã sẽn wat n boog n lebg bɛgdo,tɩ tãn-dagã kẽ taabã?
39 Fo tõe n tãoosa rũng n kõ gɩgemde,bɩ f tõe n kɩtame tɩ gɩgem-poal tɩge,+
40 b sẽn wat n wũg b soondg zĩisẽ wã,bɩ n sor b bogdẽ n gũudẽ wã?
41 Ãnd n baood rɩɩb n kõt gãabgo,+a kambã sẽn wat n kelemd n kot Wẽnnaam sõngre,la b yeebd b sẽn pa tar bũmb n na dɩ wã yĩngã?
Vẽnegr toor-toore
^ Yaa Ebre wã gomd sẽn dat n yeel tɩ Wẽnnaam malɛgsã.
^ Ebre, “pʋʋrẽ.”
^ Bɩ, “kũum sulunsukã.”
^ Pa rẽ bɩ, “sa-tãsã.”
^ Woto yaa ãd-sul yʋya, tɩ f sã n be tẽngã zug n get-b bɩ b wõnd rũms la teed kẽere.
^ Woto yaa ãd-sull yʋʋre, tɩ f sã n be tẽngã zug n get-a bɩ a wõnd rũms la teed kẽere.
^ Pa rẽ bɩ, “ninsaal.”
^ Pa rẽ bɩ, “yamã.”
